ప్రశ్న
సెసెషనిజం బైబిల్ బద్ధమైనదా? సెసెషనిస్ట్ అంటే ఎవరు?
జవాబు
సెసేషనిజం అనేది అన్యభాషలు మరియు స్వస్థత వంటి "అద్భుత వరాలు" కాలం ముగిసిపోయిందనే అభిప్రాయం—అపొస్తలుల యుగం ముగింపుతో ఆ యుగానికి సంబంధించిన అద్భుతాలు కూడా ఆగిపోయాయని ఇది చెబుతుంది. చాలా మంది సెసేషనిస్టులు నమ్ముతారు ఏమిటంటే, దేవుడు ఈ రోజు కూడా అద్భుతాలు చేయగలడు మరియు చేస్తున్నప్పటికీ, పరిశుద్ధాత్మ ఇకపై అద్భుతమైన సంకేతాలు చేయడానికి వ్యక్తులను ఉపయోగించడం లేదు.
దేవుని నుండి వచ్చిన ఒక కొత్త సందేశాన్ని ధృవీకరించే నిర్దిష్ట ప్రయోజనం కోసం, ప్రత్యేక కాలాలలో అద్భుతాలు జరిగాయని బైబిల్ రికార్డు చూపిస్తుంది. ఫరో ఎదుట తన పరిచర్యను ధృవీకరించడానికి మోషే అద్భుతాలు చేయగలిగాడు (నిర్గమకాండం 4:1-8). అహాబు ఎదుట తన పరిచర్యను ధృవీకరించడానికి ఏలీయాకు అద్భుతాలు ఇవ్వబడ్డాయి (1 రాజులు 17:1; 18:24). ఇశ్రాయేలు ప్రజల ముందు తమ పరిచర్యను ధృవీకరించడానికి అపొస్తలులకు అద్భుతాలు ఇవ్వబడ్డాయి (అపోస్తలుల కార్యములు 4:10, 16).
యేసు పరిచర్య కూడా అద్భుతాలతో గుర్తించబడింది, వాటిని అపొస్తలుడైన యోహాను "సూచనలు" అని పిలుస్తాడు (యోహాను2:11). యేసు సందేశం యొక్క ప్రామాణికతకు ఆ అద్భుతాలు రుజువు అని యోహాను చెప్పకలిగే అంశం.యేసు పునరుత్థానం తర్వాత, సంఘం స్థాపించబడుతున్నప్పుడు మరియు నూతన నిబంధన వ్రాయబడుతున్నప్పుడు, అపొస్తలులు అన్యభాషలు మాట్లాడటం మరియు స్వస్థపరిచే శక్తి వంటి "సూచనలను" ప్రదర్శించారు. “అన్యభాషలు విశ్వసించువారికి కాదు, విశ్వసించనివారికి సూచనగా ఉన్నవి” (1 కొరింథీయులకు 14:22). అన్యభాషలు ప్రధానంగా అవిశ్వాసులైన యూదుల కోసం ఒక సూచనగా ఉన్నాయి, వారి దృష్టిని ఆకర్షించడానికి ఉద్దేశించబడ్డాయి. ఇతర అద్భుతాల వలె, అన్యభాషలు అవిశ్వాసులైన యూదులను నూతన క్రైస్తవ మతం నిజంగా దేవుని నుండి వచ్చిందని ఒప్పించడానికి ఉపయోగపడ్డాయి.
అన్యభాషల వరము అంతమునకు వచ్చునని అపొస్తలుడైన పౌలుడు ప్రవచించాడు (1 కొరింథీయులు 13:8). అది ఇప్పటికే అంతమునకు వచ్చిందని చెప్పడానికి ఇక్కడ ఆరు రుజువులు ఉన్నాయి:
1) అపొస్తలులు, వారి ద్వారా అన్యభాషలు వచ్చాయి, వారు సంఘ చరిత్రలో ప్రత్యేకమైనవారు. వారి పరిచర్య పూర్తయిన తర్వాత, ధృవీకరించే సూచనల అవసరం అంతరించింది.
2) అద్భుత (లేదా సూచక) వరములు 1 కొరింథీయులకు వంటి అత్యంత ప్రారంభ కాలపు పత్రికలలో మాత్రమే ప్రస్తావించబడ్డాయి. ఎఫెసీయులకు మరియు రోమీయులకు వంటి తర్వాతి గ్రంథాలలో ఆత్మ యొక్క వరాల గురించి వివరణాత్మక భాగాలు ఉన్నాయి, కానీ అద్భుత వరాల గురించి ప్రస్తావన లేదు, అయినప్పటికీ రోమీయులకు ప్రవచన వరాన్ని ప్రస్తావిస్తుంది. “ప్రవచనం” అని అనువదించబడిన గ్రీకు పదానికి “ముందుగా చెప్పడం” అని అర్థం మరియు అది తప్పనిసరిగా భవిష్యత్తును అంచనా వేయడాన్ని కలిగి ఉండదు.
3) అన్యభాషల వరము, దేవుని రక్షణ ఇప్పుడు ఇతర జనములకు కూడా అందుబాటులో ఉందని అవిశ్వాసము గల ఇశ్రాయేలుకు ఒక సూచనగా ఉండెను. 1 కొరింథీయులు 14:21-22 మరియు యెషయా 28:11-12 చూడండి.
4) అన్యభాషలు ప్రవచనానికి (ప్రసంగానికి) ఒక తక్కువమైన వరము. దేవుని వాక్యమును ప్రసంగించుట విశ్వాసులను క్షేమాభివృద్ధి చేయును, కానీ అన్యభాషలు అట్లు చేయవు. విశ్వాసులు అన్యభాషలలో మాట్లాడుటకంటె ప్రవచనము చేయాలని చెప్పబడింది (1 కొరింథీయులు 14:1-3).
5) చరిత్ర ప్రకారం భాషలు మాట్లాడే వరము ఆగిపోయిందని సూచిస్తుంది. అపోస్తలుల తర్వాత వచ్చిన తరం నాయకులు భాషల గురించి ఏమాత్రం ప్రస్తావించలేదు. జస్టిన్ మార్టైర్, ఒరిజెన్, క్రిసోస్టమ్ మరియు ఆగస్టీన్ వంటి ఇతర రచయితలు, భాషలు అనేవి సంఘం యొక్క ప్రారంభ రోజులలో మాత్రమే జరిగిన ఒక విషయంగా పరిగణించారు.
6) అన్యభాషల వరము ఆగిపోయిందనడానికి సూచనలు ఉన్నాయి. ఒకవేళ ఆ వరము ఈనాటికీ ఉండి ఉంటే, మిషనరీలు భాషా పాఠశాలకు హాజరు కావాల్సిన అవసరం ఉండేది కాదు. అపొస్తలుల కార్యములు 2లో వారు చేసినట్లుగా, మిషనరీలు ఏ దేశానికైనా ప్రయాణించి, అద్భుతంగా ఏ భాషనైనా సజావుగా మాట్లాడగలిగేవారు. రోగశమన వరము విషయానికొస్తే, లేఖనాలలో స్వస్థపరచడం ప్రధానంగా యేసు మరియు అపొస్తలుల పరిచర్యతో ముడిపడి ఉందని మనం చూస్తాము (లూకా 9:1-2). మరియు అపొస్తలుల యుగం ముగింపుకు దగ్గరవుతున్న కొద్దీ, అన్యభాషల వలెనే స్వస్థపరచడం కూడా తక్కువగా జరిగిందని మనం చూస్తాము. చనిపోయిన యూతికస్ను బతికించిన అపొస్తలుడైన పౌలు (అపోస్తలుల కార్యములు 20:9-12), ఎపఫ్రోదితును (ఫిలిప్పీయులకు 2:25-27), త్రోఫిమోను (2 తిమోతి 4:20), స్వస్థపరచలేదు, తిమోతి (1 తిమోతి 5:23), లేదా తనను తాను కూడా (2 కొరింథీయులకు 12:7-9) స్వస్థపరచలేదు. పౌలు స్వస్థపరచడంలో “విఫలమవడానికి” కారణాలు 1) ప్రతి క్రైస్తవుడిని బాగుచేయడానికి కాకుండా, అపొస్తలుత్వాన్ని ధృవీకరించడానికి ఈ వరము ఉద్దేశించబడింది (2 కొరింథీయులకు 12:12; హెబ్రీయులకు 2:4); మరియు 2) అపొస్తలుల అధికారం తగినంతగా ప్రదర్శించబడింది.
పైన పేర్కొన్న కారణాలే అద్భుత సంకేత వరదానాలు అంతం చెందాయని విశ్వసించేవారు నమ్మే కారణాలు. అయినప్పటికీ, ఆత్మ యొక్క ఇతర వరాల ద్వారా దేవుడు ఇప్పటికీ పని చేస్తూనే ఉన్నాడని సెసేషనిస్టులు నమ్ముతారని గుర్తుంచుకోవడం ముఖ్యం. 1 కొరింథీయులకు 13:13–14:1 ప్రకారం, అన్నింటికన్నా గొప్ప వరమైన “ప్రేమను వెంబడించడం” మనకు మంచిది. మనం వరాలను ఆశించాలంటే, అందరూ నిర్మింపబడేలా దేవుని వాక్యాన్ని బోధించాలని ఆశించాలి.
English
సెసెషనిజం బైబిల్ బద్ధమైనదా? సెసెషనిస్ట్ అంటే ఎవరు?
