ప్రశ్న
బైబిల్లో ఫానుయేల్ అనే దేవదూత ఉన్నాడా?
జవాబు
బైబిల్ దేవుని యొక్క ఇద్దరు పవిత్ర దేవదూతల పేర్లను ఇస్తుంది: గాబ్రియేలు మరియు మిఖాయేలు. ఆ ఇద్దరి పేర్లు తప్ప మరే ఇతర పేర్లు మనకు లేవు. ఫానుయేలు అనే ఒక వ్యక్తి ఉన్నాడు (లూకా 2:36), కానీ బైబిల్లో ఫానుయేలు అనే దేవదూత లేడు. అపోక్రిఫా పుస్తకమైన హనోకు గ్రంథంలో అతని ప్రస్తావన కారణంగానే, ఫానుయేలు అనే దేవదూత ఉన్నాడనే ఆలోచన వచ్చింది.హనోకు గ్రంథంలో చాలా భాగం దేవదూత శాస్త్రం మరియు దుష్టశక్తుల శాస్త్రం గురించి చెబుతుంది. హనోకు గ్రంథం ప్రకారం, ఫానుయేలు దేవుని సింహాసనం ముందు నిలిచే నలుగురు దేవదూతలలో ఒకడు — మిగిలిన ముగ్గురు మిఖాయేలు, గాబ్రియేలు, మరియు రాఫాయేలు. ఫానుయేలు "నాలుగవవాడు, పశ్చాత్తాపమునకును, నిత్యజీవమును స్వతంత్రించువారి నిరీక్షణకును అధిపతి" (హనోకు 40:9). "దుష్ట దేవదూతలను బహిష్కరించడం మరియు ఆత్మల ప్రభువు సన్నిధిలోకి ప్రవేశించకుండా వారిని నిషేధించడం" అనే పని కూడా అతనికి ఉన్నట్లు చెప్పబడింది (హనోకు 40:7).
దేవుని సింహాసన గదిలో ఎన్నడూ నిద్రపోని దేవదూతలైన ఓఫానిమ్లకు ఫానుయేలు అధిపతి అని పురాణ కథనం పేర్కొంటుంది. మరియు దుష్ట దేవదూతల తీర్పులో పాలుపంచుకునే దేవదూతలలో అతను ఒకడు: "ఆ దినమున ఫానుయేలు బలపడెను, మరియు ఆత్మల ప్రభువు వారి అపరాధముల నిమిత్తము వారి మీద ప్రతీకారం తీర్చుకొనునట్లు, సైతానుకు పరిచారకులై భూమి మీద కాలువారిని మోసగించినందున, అతడు [దుష్టశక్తులను] మండే అగ్ని కుండములో పారవేయును" (హనోకు 53:6).
బైబిల్ పవిత్ర దేవదూతల గురించి గానీ, ఇతర దేవదూతల గురించి గానీ మనకు ఎక్కువ సమాచారాన్ని ఇవ్వదు. హనోకు గ్రంథం ఒక విచిత్రమైన మరియు సంచలనాత్మకమైన, ప్రామాణికం కాని సాహిత్య రచన. యూదా 1:14–15లో ఉదహరించబడిన భాగాన్ని మినహాయించి, హనోకు గ్రంథాన్ని సత్యంగా అంగీకరించడానికి మనకు ఎటువంటి కారణం లేదు. ఫానుయేలు అనే దేవదూత నిజంగా ఉన్నాడో లేదో తెలుసుకోవడానికి మార్గం లేదు, మరియు పురాణాలపై పరిశోధనలు చివరికి లాభదాయకం కావు.
English
బైబిల్లో ఫానుయేల్ అనే దేవదూత ఉన్నాడా?
