سوال
گنہگار دی دعا کیا ہے؟
جواب
گنہکار دی دعا ہک دعا جو ہک شخص خدا توں کریندا ہے جیڑھے ویلے او ڄاݨدے جو او ہک گنگہکار ہے تاں اونکوں نجات دھندہ دی لوڑھ ہے۔ گنہگار دی دعا آکھݨ نال کوئی چیز اپݨے آپ انجام کائناں پیسے ۔ ہک گنہگار دی دعا صرف اوں ویلے موثر ہوسے جو او شصخ اصل اچ اوں ڳالھ کوں ڄاݨے اتے سمجھے جو اونکوں اپݨے گناہ دے بارے پتہ ہووے اتے اونکوں نجات دی لوڑھ ھے ۔
گنہگار دی دعا دی پہلی صورت اے ہے جو او ڄاݨے جو اساں سبھ گنہگار ہیسے ۔ رومیوں ٣ باب ١٠ آیت اعلان کریندی ہے جو " چنانچہ لکھیا ہے جو کوئی وی راستباز کائنی ، ہک وی نئیں " کلامِ مقدس واضع طور تے بیان کریندے جو سبھ نے گناہ کیتے۔ اساں ساریں گناہ دی وجہ نال ابدی سزا دے مستحق ہیں ( متی ٢٥ باب ٤٦ آیت) ۔ گنہگار دی دعا ہک منت ہے فضل واطے بجائے عدالت دے ۔ اے گزارش ہے جو رحم واسطے غضب دے۔
گنہگار دی دعا دی ݙوجھی صورت کوں ڄانݨا ہے جو خدا نے اساݙی وڳڑی ہوئی اتے گنہگار حالت کیتے کیا علاج کیتے۔ خدا مجسم تھیا اتے یسوع مسیح دی شخصیت اچ ہک انسان بݨیا (یوحنا ١ باب ١ اتے ١٤ آیت) ۔ یسوع نے خدا دے بارے اچ اساکوں سچ سچ ݙسایا اتے ہک مکمل گناہ دے بغیر زندگی گزاری ( یوحنا ٨ باب ٤٦ آیت ، ٢ ۔ کرنتھیوں ٥ باب ٢١ آیت)۔ یسوع نے اساݙی جاہ سُولی تے جان ݙتی ، اوں سزا کوں اپݨے اُتے گھن گھدا جیندے اساں مستحق ہاسے (رومیوں ٥ باب ٨ آیت) یسوع نے مُردیں وچوں زندہ تھی تے گناہ ، موت اتے دوزخ تے اپݨٰ کامیابی ثابت کیتی ( کلیسوں ٢ باب ١٥ آیت ، ١۔ کرنتھیوں ١٥ باب) ۔ انہاں سبھ دی وجہ نال ، اساں اپݨے گناہ معاف کروا سڳدے ہیں اتے آسمان تے ہک ابدی گھر دا وعدہ کیتا ڳیا ہے اگر اساں اپݨا ایمان صرف یسوع مسیح تے رکھیسوں ۔ اساں سبھ کوں یقین رکھݨا ہے جو او اساݙی جاہ مُوا اتے مُردیں وچوں جی پیا (رومیوں ١٠ باب ٩ تا ١٠ آیت)۔ اساں صرف اوندے فضل نال ہی نجات پا سڳدوں ، صرف ایمان نال ، صرف یسوع نال ، افسیوں ٢ باب ٨ آیت اعلان کریندی ہے ، " کیوںکہ جو تہاکوں ایمان دے وسیلہ نال فضل ہی نال نجات ملی ہے اتے اے تہاݙی طرفوں نئیں ۔ خدا دی بخشش ہے"۔
گنہگار دی دعا سادہ جیہا ہک طریقہ ہے خدا نال ایں ڳالھ دا اظہار کرݨ دا جو اساں اپݨی نجات واسطے یسوع مسیح تے ایمان رکھیندے ہیں ۔ اے کوئی "طلسماتی" الفاظ نئیں جو تہاکوں نجات ݙے سڳن ۔ صرف اے ایمان رکھݨا جو یسوع دی موت اتے اوندا مُردیں وچوں جی پووݨ ہی اساکوں نجات ݙے سڳدا ہاں ۔ اگر تُساں سمجھدے ہیوے جو تساں گنہگار ہیوے اتے یسوع دے ذریعے نجات دی لوڑھ رکھیندو ۔ میں ڄاݨداں جو میݙے گناہ دا کیا انجام ہے۔ ول وی میں یقین رکھینداں جو یسوع مسیح میݙا نجات دھندہ ہے۔ میں یقین رکھینداں جو اوندی موت اتے مُردیں وچوں جی پووݨ میکوں معافی ݙیوݨ واسطے ہے ۔ میں یسوع مسیح تے ریمان رکھیندا اتے صرف یسوع مسیح ہی میݙا شخصی خداوند اتے نجات دھندہ ہے ۔ خداوند تہاݙا شکریہ ، میکوں بچاوݨ واسطے اتے میݙی معافی کیتے ۔ آمین
تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں
English
گنہگار دی دعا کیا ہے؟
