settings icon
share icon
سوال

صرف ایمان

جواب


اے شاید مسیحی مذہب دا سبھ توں اھم سوال ھے ۔ ایں سوال دی وجہ اصلاح عمل ھے اے پروٹسٹنٹ کلیسیا اتے کتھولک کلیسیا دے درمیان فرق ھے۔ اے سوال ہک بنیادی فرق ھے کلامِ مقدس دے مطابق مسیحیت دے درمیان اتے زیادہ تر" مسیحی" بدعتی مسالک دے وچکار۔ کیا نجات صرف ایمان دے ذریعے ھے ، یا ایمان دے نال عمل وی ؟ کیا میں صرف یسوع تے ایمان گھن آوݨ نال نجات پا سڳداں، یا کیا میں یسوع تے ایمان رکھاں اتے چنڳے کم کراں؟

سوال صرف ایمان یا ایمان دے نال عمل اوں ویلے اوکھا تھی ویندے جیڑھے ویلے اونکوں کلامِ مقدس دے نال رَلاون دی کوشش کیتی ونڄے۔ موازنہ کرو رومیوں ٣ باب ٢٨ آیت ، ٥ باب ١ آیت اتے گلتیوں ٣ باب ٢٤ آیت دے نال یعقوب٢ باب ٢٤ آیت۔ کجھ فرق ھے جیویں پولوس (نجات صرف ایمان نال ھے) اتے یعقوب (نجات ایمان اتے عمل نال ھے)۔ حقیقت اچ ، پولوس اتے یعقوب مکمل طور تے ہک ݙوجھے نال نامتفق نئیں ۔ صرف ہک نقطہ ھے نااتفاقی دا جو کجھ لوک ایمان اتے عمل دے ایں تعلق دے درمیان فرق کوں ودھا چڑھا تے بیان کریندن ۔ پولوس اپݨی رائے اچ صرف ایمان ھی کوں واجب کریندے(افسیوں ٢ باب ٨ تا ٩ آیت) جݙݨ جو یعقوب ایمان دے نال عمل دی حمایت کریندا نظردے ۔ ایں نمایاں مسئلے دا حل ایندی پڑتال کرݨ نال ملدے جو حقیقت اچ یعقوب کیندے بارے اچ ڳالھ کریندا پے۔ یعقوب ایں نظریے کوں کوڑا ثابت کریندا پے جو شخص ایمان تاں رکھیندے لیکن ایندے وچ کجھ چنڳے اعمال کوئینی (یعقوب ٢ باب ١٧ توں ١٨ آیت)۔ یعقوب ایں نقطہ تے زور ݙیندے جو مسیح تے اصل ایمان چنڳے اعمال کوں پیدا کریندے ( یعقوب ٢باب ٢٠توں ٢٦ آیت)۔ یعقوب اے نئیں آکھداجو ایمان دے ذریعے عمل دا جواز پیش کیتا ونجے ، لیکن اوندے برعکس او شخص حقیقت اچ سچا ھے جو ایمان دے ذریعے اپݨی حیاتی اچ چنڳے اعمال رکھیندے۔ اگر کوئی شخص ایماندار ھووݨ دا دعویٰ کریندے ، لیکن اوندے زندگی اچ چنڳے اعمال نئیں تاں ول او غالباً مسیح تے حقیقی ایمان نئیں رکھیندا (یعقوب ٢ باب ١٤، آیت، ١٧ آیت، ٢٠ آیت ، ٢٦ آیت)۔ پولوس اچ وی اینویں ھی اپݨیاں لکھتاں اچ آہدے۔ چنڳے پھلدار ایماندار اپݨی زندگیاں ایں تندیر موجب گزارن جیویں گلتیوں ٥ باب ٢٢ تا ٢٣ آیت۔ فوراً ݙساوݨ دے بعد جو ایمان دے ذریعے نجات پیندن ، عمل نال نئیں (افسیوں ٢ باب ٨ تا ٩ آیت) ، پولوس اساکوں خبردار کریندے جو اساں چنڳے عمل کرݨ کیتے ڄمیے ھاسے (افسیوں ٢ باب ١٠ آیت)، پولوس امید رکھیندے زیادہ تبدیل شدہ حیاتی دی جیویں یعقوب نے آکھیا ، " ایں واسطے اگر کوئی مسیح وچ ھے ، تاں او نواں مخلوق ھے ۔ پراݨی چیزاں ویندیاں رہیاں ، ݙیکھو او نویاں تھی ڳیاں" (٢ کرنتھیوں ٥ باب ١٧)

یعقوب اتے پولوس نجات کیتے ہک ݙوجھے نال نامتفق کائنی ، او ݙوہیں ہکو نقطہ رکھیندن مختلف تناظر نال۔ پولوس سادگی تے زور ݙیندے جو صرف ایمان دے ذریعے جڈن جو یعقوب زور ݙیندے جو مسیح تے ایمان چنڳے اعمال پیدا کریندے

English



واپس سراییکی / ملتانی زبان دے پہلے صفے تے

صرف ایمان
© Copyright Got Questions Ministries