settings icon
share icon
Fesili

Pe faapefea ona tonu le ma va ma le Atua?

Tali


Muamua, ia tatou iloa mea uma o loo faaletonu ona faatoa mafai lea ona faasa'o lo tatou va ma le Atua. O le tali moni o lea fesili, o le agasala. "E leai se tasi ua amio lelei, e leai lava se tasi" (Salamo 14:3). Ua tatau faasagatau i tulafono a le Atua; Ua se ai i tatou"e pei o mamoe" (Isaia 53:6).

O le totogi o le agasala o le oti, e le o se tala logo lelei. "O le tagata e agasala e oti ia" (Esekielu 18:4). O le tala lelei, o loo iai se Atua alofa o loo tulituliloaina i tatou ina ia tatou maua le Faaolataga . Ua ta'utino e Iesu le mafua'aga na maliu mai ai o Ia i le lalolagi "E saili ma faaola le na leiloa" (Luka 19:10), ma Lana toe upu a o tautau i luga o le satauro, "Ua taunuu!" (Ioane 19:30).

Ta'uta'u au lava agasala i le Atua ona mafai lea ona amata sa oulua mafutaga ma Ia. O lou loto maualalo e te ta'utino ai au lava agasala i le Atua (Isaia 57:15) ma lau ta'utinoga o le 'a e fulitua i le agasala. "A o le gutu e ta'utino ai e oo mai ai le ola" (Roma 10:10).

O lou salamo e faaopoopo iai ma lou faatuatua. O le mea moni lava, o lou faatuatua i le taulaga na faia e Iesu e ala i Lona maliu ma Lona toe tu ua avea ai o Ia e fai ma ou Faaola. "Afai e te ta'utino i lou gutu i le Alii o Iesu, ma talitonu i lou loto ua toe faatuina mai o Ia e le Atua nai e ua oti, e faaolaina ai oe" (Roma 10:9). O isi nei tusitusiga nei o loo ta'u mai ai le taua tele o lou faatuatua, e iai le Ioane 20:27; Galuega 16:31; Kalatia 2:16; 3:16, 26; ma le Efeso 2:8.

E mafai foi ona maua se lua mafutaga ma le Atua ina ua e tali atu ia te Ia ona o mea ua Ia faia mo oe. Na Ia auina mai le Faaola, Na fai o Ia ma taulaga ina ia aveesea ai au agasala uma (Ioane 1:29), ma ua Ia folafola mai: "E iu foi ina faaolaina o i latou uma lava o e valaau atu i le suafa o le Alii" (Galuega 2:21).

O se ata matagofie o le salamo ma le faamagaloina o loo maua i le faataoto o le uii (Luka 15:11-32). Sa faama'imau e le uii le meaalofa a lona Tama e faia ai le agasala ma sa i'u ai i lona faalumaina (fuaiupu 13). Ae ina ua ia ta'utinoina lona sese, ua tonu loa i lana filifiliga e fo'i i lona aiga (fuaiupu 18). Ua loto o ia ina ia 'aua ne'i toe taua o se atalii (fuaiupu 19), ae sa le taunu'u ona manatunatuga. Sa sili le alofa o lona Tama ia te ia ina ua ia toe foi atu (fuaiupu 20). Ua faamagaloina mea uma, ma ua faia ai se fiafiaga tele ona o ia (fuaiupu 24).

E lelei le Atua e faamaoni foi i Ana folafolaga, e oo i Lana folafolaga o le faamagalo. "Ua latalata mai Ieova i e ua loto momomo; ua Ia faaola foi i e ua loto nutimomoia" (Salamo 34:18).

Afai ua e loto ia tonu le lua mafutaga ma le Atua, faata'ita'i i le tatalo lea. Manatua, o lea tatalo e le faaolaina ai oe. Na o lou faatuatua ia Keriso e mafai ona faaolaina ai oe mai au agasala. O lea tatalo o se ala faigofie e te faailoa atu ai i le Atua lou faatuatua ia te Ia ma lau faafetai ona o le ala o le faaolataga ua Ia saunia mo oe. "Le Atua e, ua ou iloa ua ou agasala ia te Oe ma ua tatau ia te a'u lo'u faasalaga. Ae o Iesu Keriso na Ia aveina lo'u faasalaga ina ia ou magalo e ala i lo'u faatuatua ia te Ia. Ua ou fulitua nei mai a'u agasala ae tuuina ia te Oe lo'u talitonuga atoa mo lo'u faaolataga. Faafetai mo lou alofa tunoa e matagofie ae maise o Lau faamagaloga -- o le meaalofa lea o le ola e faavavau! Amene!

Ua fai sau filifiliga ma'oti mo Keriso ina ua e faitau malamalama i itulau nei? Afai o lea, asiasi i le "Ua ou talia Iesu i le Aso lenei" o loo iai i lalo.

English



Toe taga'i i le itulau ua faaliliuina i le gagana Samoa

Pe faapefea ona tonu le ma va ma le Atua?
© Copyright Got Questions Ministries