settings icon
share icon
Fesili

O le a le aoaoga a le Tusi Paia i le faate'aina o le ava ma le toe faaipoipo?

Tali


O le mea muamua, po'o a lava manatu o tagata i le mataupu o le alei, e sili atu le taua o le manatua o upu a le Tusi Paia i le Malaki 2:16a: "Aua ou te inoino i le alei, ua fetalai mai ai Ieova o 'Au." I le aoaoga a le Tusi Paia, o fuafuaga a le Atua mo le faaipoipoga ia tumau i le soifuaga atoa. "O lea e le toe toalua ai, a o le tino e tasi i laua; o lenei, o e ua faatasia e le Atua, aua ne'i faateaeseina e se tagata" (Mataio 19:6). Ua silafia foi la e le Atua, taluai ona o le faaipoipoga o se feagaiga ua faia i le va o tagata agasala e toalua, e iai foi lava le taimi e manatu ai o le 'a tete'a. I le Feagaiga Tuai, ua Ia tuuina mai ni tulafono mo le puipuia o aia tatau o e ua tete'a, ae maise lava mo fafine (Teuteronome 24:1-4). Ua faaalitino mai e Iesu le tuuina mai o nei tulafono ona o le maaa o loto o tagata, ae e le o le finagalo lea o le Atua (Mataio 19:8).

O fefinaua'iga e uiga i le faatagaina o le tete'a ma le toe faaipoipo e tusa ma le aoaoga a le Tusi Paia e faatatau faapitoa lava i upu a Iesu i le Mataio 5:32 ma le 19:9. O le tulaga faapea"ona ua mulilua" e na o lea o loo faatagaina e le Upu e tau tuuina mai ai e le atua se faatagana o le faate'a ma le toe faaipoipo. E toatele foi e o loo malamalama i lea "tulaga faapitoa" e faapea o lo'o faatatau i le "mulilua ma le le faamaoni" i le taimi a o lo'o "ofaofatane / ava". I le aganu'u a Iutaia, o le tamaloa ma le fafine ua fa'auo ua tusa lava lea ua nonofo ae o loo "ofaofatane / ava" i la'ua. O le agasala i lea lava vaitaimi o le "ofaofatane / ava" e mafai ona avea ma tulaga e tatau ai ona faatete'aina.

Ae ui i lea, o le upu Eleni ua fa'aliliu i le "le faamaoni faale ulugalii" o se upu e mafai ona faamatalaina ai soo se feusua'iga agasala. E mafai foi ona faaupuina o le faita'aga, o le talitane, o le mulilua, ma isi mea faapena. Atonu o loo fetalai Iesu ua faatagaina le tete'a ona ua mulilulua. O feusua'iga o se vaega e sili ona taua o le avea o se "to'alua e fai ma tino e tasi" (Kenese 2:24; Mataio 19:5; Efeso 5:31). O lea, o le motusiaina o lea fusifusiga ona ua iai feusua'iga i fafo atu o le faaipoipoga e tauane ai le faatagaina o le tete'a. Afai foi o lea, O lo'o iai foi la i le manatu o Iesu le toe faaipoipo e tusa ma lea foi alaga upu. O le faaupuga "ma faiava i se tasi" (Mataio 19:9) e ta'u mai ai o le tete'a ma le toe faaipoipo ua faatagaina i le taimi lava e faamaonia ai le mulilua, e tusa po'o a isi ituaiga faamatalaina o le upu. E taua foi le vaai leleia o lea tulaga aua e na o e e le'i agasala, o i latou na o loo faatagaina e toe faaipoipo. E ui ina e le o ta'u manino mai i lea fuaiupu, a o le faatagaina o le toe faaipoipo ina ua tete'a o le alofa lea o le Atua mo le ua agaleagaina, ae e lo mo le sa mulilua. Atonu e iai ni tulaga o loo faatagaina mai ai le na "agasala" e toe faaipoipo - ae e leai se aoaoga faapena o loo tusia i lea faitau.

O niisi ua iai se malamalamaga faapea o lo'o faatagaina i le I Korinito 7:15 le toe faaipoipo pe afai ua fa'ate'aina e se ua le talitonu lona to'alua ona ua le talitonu. Ae ui i lea, e le o ta'ua i lea tusi le toe faaipoipo, ae na ona faapea, e le faapologaina se talitonu pe a faapeaina. O isi ua faapea o le pa'aga faasaua (i le toalua poo le alo) ua tatau iai le faate'a ae e le o ta'uina mai nei faiga i le Tusi Paia. E ui ina foliga mai o se mafua'aga tatau lea e tete'a ai se ulugalii, e le o se mea atamai le tatou taumate ina o le Upu a le Atua.

O niisi taimi e le o manino lelei ai le faatagaina o le tete'a ona e iai se eseesega i le uiga moni o le "le faamaoni faaleulugalii", ae ia mautinoa lelei e na o se faatagana o le tete'a, ae e le o se mea e tatau ona faia. E tusa po ua iai le mulilua e mafai lava e le ulugali'i, e ala i le alofa tunoa o le Atua, ona aoaoina le faamagalo ma toe fausia le la ulugalii. Ua faamagaloina e le Atua i tatou i le faula'i o a tatou lava agasala. E tatau foi la ia i tatou ona faata'ita'i ona faamagalo i le ua faia le agasala o le mulilua (Efeso 4:32). Ae ui i lea, i le tele foi o isi tulaga, o le to'alua e le salamo na te mulilua pea. O iina e mafai ona faataunuuina ai le Mataio 19:9. E toatele foi e ua faavavevave le toe faaipoipo ina ua tete'a ma le to'alua a o loo finagalo le Atua ina ia nofo toatasi pea. E iai taimi e valaauina ai e le Atua le tagata ina ia nofo toatasi seia tu'u tasi atu lona loto atoa ia te Ia (I Korinito 7:32-35). O le toe faaipoipo ina ua tete'a ma le to'alua o se filifiliga e aoga i niisi taimi, ae e le faapea e pau lava lena o le mea e mafai ona faia.

O se faanoanoaga ua sili ona le talafeagai, o le tali tutusa lea o le fuainumera o ulugali'i Kerisiano ua tete'a ma ulugalii o le lalolagi e le talitonu. O loo faamanino lautele mai e le Tusi Paia le inoino o le Atua i le 'alei' (Malaki 2:16) ma o le toe fesoota'i ma le faamagalo o tulaga tupito ia o le olaga o so'o se tagata talitonu (Luka 11:4; Efeso 4:32). E ui i lea, o loo silafia e le Atua e iai taimi e tupu ai le tete'a, e oo lava i le ogatotonugalemu o Lana fanau. O e ua talitonu ae ua tete'a po ua toe faaipoipo, e le tatau ona manatu ua le tutusa le alofa o le Atua mo i latou, e tusa pe le o a'afia i le tulaga sa tete'a ai pe toe faaipoipo ai i tusitusiga a Mataio 19:9. E tele ina faaaogaina e le Atua le agasala ma le le usiusita'i o le Kerisiano ina ia taunu'u ai o ia i se tulaga e sili ona lelei.

English



Toe taga'i i le itulau ua faaliliuina i le gagana Samoa

O le a le aoaoga a le Tusi Paia i le faate'aina o le ava ma le toe faaipoipo?
© Copyright Got Questions Ministries