ମୋର ଆତ୍ମିକ ଦାନ କଣ ମୁଁ କିପରି ଜାଣିପାରିବି?


ପ୍ରଶ୍ନ: ମୋର ଆତ୍ମିକ ଦାନ କଣ ମୁଁ କିପରି ଜାଣିପାରିବି?

ଉତ୍ତର:
ଆମ୍ଭମାନଙ୍କର ଆତ୍ମିକ ଦାନ କ’ଣ ସେ ବିଷୟରେ ଜାଣିବା ନିମନ୍ତେ କୌଣସି ମ୍ୟାଜିକ୍‍ ଫର୍ମୁଲା ନାହିଁ କିମ୍ବା ଏଥିନିମନ୍ତେ କୌଣସି ନିର୍ଦ୍ଧିଷ୍ଟ ପରୀକ୍ଷା ନାହିଁ ଯାହା ଆମ୍ଭମାନଙ୍କର ନିର୍ଦ୍ଧିଷ୍ଟ ଆତ୍ମିକ ଦାନ କ’ଣ ତାହା ଜଣାଇପାରିବ । ପବିତ୍ରଆତ୍ମା ଯେପରି ଭାବେ ନିର୍ଦ୍ଧାରଣ କରନ୍ତି ସେପରି ଭାବରେ ସେ ଦାନଗୁଡ଼ିକୁ ଦେଇଥାନ୍ତି (୧କରିନ୍ଥୀୟ ୧୨:୭-୧୧) । ଖ୍ରୀଷ୍ଟିୟାନମାନଙ୍କର ଏକ ସାଧାରଣ ସମସ୍ୟା ହେଲା ଆତ୍ମିକ ଦାନ ବିଷୟରେ ପ୍ରଲୋଭିତ ହେବା, ଅର୍ଥାତ୍‍ ଆମେ ଯେଉଁ ଆତ୍ମିକ ଦାନ ପାଇଛୁ ବୋଲି ଅନୁଭବ କରୁ କେବଳ ସେହି କ୍ଷେତ୍ରରେ ହିଁ ଈଶ୍ଵରଙ୍କ ସେବା କରିବାକୁ ଚାହୁଁ । ଆତ୍ମିକ ଦାନ ସେପରି ଭାବରେ କାର୍ଯ୍ୟ କରେନାହିଁ । ଈଶ୍ଵର ଆମ୍ଭମାନଙ୍କୁ ସବୁ ବିଷୟରେ ବାଧ୍ୟତାର ସହ ତାହାଙ୍କର ସେବା କରିବାକୁ ଆହ୍ଵାନ କରନ୍ତି । ଈଶ୍ଵର ଆମ୍ଭମାନଙ୍କୁ ଯେଉଁ ସେବାକାର୍ଯ୍ୟ ନିମନ୍ତେ ଡାକିଛନ୍ତି ସେହି ସେବାକାର୍ଯ୍ୟରେ ଯେଉଁ ଆତ୍ମିକ ଦାନ ବା ଆତ୍ମିକ ଦାନଗୁଡ଼ିକ ଆବଶ୍ୟକ ଅଛି ସେହି ଆତ୍ମିକ ଦାନଗୁଡ଼ିକ ଆମ୍ଭମାନଙ୍କୁ ଦେଇ ଉକ୍ତ ସେବାକାର୍ଯ୍ୟ ନିମନ୍ତେ ନିଯୁକ୍ତ କରିବେ ।

ଆମ ଆତ୍ମିକ ଦାନଗୁଡ଼ିକୁ ଅନେକ ପ୍ରକାରେ ଚିହ୍ନିଟ କରାଯାଇ ପାରେ । ଆତ୍ମିକ ଦାନର ପରୀକ୍ଷା ଓ ତାଲିକାଗୁଡ଼ିକ ଉପରେ ସମ୍ପୂର୍ଣ୍ଣରୂପେ କରାନଯାଇ, ଆମ ଆତ୍ମିକ ଦାନକୁ ବୁଝିବାରେ ସାହାଯ୍ୟ କରିପରେ । ଅନ୍ୟମାନଙ୍କଠାରୁ ଆମର ଆତ୍ମିକ ଦାନଗୁଡ଼ିକୁ ବିଷୟରେ ମଧ୍ୟ ଆମେ କିଛି ପ୍ରକାଶ ପାଇପାରୁ । ଯେଉଁ ଲୋକମାନେ ଆମକୁ ପ୍ରଭୁଙ୍କ ସେବା କରିବାରେ ଦେଖନ୍ତି ସେମାନେ ଆମର ଆତ୍ମିକକୁ ଚିହ୍ନଟ କରିଥାନ୍ତି ଯାହା ଅନେକ ସମୟରେ ଜାଣି ହୋଇ ନଥାଏ । ପ୍ରାର୍ଥନା ମଧ୍ୟ ଆତ୍ମିକ ଦାନ ଜାଣିବା ନିମନ୍ତେ ଗୁରୁତ୍ଵପୂର୍ଣ୍ଣ ଅଟେ । ଆମେ କିପରି ଭାବରେ ଆତ୍ମିକ ଦାନ ପାଇଛୁ ସେ ବିଷୟରେ ଜଣେ ମାତ୍ର ବ୍ୟକ୍ତି ସଠିକ୍‍ ଭାବରେ ଯାନାନୀତ ଓ ସେ ହେଉଛନ୍ତି ନିଜେ ଦାନଦାତ୍ତା ପବିତ୍ରଆତ୍ମା । ଆମେ ଈଶ୍ଵରଙ୍କ ଗୌରବ ନିମନ୍ତେ କିପରି ଆମ୍ଭମାନଙ୍କ ଆତ୍ମିକ ଦାନଗୁଡ଼ିକୁ ଅଧିକ ଭଲ ଭାବରେ ବ୍ୟବହାର କରିପାରିବା ସେଥିପାଇଁ ଆମେ କିପରି ଭାବେ ଦାନ ପାଇଛୁ ତାହା ଜଣାଇବା ନିମନ୍ତେ ଈଶ୍ଵରଙ୍କ ଠାରେ ପ୍ରାର୍ଥନା କରିବା ।

ହଁ, ଈଶ୍ଵର କିଛି ଲୋକଙ୍କୁ ଶିକ୍ଷକ ହେବା ନିମନ୍ତେ ଡାକିଅଛନ୍ତି ଏବଂ ସେମାନଙ୍କୁ ଶିକ୍ଷାର ଦାନ ଦିଅନ୍ତି । ଈଶ୍ଵର କିଛି ଲୋକଙ୍କୁ ସେବକ ହେବା ନିମନ୍ତେ ଡାକିଅଛନ୍ତି ଏବଂ ସେମାନଙ୍କୁ ସେ ସାହାଯ୍ୟ କରିବାର ଦାନ ଦେଇ ଆଶୀର୍ବାଦ କରିଅଛନ୍ତି । ଅଥଚ, ନିର୍ଦ୍ଧିଷ୍ଟ ଭାବରେ ଆମର ଆତ୍ମିକ ଦାନ ଜାଣିବା ଦ୍ଵାରା ଏହା ଆମକୁ ଅନ୍ୟ ଯେଉଁ କ୍ଷେତ୍ରରେ ଆମେ ଦାନ ପାଇ ନାହୁଁ ସେହି କ୍ଷେତ୍ରରେ ସେବା ନକରିବାର କୌଣସି କାରଣ ଦିଏ ନାହିଁ । ଈଶ୍ଵର ଆମ୍ଭମାନଙ୍କୁ କେଉଁ ଆତ୍ମିକ ଦାନ(ଗୁଡ଼ିକ) ଦେଇଅଛନ୍ତି ତାହା ଜାଣିବା ଉପକାରୀ ଅଟେକି? ଅବଶ୍ଵ ତାହା ଅଟେ । ଆମେ ଆତ୍ମିକ ଦାନ ପାଇଥିବା କ୍ଷେତ୍ର ଉପରେ ଅଧିକ ମନୋନିବେଶ କରିବା ଭୁଲ୍‍ ଅଟେକି ଯଦ୍ୱାରା ଆମେ ଈଶ୍ଵରଙ୍କୁ ସେବା କରିବାର ଅନ୍ୟ ସୁଯୋଗ ଗୁଡ଼ିକରୁ ହାତଛଡା କରିଦେଉଥାଉ? ହଁ । ଯଦି ଆମେ ଈଶ୍ଵରଙ୍କ ଦ୍ଵାରା ବ୍ୟବହୃତ ହେଉଥିବା ବିଷୟରେ ଉତ୍ସର୍ଗୀକୃତ ଅଟୁ, ତେବେ ଆମେ ଆବଶ୍ୟକ କରୁଥିବା ଆତ୍ମିକ ଦାନଗୁଡ଼ିକରେ ସେ ଆମ୍ଭମାନଙ୍କୁ ସଜ୍ଜିତ କରି ନିଯୁକ୍ତ କରିବେ ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ମୋର ଆତ୍ମିକ ଦାନ କଣ ମୁଁ କିପରି ଜାଣିପାରିବି?