Suraq
Men qalai Qudaimen tatýlasamyn?
Jaýap
Qudaimen qarym-qatynasymyzdy durystaý úshin biz aldymen osy qarym-qatynastyń qandai sebepten buzylǵanyn túsinýimiz kerek. Osy sebep - kúná. «Jaqsylyq jasaýshy eshkim joq, tipti bir jan da» (Zabýr jyr. 13:3). Biz bárimiz Qudaidyń ósietterin buzyp, oǵan qarsy shyqtyq. «Barlyǵymyz adasqan qoilardai tentirep, óz betimizben júrdik» (Ishaya 53:6).
«Kúnányń jazasy - ólim» degen óte jaman jańalyq. Kúnákar adamnyń jaǵdaiy jaily Kieli jazbada ne aitylǵanyn kóreiik: «Jasaǵan jerkenishti kúnálarynyń kesirinen ol aqyrynda sózsiz óltirilip, kinási óz moinynda bolady» (Ezekiel 18:4). Alaida súiispenshilikke toly Qudai bizden bas tartpady jáne bizdi qutqarýdyń jolyn oilap tapty degen jaqsy xabar bar. Isa Óziniń maqsaty týraly bylai dedi: «...Men týra joldan adasyp ketkenderdi izdep, qutqarýǵa keldim» (Luqa 19:10). Al aiqyshta jan tapsyrar aldynda Ol Óziniń igi isin tamamdaǵanyn «Endi túgel oryndaldy!» dep jariyalady (Joxan 19:30).
Siz Qudaimen tatýlasýdy kúnáńyzdy moiyndaýdan bastaýyńyz kerek. Budan keiin Qudaidan kúnálaryńyz úshin kishipeiildilikpen keshirim surańyz (Ishaya 57:15) jáne kúnádan bas tartýǵa sheshim qabyldańyz. «Sebebi Másixke júregimen senýi arqyly adam kúnásynan aqtalyp, Ony aýzymen moiyndaýy arqyly qutqarylady» (Rim.xat 10:10).
Kúnálarymyzdy moiyndap, Qudaiǵa táýbege kelgen kezde biz osyny senimmen isteýimiz kerek. Demek Isanyń biz úshin qurban bolyp, ǵajaiyp jolmen qaita tirilýi arqyly bizdiń Qutqarýshymyz bolýǵa tolyq quqyqty ekenine senýimiz kerek. «Óz aýzyńmen Isany Jaratqan Iem dep moiyndasań, júreginde Qudaidyń Ony ólimnen qaita tiriltkenine senseń, onda qutqarylasyń» (Rim. xat 10:9). Kieli kitaptaǵy kóptegen úzindilerde senimniń qajettiligi týraly aitylady: Joxan 20:27, Elshiler. isteri 16:31; Ǵalat. xat.2:16; 3:11,26; Efes.xat. 2:8.
Qudaimen tatýlasý - Onyń biz úshin istegen igi isine qaitarǵan jaýabymyz. Ol bizge Qutqarýshyny jiberip, bizdiń kúnálarymyzdy Onyń moinyna artty. Yaǵni Qudai Qutqarýshy Isa Másixti biz úshin qurbandyqqa qiyp (Joxan 1:29), bizge: «Al Iemizge siynǵan árkim qutqarylady» dep ýáde berdi (Elshiler. isteri 2:21).
Kúnány moiyndap, keshirim alýdyń mysaly adasqan ul jaiyndaǵy astarly áńgime arqyly tamasha kórsetilgen (Luqa 15:11-32). Ákesiniń kishi uly azǵyndyq jolǵa túsip, enshisin shashyp, ysyrap qylady (13 ayat). Alaida óziniń kúná jasaǵanyn túsingen keiin úiine qaita oralady (18 ayat). Ol óziniń istegenderine bola ul bolyp atalýǵa laiyqsyzbyn dep eseptedi (19 ayat), alaida ol qatelesti. Ákesi kezinde ózine qarsy shyqqan ulyn burynǵydai jaqsy kórdi (20 ayat). Ol ulyn keshirip, qýanǵanynan tipti toi jasady (24 ayat).
Qudai árdaiym sózinde turady, sondai-aq bizdi keshirý jaiyndaǵy ýádelerin de oryndaidy. «Júregi jaralyǵa Jaratqan jaqyn turady. Jany kúirep, kúnásyna ókingendi qutqarady» (Zabýr jyr. 33:19).
Eger Qudaimen tatýlasqyńyz kelse, tómende kórsetilgendei minajat etińiz. Alaida esińizde bolsyn: sizdi osy minajat emes, Isa Másixke degen senimińiz qutqarady. Al minajat etý arqyly siz ózińizdiń Qudaiǵa senetinińizdi jáne sizdi qutqarǵany úshin Oǵan riza ekenińizdi bildiresiz. «Qudaiym! Men Seniń aldynda kúná jasaǵanymdy moiyndaimyn jáne jazalanýǵa tiisti ekenimdi bilemin. Biraq Isa Másix meniń Oǵan artqan senimim arqyly keshirilýim úshin meniń tartatyn jazamdy Óz moinyna aldy. Men óz kúnálarymdy moiyndaimyn jáne meniń qutqarylý jolym jalǵyz Sen ǵana ekenine senemin. Seniń maǵan tókken raqymyńa jáne birgen keshirimińe raxmet! Aýmin!»
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Men qalai Qudaimen tatýlasamyn?