Suraq
Qaita týylǵan másixshi degen sózdiń maǵynasy qandai?
Jaýap
Qaita týylǵan másixshi degen sózdiń maǵynasy qandai? Bul suraqqa Kieli kitaptaǵy Joxan jazǵan Izgi xabardyń 3:1-21 ayattary jaýap beredi. Bul úzindide Iemiz Isa Másixtiń ataqty paryzshyl ári Sinedrion (yahýdilerdi basqaratyn jergilikti úiym) múshesi Nikódemmen áńgimeleskeni jaily jazylǵan. Nikódem ózin tolǵandyrǵan suraqtarǵa jaýap alý úshin Isaǵa tún ishinde keldi.
Isa Nikódemmen áńgimelesken kezde bylai dedi: «Saǵan óte mańyzdy shyndyqty aityp turmyn: kimde-kim qaitadan týylmasa, Qudaidyń Patshalyǵyna kire almaidy». Sonda Nikódem mynandai suraq qoidy: «Eseigen adam qalaisha qaita týylady? Sheshesiniń qursaǵyna enip, ekinshi ret dúniege kelýi múmkin be?» Al Isa oǵan bylai jaýap berdi: «Saǵan óte mańyzdy shyndyqty aitaiyn: kimde-kim sýdan jáne Kieli Rýxtan týylmasa, Qudaidyń Patshalyǵyna kire almaidy. Tánnen – tán, Rýxtan - rýx týady. Meniń «qaitadan týylýǵa tiissińder» degenime tańdanba!» (Joxan 3:5-6).
«Qaita týylý» degen «kókten nemese joǵarydan týylý» degendi bildiredi. Nikódem shynymen osyǵan muqtaj boldy. Onyń júregi rýxani jaǵynan ózgerýge tiisti bolǵan. Adam qaita týylyp, Qudaiǵa sengennen keiin Qudai onyń boiyna máńgilik ómirdi darytady (Qorynt. 2-xat 5:17; Tit. xat 3:5; Petir 1-xaty 1:3; Joxan. 1-xaty 2:29; 3:9; 4:7; 5:1-4,18). Sol siyaqty Joxan jazǵan Izgi xabardyń 1:12,13 ayattarynda «kókten qaita týylǵan» senýshiler Isa Másixke degen senimderi arqyly Qudaidyń balalaryna ainalady dep aitylǵan.
Osydan mynandai qisyndy suraq týyndaidy: «Adam ne úshin qaita týylý kerek?» Efestikterge arnalǵan xattyn 2:1 ayatynda Paýyl elshi: «Buryn sender Qudaidyń buiryǵyn buzyp, kúná jasai bergendikten rýxani óli edińder» dedi. Al Rimdikterge arnalǵan xattyń 3:23 ayatynda ol bylai jazdy: «Bári de kúná jasap, Qudaidyń ózderine belgilegen ulylyǵynan qur alaqan qaldy». Sondyqtan biz kúnálarymyzǵa keshirim alyp, Qudaimen qarym-qatynasymyzdy qalpyna keltirý úshin kókten qaita týylýǵa muqtajbyz.
Bul qalai bolady? Efestikterge arnalǵan xattyń 2:8,9 ayattarynda bylai aitylǵan: «Sebebi Qudaidyń raqymymen, Másixke degen senimderiń arqyly qutqaryldyńdar. Bul - ózderińniń jetistikteriń emes, Qudaidan kelgen syi, sondyqtan igi isterimniń arqasynda qutqaryldym dep eshkim maqtanbasyn». Adam «qutqarylǵan» kezde qaita týylyp, rýxani jańaryp, jańadan týylý quqyǵynyń negizinde Qudaidyń balasyna ainalady. «Rýxani jaǵynan qaita týylý» bizdiń kúnálarymyz úshin aiqyshta ómirin qiǵan Isa Másixke senýdi bildiredi. «Sonymen, bireý Másixpen tyǵyz bailanyssa, sol - jańadan jaratylǵan adam» (Qorynt. 2-xat 5:17a).
Eger siz Qutqarýshy Isa Másixke áli senbegen bolsańyz onda Kieli Rýxtyń ózińizdiń júregińizge túrtki salyp turǵanyn sezip tursyz ba? Sizge qaita týylý kerek. Táýbege kelý minajatymen siynyp, búgin-aq jańa adam bolýǵa tilegińiz bar ma? «Biraq Ony qabyldap, Oǵan senim artqandardyń bárin Ol Qudaidyń rýxani balalary bolýǵa quqyqty etti. Bular tabiǵi jolmen, pendeniń qalaýy boiynsha bul dúniege kelgendikten emes, Qudai olarǵa shynaiy ómir bergendikten ǵana Onyń rýxani balalary boldy» (Joxan 1:12-13).
Eger Isa Másixti ózińizdiń Qutqarýshyńyz retinde qabyldap, jańadan týylǵyńyz kelse myna qarapaiym minajatpen siynyńyz. Alaida esińizde bir nárseni saqtaǵanyńyz jón bolady: adam minajatty ánsheiin aita berý arqyly qutqarylmaidy. Siz Isa Másixke shyn júrekten sený arqyly ǵana kúnálaryńyzdan jáne olardyń zardabynan qutqaryla alasyz. Al minajat etý arqyly siz ózińizdiń Qudaiǵa senetinińizdi jáne sizdi qutqarǵany úshin Oǵan riza ekenińizdi bildiresiz.
«Qudaiym! Men Seniń aldynda kúná jasaǵanymdy moiyndaimyn jáne jazalanýǵa tiisti ekenimdi bilemin. Biraq Isa Másix meniń Oǵan artqan senimim arqyly keshirilýim úshin meniń tartatyn jazamdy Óz moinyna aldy. Men óz kúnálarymdy moiyndaimyn jáne meniń qutqarylý jolym jalǵyz Sen ǵana ekenine senemin. Seniń maǵan tókken raqymyńa jáne birgen keshirimińe raxmet! Aýmin!»
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Qaita týylǵan másixshi degen sózdiń maǵynasy qandai?