Suraq
Meniń nege sengenim durys?
Jaýap
Asxanalardyń kóbisinde biz ózimizge unaityn taǵamǵa tapsyrys bere alamyz. Kóptegen kofexanalar tutynýshylaryna kofeniń neshe túrli sorttaryn usyna alady. Biz úi nemese mashina satyp alǵymyz kelgen kezde de olardyń bizge barlyq jaǵynan unaitynyna kóz jetkizgimiz keledi. Qazir adamdar ózine unaǵandy tańdai alatyn bolǵandyqtan, bizdiń talǵamymyz óte joǵary, óitkeni biz birkelki dúniede ómir súrip jatqan joqpyz!
Al biz úshin eń durys din qandai? Bizdi kinály etip sezindirmeitin, qatań talaptar qoimaityn, «mynany iste», «mynany isteme» dep áýre qyldyrmaityn din bar ma eken? Men jańa aityp ketkendei osyndai din bar bolǵanymen, dindi balmuzdaqty tandaǵandai tańdaýǵa bolady ma?
Jan-jaqtan shyqqan ár túrli daýystar bizdiń olarǵa nazar aýdarǵanymyzdy talap etedi: biz nelikten Isany, máselen, Muxamedten nemese Konfýciiden, Býddadan nemese Djozef Smitten joǵary qoyuymyz kerek? Barlyq dinder birdei emes pe, osy joldardyń bári jumaqqa aparady emes pe? Alaida barlyq joldardyń bizdi kerekti jerge aparmaitynyndai, bul joldardyń bári bizdi kókke apara almaidy.
Qudaidyń biligi jalǵyz Isada ǵana bar, óitkeni Isa ǵana ólimdi jeńdi! Muxamed, Konfýcii jáne basqa áigili tulǵalardyń barlyǵy áli kúnge deiin qabirlerinde jatyr, al Isa rimdik aiqyshta qinalyp ólgennen keiin úshinshi kúni qaita tirilip qabirden shyqty. Sondyqtan ólimdi jeńgen Tulǵa ǵana bizdiń nazarymyzǵa laiyqty! Biz ólimdi jeńgen Tulǵany ǵana tyńdaýymyz kerek!
Másixtiń ólimnen qaita tirilgeni jaily dálelin eshkim de joqqa shyǵara almaidy. Birinshiden ólimnen qaita tirilgenin Isany bes júzden astam adam kórdi. Bul - óte úlken san! Bes júz adamnyń rastaýyn elemeý múmkin emes. Sonymen qatar qabirdiń bos bolýy da zor dálel bolyp tabylady. Isanyń jaýlary Onyń ólimnen qaita tirilgeni jaily áńgimeni toqtatý úshin Onyń shirigen máiitin jurtqa kórsetetin edi, biraq ol joq boldy! Qabir ishinde eshteńe bolǵan joq! Onyń shákirtteri máiitti urlap alǵan joq pa? Bul múmkin emes, óitkeni qabirdi qarýly ásker muqiyat kúzetip turdy. Isa Másix ustalyp, aiqyshqa shegelener aldyna Onyń shákirtteri shoshyp qashyp ketken bolatyn. Sonshalyqty qoryqqan birneshe balyqshy kásibi qarýly áskerge qarsy shyqpas edi. Osy dálelderge súiengen kezde Isanyń qaita tirilýin joqqa shyǵarý múmkin emes!
Aldynda aitylǵandai: ólimdi jeńip, oǵan bilik júrgizetin Tulǵa bizdiń Oǵan nazar aýdarǵanymyzǵa laiyqty. Isa ólimdi jeńgendikten biz Onyń sózine qulaq asýymyz kerek. Isa Óziniń qutqarylýǵa aparatyn jalǵyz jol ekenin aitady (Joxan 14:6). Isa – Qudaiǵa aparatyn kóptegen joldardyń biri emes, Ol – jalǵyz jol!
Isa bylai degen: «Qinalyp qatty sharshap-shaldyqqandar, eńselerin tym aýyr júk basqandar, Meniń qasyma kelińder, barlyǵyń, jandaryńdy Men raqatqa bóleimin!» (Matai 11:28). Biz ómir súrip jatqan qatygez dúniedegi ǵumyrymyz ár túrli qiynshylyqtarǵa toly. Kóbimiz talai túńilip, júrekterimiz jaralanǵan bolatyn? Osyǵan kelisesiz be? Sonda siz neni qalaisyz? Qudaimen shyn máninde tatýlasýdy ma álde maǵynasyz dindi me? Tiri Qutqarýshyny ma álde ólgen paiǵambarlardyń bireýin be? Qudaimen shynaiy qarym-qatynasta bolýdy ma álde paidasyz salt-dástúrlerdi ustanýdy ma? Isa osy tańdaýlardyń biri emes, Ol - jalǵyz durys tańdaý bolyp tabylady!
Eger siz kúnálaryńyz úshin keshirim beretin «durys dindi» izdep júrgen bolsańyz, onda Isaǵa senińiz (Elshiler. isteri 10:43). Eger Qudaimen shynaiy qarym-qatynasta bolǵyńyz kelse (Joxan 10:10), Isaǵa senińiz. Eger jumaqtan úi alyp, onda máńgilik ómir súrgińiz kelse (Joxan 3:16), Isaǵa senińiz. Isa Másixti ózinizdiń Qutqarýshyńyz retinde qabyldap, Oǵan senim artsańyz, osy sheshimińizge eshqashan ókinbeitin bolasyz! Iemizdiń sizdiń kúnálaryńyzdy keshiretinine kámil senseńiz, Odan eshqashan kóńilińiz qalmaidy.
Eger siz Qudaimen durys qarym-qatynasta bolǵyńyz kelse, tómende kórsetilgendei mánajat etińiz. Alaida esińizde bolsyn: siz ánsheiin siyný arqyly qutqarylmaisyz, eń bastysy siz óz kúnálaryńyzdyń Isa Másix arqyly keshirilgenine senýińiz kerek. Al minajat etý arqyly siz ózińizdiń Qudaiǵa senetinińizdi jáne sizdi qutqarǵany úshin Oǵan riza ekenińizdi bildiresiz.
«Qudaiym! Men Seniń aldynda kúná jasaǵanymdy moiyndaimyn jáne jazalanýǵa tiisti ekenimdi bilemin. Biraq Isa Másix meniń Oǵan artqan senimim arqyly keshirilýim úshin meniń tartatyn jazamdy Óz moinyna aldy. Men óz kúnálarymdy moiyndaimyn jáne meniń qutqarylý jolym jalǵyz Sen ǵana ekenine senemin. Seniń maǵan tókken raqymyńa jáne birgen keshirimińe raxmet! Aýmin!»
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Meniń nege sengenim durys?