Suraq
Isany ózińizdiń Qutqarýshyńyz retinde qabyldaý degen neni bildiredi?
Jaýap
Siz Isa Másixti ózińizdiń Qutqarýshyńyz retinde qabyldadyńyz ba? Siz jaýap bermesten buryn bul suraqty sizge túsindirip berýge ruqsat etińiz. Osy suraqty durys túsiný úshin siz birinshiden «Isa Másixtiń» Kim ekenin jáne «qutqarýshy» degen sózdiń maǵynasyn durys uǵyp alýyńyz kerek.
Isa Másix Kim? Kóptegen adamdar Isa Másixti ádil adam jáne Uly Ustaz dep esepteidi, tipti Onyń Qudaidyń paiǵambary ekenin de kelisedi. Bul pikirlerdiń barlyǵy durys bolǵanymen, olar Isanyń basty qasietin bildirmeidi. Kieli kitap boiynsha Isa - adamǵa ainalyp osy álemge kelgen Qudaidyń Ózi bolǵan (Joxan 1:1,14). Yaǵni Qudai osy dúniege bizdi úiretip, tárbielep, keshirý úshin jáne bizdiń ornymyzda ólý úshin keldi! Isa Másix – Qudai jáne qudireti sheksiz Jaratýshy Ie. Siz osy Isany qabyldadyńyz ba?
Qutqarýshy degen kim jáne biz nege Oǵan muqtajbyz? Kieli kitaptyń aitýy boiynsha bizdiń barlyǵymyz zulym áreketter istegen kúnákar bolyp tabylamyz (Rim. xat 3:10-18). Biz kúnálarymyz úshin Qudaidyń qahary men jazasyna tartylýymyz kerek. Máńgilik jáne sheksiz Qudaiǵa qarsy jasalǵan kúnálarymyz úshin berilýge tiisti jalǵyz ádil jaza – máńgilik ólim. (Rim. xat 6:23; Ayan 20:11-15). Osy sebepten bizge Qutqarýshy kerek!
Isa Másix kókten jerge túsip, bizdiń ornymyzda óldi. Isa adam keiipinde kelgen Qudai bolǵandyqtan Óziniń ólimi arqyly bizdi kúnálarymyzdyń orasan qunyn ótedi (Qorynt. 2-xat 5:17). Isa bizdiń kúnálarymyzdyń jazasyn Óz moinyna alyp óldi (Rim. xat 5:8). Endi bizge kylmystarymyzdyń qunyn tóleýdiń qajeti joq. Isanyń ólimnen qaita tirilýi Onyń óliminiń bizdiń kúnálarymyzdyń qunyn tolyqtai ótegenin bildiredi. Sondyqtan Isa – jalǵyz Qutqarýshy bolyp tabylady (Joxan 14:6; Elshiler. isteri 4:12). Siz Isaǵa ózińizdiń Qutqarýshyńyz retinde senim artasyz ba?
Isa sizdiń «jeke» Qutqarýshyńyz ba? Kóptegen adamdar másixshilikti ánsheiin qaýymǵa barý, salt-dástúrlerdi ustaný jáne keibir kúnálardan tartyný dep esepteidi. Alaida osy nárselerdi barlyǵy shynaiy másixshilik emes. Shynaiy másixshilik - Isa Másixpen jaqyn qarym-qatynasta bolý. Isany Qutqarýshym dep qabyldaý - ómirimizdi Oǵan tapsyryp, Oǵan senim artý. Basqa bireýdiń senimi arqyly eshkim de qutqaryla almaidy. Arnaiy igi ister jasaý arqyly da eshkim keshirim ala almaidy. Qutqarylýdyń jalǵyz joly mynandai: Isa Másixti jeke Qutqarýshyńyz retinde qabyldańyz, Onyń Óz ólimi arqyly sizdiń kúnálaryńyzdyń tólemin ótegenine senińiz, sonymen birge Onyń ólimnen qaita tirilgenin sizdiń máńgilik ómirge ie bolǵanyńyzdyń kepildigi dep esepteńiz (Joxan 3:16). Isa sizdiń jeke Qutqarýshyńyz ba?
Eger siz Isa Másixti ózińizdiń Qutqarýshyńyz retinde qabyldaǵyńyz kelse, tómende kórsetilgendei minajat etińiz. Alaida esińizde bolsyn: siz ánsheiin siyný arqyly qutqarylmaisyz, eń bastysy siz óz kúnálaryńyzdyń Isa Másix arqyly keshirilgenine senýińiz kerek. Al minajat etý arqyly siz ózińizdiń Qudaiǵa senetinińizdi jáne sizdi qutqarǵany úshin Oǵan riza ekenińizdi bildiresiz.
«Qudaiym! Men Seniń aldynda kúná jasaǵanymdy moiyndaimyn jáne jazalanýǵa tiisti ekenimdi bilemin. Biraq Isa Másix meniń Oǵan artqan senimim arqyly keshirilýim úshin meniń tartatyn jazamdy Óz moinyna aldy. Men óz kúnálarymdy moiyndaimyn jáne meniń qutqarylý jolym jalǵyz Sen ǵana ekenine senemin. Seniń maǵan tókken raqymyńa jáne birgen keshirimińe raxmet! Aýmin!»
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Isany ózińizdiń Qutqarýshyńyz retinde qabyldaý degen neni bildiredi?