Suraq
Maǵan nege ózimdi óltirýge bolmaidy?
Jaýap
Men qazir ózderin óltirgisi kelgen adamdar týraly oilanyp otyrmyn. Eger siz osyndai adamdardyń bireýi bolsańyz, onda sizdiń júregińiz úmitsizdik pen túńilýge toly bolar. Siz eshqandai úmitsiz tereń tuńǵiyqtyń ishinde bolǵandai sezinetin shyǵarsyz. Eshkim sizdi oilamaityn jáne túsinbeitin siyaqty. Ómir súrý múldem qajet emes nárse bolyp kórinedi. Álde ómirdiń maǵynasy bar ma?
Adamdy abyrjytyp álsizdendiretin osyndai sezimder adamdardyń kóbinde bolady. Men osyndai jaǵdaiǵa túsken kezde maǵan mynandai oilar kelgen: «Meni jaratqan Qudaidyń erki osy ma? Maǵan tipti Qudai da kómektese almaidy, sonda Onyń sonshalyqty álsiz (kishkentai) bolǵany ma? Álde meniń máselelerim Oǵan sonshalyqty úlken bolyp kórinedi me?»
Men sizge myna nárseni qýanyshpen aitqym keledi: eger siz dál qazir óz ómirińizde Qudaiǵa shynymen Qudai bolýǵa jol berseńiz Ol Óziniń qanshalyqty uly ekenin dáleldep beredi! «Sebebi Qudaidyń eshbir sózi de júzege aspai qalmas!» (Luqa 1:37). Bálkim sizdiń júregińizdegi burynnan qalǵan jaralardyń áserinen siz ózińizdi jalǵyz qalǵandai sezinetin shyǵarsyz. Osy jaralardyń yqpalynan siz óz-ózińizdi ayap, bireýge ashýlanyp, bireýden kek alǵyńyz kelip, saý emes qorqynyshta bolyp júrgen shyǵarsyz. Osyndai sezimder sizdiń qarym-qatynastaryńyzda ár túrli máseleler tudyrady. Alaida siz ózińizdi óltirseńiz onda ózińiz renjitkińiz kelmegen súiikti (ári esh jazyǵy joq) adamdaryńyzdyń júrekterin aýyrtatyn bolasyz, demek endi olardyń júrekteri jaralanyp, olar ómirleriniń sońyna deiin qinalatyn bolady.
Sizge nege ózińizdi óltirýge bolmaidy? Qymbatty dosym, ómirińizdegi jaǵdai qandai nashar bolsa da sizdi súietin Qudai bar. Ózińizdi túńildirgen máseleni Oǵan tapsyryńyz, óitkeni Ol osyny kútip tur. Ol sizdi túńilýdiń qara túneginen jaryqqa alyp shyǵady. Osy Kómekshiniń aty – Isa.
Osy Isa, Qudaidyń kúnásyz Uly, siz túńilip, qorlanǵandai sezingen kezde sizdi túsinip, jubatady. Ishaya paiǵambar Ol týraly bylai jazǵan: «Onyń biz tańyrqap qaraityndai ajary men kelbeti nemese bizge unaityndai túri joq edi. Ony adamdar mensinbei, jalǵyz qaldyrdy. Ol aýyr azap kórip, kóp qasiret shegip, jurt betin buryp áketetindei jirenishti boldy. Ony biz de baǵalaǵan joqpyz. Shynynda Qudaidyń Qyzmetshisi bizdiń qasiretimizdi Ózine aldy, bizdiń aýrýlarymyzdy óz moinymen kóterdi. Onyń urylyp, azap shegýin Qudai buiyrǵan jaza dep oiladyq! Alaida Qudaidyń Qyzmetshisi bizdiń kúnálarymyz úshin túirelip, bizdiń ádiletsiz isterimiz úshin qurtyldy. Onyń tartqan jazasy bizge amandyq pen tynyshtyq ákeldi. Onyń jaralarynyń arqasynda biz saýyqtyq. Barlyǵymyz adasqan qoilardai tentirep, óz betimizben júrdik. Al Jaratqan Ie bárimizdiń kúnálarymyzdy Qyzmetshisiniń moinyna artty» (Ishaya 53:2-6).
Qymbatty dosym, Isa Másix sizdiń kúnálaryńyzdyń keshirilýi úshin osynyń barlyǵyna shydap shyqty! Sizdiń júregińizdegi kináńyz qandai aýyr bolsa da Isadan kishipeiildilikpen keshirim surasańyz, Ol sizdi keshiredi. «Qiyndyq kórgenińde shaqyr Meni, sonda qutqaryp alamyn seni, al óziń madaqtaityn bolasyń Meni» (Zabýr jyr. 49:15). Isa úshin «keshirýge kelmeitin nárse» degen joq. Biz Kieli kitapty oqyǵan kezde Qudaidyń tańdalǵan ári áigili qyzmetshileriniń úlken kúnálarǵa batqanyn kóremiz: Musa kisi óltirgen, Dáýit patsha neke adaldyǵyn buzǵan, elshi Paýyl adamdardy qorlap, uryp-soqqan bolatyn. Degenmen olar keshirilip, Qudai syilaǵan jańa ári aǵyl-tegil ómirge ie boldy. «Meni ádiletsizdigimnen aryltyp, kúnálarymnan túgel tazarta gór!» (Zabýr jyr. 50:4). «Sonymen, bireý Másixpen tyǵyz bailanyssa, sol – jańadan jaratylǵan adam. Eski ómiri ótip ketip, mine, jańasy paida boldy!» (Qorynt. 2-xat 5:17).
Sizge nege ózińizdi óltirýge bolmaidy? Qymbatty dosym, Qudai sizdiń jaralanǵan júregińizdi saýyqtyrýǵa, yaǵni sizdiń qazir úzgińiz keletin ómirińizdi jóndeýge daiyn tur. Ishaya paiǵambar bylai jazǵan: «Maǵan Jaratýshy Táńir Ie Óziniń Rýxyn qondyrdy. Meni jarlylarǵa izgi xabardy jetkizip, jaraly júrekterdi jubatyp ornyqtyrýǵa taǵaiyndap, sondai-aq tutqyndarǵa bosatylyp, buǵaýdaǵylarǵa azat bolatyndaryn jar salýǵa jiberdi. Meni Qudai Iemiz Óziniń keshirim beretin meiirimdilik jylyn ári jaýlarynan kek alatyn kezin jariyalaýǵa jumsap, qaiǵyryp júrgenderdiń bárin jubatýǵa da jiberdi. Maǵan Sion qalasyndaǵy joqtap júrgenderdiń bastaryna shashqan kúl ornyna áshekeili táj kigizip, jupar iismai jaǵyp, qaiǵylaryn qýanyshpen almastyrýdy tapsyrdy. Úmitteri úzilip, kóńilderin muń shalǵandar endi madaqtaý ánderin shyrqap, shattyqqa bólenetin bolady. Sonda olar Jaratqan Ieniń Ózi otyrǵyzǵan myqty aǵashtary dep atalady.Onyń aldynda aqtalǵan, ádildik istep, saltanatty ulylyǵyn pash etetin xalqy bolady» (Ishaya 61:1-3).
Isaǵa kelip, Oǵan senim artyp, ózińizdiń ómirińizdi jańartýǵa jol berińiz, sonda Ol sizge qýanyshty qaitaryp, sizdi tiimdiligi zor tulǵa etedi. «Meni qutqarǵanyńa qýantyp taǵy, syilai gór azǵyrylmaityn, berik rýxty». «Aýzyma erik bere gór, Táńir Iem, Seni emin-erkin maqtap, dáripteimin. Qurbandyq shalýymdy qalamai tursyń, órteý qurbandyǵyn da unatpai tursyń, áitpese olardy usynar da edim. Al Qudaiǵa unamdy syi, qurbandyq – kúnásyna shynymen ókingen rýx, shyn ókinip, baǵynǵan júrekke Sen teris qaramaisyń, ýa, Qudai Iem» (Zabýr jyr. 50:12, 15-17).
Siz Isa Ieni ózińizdiń Qutqarýshyńyz jáne Baǵýshyńyz retinde qabyldaisyz ba? Ol ár kúni sizdiń oilaryńyz ben qadamdaryńyzdy Óziniń sózi, yaǵni Kieli kitap arqyly baǵyttaityn bolady. «Men saǵan aqyl-keńes beremin, júretin jolyńdy kórsetemin; seni kózimnen tasa qylmai, árdaiym jetelep júremin» (Zabýr jyr. 31:8) «Laiym Ol saǵan turaqtylyq ta, molynan amanshylyq pen danalyq jáne bilim de syilaidy. Jaratqan Ieni tereń qasterleýiń uly qazynań ispetti bolmaq» (Ishaya 33:6). Siz Másixpen tyǵyz bailanysta bolǵan kezde ómirińizde áli de kúres bolady, biraq endi sizde ÚMIT bar bolady. Isa siyaqty «shynaiy dos aǵaiynnan jaqyn bolar» (Naqyl sóz. 17:24). Siz mańyzdy sheshim qabyldaǵan kezde Iemiz Isa sizge raqymyn jaýdyrsyn.
Eger siz Isa Másixti ózińizdiń Qutqarýshyńyz dep qabyldaǵyńyz kelse, Qudaiǵa shyn júrekten myna sózderdi aityńyz: «Qudai, Sen maǵan kereksiń. Barlyq istegen ádiletsizdikterim úshin meni keshire gór. Men Isa Másixke senim artyp, Ony ózimniń Qutqarýshym dep qabyldaimyn. Meni tazalap, saýyqtyryp, ómirime qýanyshty qaitara gór. Seniń maǵan degen súiispenshiligiń úshin jáne Isanyń meniń ornyma ólgeni úshin Saǵan alǵys aitamyn».
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Maǵan nege ózimdi óltirýge bolmaidy?