Soal:
Jesus nya Tuhan? Bisi ka ia ngaku ia Tuhan?
Jawapan:
Bisi orang ti nyangkal Jesus nya Tuhan madah Jesus enda kala nyebut iya Tuhan. Amaika Bup Kudus nadai kala bisi madahka Jesus nyebut dalam jaku ti tepat, “Aku tu Tuhan. Tang tu ukai bemaksud, Jesus nadai kala ngaku iya Tuhan.
Jesus nya Tuhan? - Jesus ngaku ia Tuhan.
Dalam chunto ba jaku Jesus dalam John 10:30, “Kami Duai Apai endang siku.” Kitai patut meda bakani reaksi bala orang Judah ngagai jaku Tuhan Jesus lebuh iya ngaku iya Tuhan. Sida deka nikau iya ngena batu ketegal nya. “Nuan semina mensia aja, ngumbai diri Allah Taala” (John 10:33, penerang ditambahka agi). Bala Judah mereti nama ti diaku Jesus- Tuhan. Lebuh Jesus bejaku, “Kami duai Apai endang siku,” Iya bejaku madahka Iya enggau Apai siti sifat enggau intipati. John 8:58 mega bisi chunto. Jesus madah, “Ku Jesus bejaku ngagai sida, Enggau bendar Aku madah ngagai kita, sebedau Abraham ada, Aku endang udah bisi.” Tu nyadi ka rujukan ba Pemansut 3:14 lebuh Tuhan ngayanka diri Iya empu nyadi “AKU TU MEH AKU.” Bala orang Judah ti ninga utai tu meri respon ngambi batu laban deka munoh Iya ketegal mai jaku busung, baka dipadah dalam perintah Adat Moses (Adat Lewi 24:16).
Jesus nya Tuhan? - Orang ti nitihka Iya nyebut Iya Tuhan.
John ngulang baru konsep ketuhanan Jesus: “Lalu Jaku nya endang Allah” Taala lalu “Jaku nya nyadi mensia” (John 1:1, 14). Ba jaku Tuhan tu terang bendar madahka Jesus nya Tuhan nyadi mensia. Kereja Rasul 20:28 madahka kitai, “ngibun eklisia Allah Taala, ke udah ditebus Iya ngena darah Anak Iya Empu.” Sapa meli eklesia Allah Taala ngena darah Iya empu? Jesus Kristus. Lalu ba ayat ti sama mega madahka Tuhan udah meli eklisia enggau darah Iya empu. Nya kebuah, Jesus nya Tuhan.
Thomas murid ti nyebut Jesus, “Tuhan aku, Allah Taala aku!” (John 20:28). Jesus ngemetulka iya. Titus 2:13 meransang kitai nganti penatai Tuhan enggau Penyelamat kitai, Jesus Kristus (peda mega ba 2 Peter 1:1). Dalam Hebrew 1:8, Apai madahka Jesus, “Tang ba pasal Anak Iya, Iya bejaku munyi tu, ‘Tang kerusi diraja Nuan, O Allah Taala, deka meruan belama-lama iya! lalu Nuan deka merintah ngena pengelurus.’” Apai madahka Jesus ianya Tuhan, nunjukka Jesus nya endang Tuhan.
Dalam Pemandang, melikat nyuruh rasul John semina nyembah Tuhan (Pemandang 19:10). Bisi beberapa kali dalam Jaku Tuhan, Jesus nerima sembah (Matthew 2:11; 14:33; 28:9, 17; Luke 24:52; John 9:38) Iya enda kala nganu orang ti nyembah Iya. Enti Jesus ukai Tuhan, Iya deka madahka orang anang nyembah Iya, baka ti digaga melikat dalam Pemandang. Kelimpah ari nya, mayuh ba ayat bukai dalam Bup Kudus ti bekelikuh ka Jesus nyadi Tuhan.
Jesus nya Tuhan? - Kebuah Jesus nya endang Tuhan.
Kebuah ti paling penting Jesus endang Tuhan ianya, enti Iya ukai Tuhan, pemati Iya enda cukup mayar ka ukum dosa-dosa ba dunya (1 John 2:2). Utai ti digaga, nya meh Jesus enti Iya ukai Tuhan, enda ulih mayar ukum ti nadai sekat ti begunaka dosa ti ngelaban Tuhan ti sekat. Semina Tuhan ulih mayar dosa ti nadai sekat. Semina Tuhan ti ulih ngambi dosa-dosa dunya (2 Korint 5:21), mati, angkat, ngayanka pemenang Iya atas dosa enggau pemati.
Jesus nya Tuhan? Iya. Jesus ngaku diri empu Tuhan. Orang ti nitihka Iya arapka Iya Tuhan. Penyelamat semina ulih nyadi enti Jesus nya Tuhan. Jesus Tuhan ti nyadi mensia, Alpha ti belama ia enggau Omega (Pemandang 1:8, 22:13), serta Tuhan Penyelamat kitai (2 Peter 1:1).
English
Nuan bisi tanya?