settings icon
share icon
سوال

یسوع کُوں اپنا شخصی نجات ڈیون والا قبول کرن ڈا کیہ مطلب ہئے؟

جواب


کیہ تُساں یسوع مسیح کُوں اپنا شخصی نجات ڈیون والا قبول کر گھدا ہئے ؟ ایں سوال کو ٹھیک سمجھن کیتے تُہاکوں پہلاں اصطلاحات ’’یسوع مسیح‘‘، ’’شخصی ‘‘ اتے ’’نجات ڈیون والا‘‘ کو سمجھنا ہوسی۔

یسوع مسیح کون ہئے؟ بوھت ساے لوکی یسوع مسیح کُوں ہِک چنگا انسان، عظیم اُستاد، یاں حتی کے خُدا دا نبی سمجھدے ہِن۔ ایہہ گلاں ضرور یسوع پاروں سچ ہِن، پر ایہہ پُوری طرآں نئیں دسدیاں کیہ اوہ پک نال کون ہئے۔ بائبل اساں کُوں دسدی ہئے کے یسوع انسانی صُورت بِچ خُدا ہئے (ڈیکھو یوحنا 1:1 ، 14 )۔ خُدا دُنیا اُتے اساں کُوں سکھاون کیتے، شفا ڈیون کیتے، اصلاح کرن کیتے، اساں کُوں معافی ڈیون کیتے اتے اساڈے کیتے مرن آیا۔یسوع مسیح خُدا، خالق، خُداوند تعالیٰ ہئے۔ کیہ تُساں اوس یسوع کُوں قبول کیتا ہئے؟

نجات ڈیون والا کیہ ہئے اتے کیوں اساں کُوں نجات ڈیون والے دی ضرورت ہووندی ہئے؟ بائبل اساں کُوں دسدی ہئے کیہ اساں سبھاں نیں گناہ کیتے ہِن ؛ اساں سبھاں نیں بھیڑے کم کیتے ہِن (رومیوں 3: 10-18 )۔ اساڈے گناہواں پاروں، اساں خُدا دے غُصے اتے عدالت دے سزاوار ہاں۔ابدی اتے ہمیش دے خُدادے خلاف کیتے گئے گناہواں دی واحد سزا ابدی سزا ہئے (رومیوں 23:6 ؛ مُکاشفہ 20: 11-15 )۔ایہہ پاروں اساں کُوں نجات ڈیون والے دی ضرورت ہووندی ہئے۔

یسوع مسیح دُنیا بِچ آیا اتے اساڈی تھاں اُتے مویا۔ یسوع دی موت اساڈے گناہواں کیتے ابدی کفارہ ہئے (دُوجا کرنتھیوں 21:5 )۔ یسوع اساڈے گناہواں دی سزا کیتے مویا(رومیوں 8:5 )۔ یسوع نیں مول ادا کیتا تاں جے اساں کُوں ناں ڈیونا پووے۔

یسوع دی مُردیاں بِچوں موت ثابت کریندی ہئے کے اوہندی موت اساڈے گناہواں دے کفارے کیتے کافی ہاوی۔ایں کیتے یسوع ہی ہِکا نجات ڈیون والا ہئے (یوحنا 6:14؛ اعمال 12:4 )۔ کیہ تُساں یسوع اُتے بطور تُہاڈے نجات ڈیون والے دے بھروسہ رکھدے ہو؟

کیہ یسوع تُہاڈا ’’شخصی‘‘ نجات ڈیون والا ہئے ۔بوھت سارے لوکی مسیحیت کُوں گرجا گھر ونجنا، رسومات ادا کرنا اتے کُجھ خاص گناہ ناں کرنا دے طور ڈیکھدے ہِن۔ ایہہ مسیحیت نئیں ہئے۔ حقیقی مسیحیت یسوع مسیح نال شخصی تعلقات ہِن۔یسوع کُوں اپنا شخصی نجات ڈیون والے دا مطلب اپنا شخصی ایمان اتے بھروسہ اوہندے اُتے رکھنا ہئے۔ کوئی دُوجیاں دے ایمان نال نجات نئیں پاوندا۔ کوئی کُجھ خاص کم کرن نال معافی نئیں پاؤندا۔ نجات پاؤن دا ہکا ذریعہ یسوع کُوں اپنے نجات ڈیون والے دے طور مننا ہئے، اتے اوہندی موت اُتے اپنے گناہواں دے کفارے دے طور بھروسہ رکھنا اتے اوہندا جی اُٹھنا ہمیش دی زندگی کیتے ضمانت دے طور (یوحنا 16:3 )۔ کیہ یسوع شخصی طور تُہاڈا نجات دہندہ ہئے

جے کر تُساں یسوع مسیح کُوں بطور اپنے نجات دیون والا قبول کرنا چاہندے اؤ تاں ایہہ ہِک نکی جئی دُعا ہئے۔ یاد رکھو، ایہہ دُعا پڑھنا یاں کوئی بئی دُعا پڑھنا تُہاککوں نجات نئی ڈے سکدی ۔ایہہ صرف مسیح اُتے بھروسہ رکھنا تُہاکوں گناہواں تُوں نجات ڈے سکدا ہے ۔ ایہہ دُعا صرف تُہاڈا خُدا اُتے ایمان اتے اوس دا تُہاکوں نجات ڈیون کیتے شکریہ ادا کرنے دا ہِک اظہار ہئے ۔ ’’ائے خُدا ، میں سمجھدا ہاں کے میں تیڈے خلاف گناہ کیتا ہئے اتے سزا دا حقدار ہاں۔ پر یسوع مسیح نیں اوہ سزا گھن گھدی جیہندا میں حقدار ہاوی تاں جے اوہندے اُتے ایمان رکھن نال، میں معافی پا سکاں۔ میں نجات کیتے اپنا بھروسہ تیڈے اُتے رکھدا ہاں۔ تیڈے وڈے فضل اتے معاف، ہمیش دی زندگی دی نعمت کیتے تیڈا بوہت شُکریہ۔آمین۔

کیہ تُساں جو کُجھ اتھاں پڑھیا ہئے اوہندے پاروں مسیح کیتے اپنا فیصلہ کر گھدا ہئے ؟ جی کر، ہاں ، تاں وت تلے دتے بٹن ’’میں مسیح کو اج قبول کریندا ہاں‘‘ کُوں کلک کرو۔

English



ہندکو ورقے ول مُڑ ونجو

یسوع کُوں اپنا شخصی نجات ڈیون والا قبول کرن ڈا کیہ مطلب ہئے؟
© Copyright Got Questions Ministries