Mahāmārī se sambandhita rogon ke bāre men Bāibal kyā kahatī hai?


Praśn: Mahāmārī se sambandhita rogon ke bāre men Bāibal kyā kahatī hai?

Uttar:
Ibolā yā Koronā Vāyaras jaisī mahāmārī sambandhī rogon ke vibhinn prakopon ne kaī logon ko yah pūchane ke lie ukasāyā hai ki Parameśvar kyon anumati detā hai- yā yah ki kyā mahāmārī sambandhī rog aur kyā aisī bīmāriyān ant ke samay kā sanket hain. Bāibal, viśeṣ rūp se Purāne Niyam men, aise kaī avasaron kā varṇan kiyā gayā hai, jab Parameśvar apane logon aur apane duśmano par "apanī sāmarthya dikhāne" ke lie vipattiyon ko le āyā thā (Nirgaman 9:14, 16). Usane Misriyon par Phiraun ke ūpar Isrāeliyon ko bandhana se choḍane ke lie majabūr hone ke lie vipattiyon ko upayog kiyā, jabaki usake apane logon ko unase prabhāvit hone se bacāyā (Nirgaman 12:13; 15:26), is prakār usane rog aura any kaṣṭon par apane sārvabhaumik niyantraṇ kā sanket diyā.

Parameśvar ne apane logon ko avagyā ke pariṇāmo ke bāre men chetāvanī dī thī, jisamen vipattiyān bhī śāmil hain (Laivyavyavasthā 26:21, 25). Do avasaron par, Parameśvar ne avagyā se bhare hue vibhinn kāmon ke kāraṇ 14,700 logon aur 24,000 logon ko naṣṭ kiyā thā (Ginatī 16:49 aur 25:9). Mūsā kī Vyavasthā ko die jāne ke bāda, Parameśvar ne logon ko āgyā dī thī ki ve isakī bāt ko māne yā phir kaī burāiyon kā sāmanā karen, jiname kuch aisī hī hain, jo Ibolā kī tarah pragt hotī hai: “Yahovā Parameśvar tujh ko kṣayarog se, aur jvar, aur dāh se . . . usa samay tak terā pīchā kiye rahege, jab tak terā satyānāś na ho jāe” (Vyavasthāvivaraṇa 28:22). Ye Parameśvar ke dvārā āī kaī vipattiyon aur bīmāriyon ke kucha udāharaṇ hain.

Kabhī-kabhī apane logon ke prati is tarah ke krodh aur roṣ ko pradarśit karate hue ek premī aur dayālu Parameśvar kī kalpanā karanā kaṭhin pratīt hotī hai. Parantu Parameśvar ke daṇḍon men sadaiv paśchātāp aur bahālī kā lakṣy hotā hai. 2 Itihās 7:13–14 men, Parameśvar ne Sulaimān se kahā ki, “Yadi main ākāś ko aisā band karūn, ki varṣā na ho, yā ṭiḍḍiyon ko deś ujāḍane kī āgyā dūn, yā apanī prajā men marī phailāūn, tab yadi merī prajā ke log jo mere kahalāte hain, dīn hokar prārthanā karen aur mere darśan ke khojī hokar apanī burī chāl se phiren, to main svarg men se sunakar unakā pāp kṣamā karūngā aur unake deś ko jyon kā tyon kar dūngā." Yahān par ham Parameśvar ke dvārā usake logon ko usakī or ākarṣit karane ke lie āpadā kā upayog, paśchātāp ko le āne aur apane svargīya pitā ke pās usakī santān ke rūp men āne ke lie icchā ko utpann karane ke lie karate hue dekhate hain.

Nae Niyama men, Yīśu ne "har prakār kī bīmārī aur durbalatā," ke sāth-sāth un kṣetron men vipattiyon ko bhī changā kiyā, jahān-jahān vah gayā thā (Mattī 9:35; 10:1; Marakus 3:10). Jis tarah Parameśvar ne Isrāeliyon ko apanī sāmarthy dikhāne ke lie vipattiyon aur bīmāriyon kā upayog karanā chunā thā, ṭhīk usī tarah Yīśu ne usī sāmarthy ke dvārā changā karane ke kāry ko ek pradarśan ke rūp men yah pramāṇit karane ke lie kiyā ki vah vāstav men Parameśvar kā Putra hai. Usane apane śiṣyon ko unakī sevakāī ko satyāpit karane ke lie isī cahngāī kī sāmarthy ko diyā hai (Lūkā 9:1). Parameśvar abhī bhī apane prayojanon ko pūrā karane lie bīmārī kī āne kī anumati detā hai, parantu kabhī-kabhī rog, yahān tak ki sāre sansār men mahāmārī, mātr pāp men patit ek sansār men rahane ke pariṇām svarūp hotī hai. Yah nirdhārit karane kā koī tarīkā nahīn hai ki mahāmārī kā viśeṣ rūp se koī ātmik kāraṇ hai yā nahīn, parantu ham jānate hain ki Parameśvar kā sabhī chījon ke ūpar sārvabhaumik niyantraṇ hai (Romiyon 11:36) aur jo log Parameśvar se prem rakhate hain, aur use jānate hain, unhen patā hai ki unake liye sab bāten milakar bhalāī hī ko utpann karatī hain (Romiyon (8:28).

Ibolā aur Koronā Vāyaras jaisī bīmāriyon kā prasār un mahāmāriyon kā pūrvasvād hai, jo ant ke samay kā hissā hogīn. Yīśu ne antim dinon se juḍī bhaviṣy kī vipattiyon kā ullekh kiyā hai (Lūkā 21:11). Prakāśitavākya 11 ke do gavāhon ko “adhikār diyā hai ki ve jab jab chāhe tab tab Pṛthvī par har prakār kī vipatti lāen” (Prakāśitavākya 11:6). Sāt Svargadūt Prakāśitavākya 16 men varṇit gambhīr aur antim nyāy ke lie sāt vipattiyon kī ek śrṛnkhalā ko uṇḍel dete hain.

Mahāmārī se sambandhit rogon kī upasthiti kā honā Parameśvar kī or se pāp kā viśeṣ rūp se nyāy kie jāne se juḍaā huā ho sakatā hai yā nahīn bhī ho sakatā hai. Yah patit sansār men rahane kā pariṇām bhī ho sakatā hai. Chūnki koī bhī Yīśu ke lauṭane kā samay nahīn jānatā hai, hamen yah kahane men sāvadhānī baratanī chāhie ki viśvavyāpī mahāmārī is bāt kā pramāṇ hai ki ham antim samay meṃ jī rahe hain. Kyonki jo loga Yīśu Masīh ko uddhārakartā ke rūp men nahīn jānate hain, unake lie bīmārī ko ek yādagārī honā chāhie ki is Pṛthvī par jīvan kaṭhin hai aur ise kisī bhī kṣaṇ khoyā jā sakatā hai. Mahāmārī jitanī burī hogī, Narak usase bhī kahīn adhika utanā hī jyādā burā hogā. Yadyapi, Masīh viśvāsī ke pās uddhāra kā āśvāsan aur anant kāl kī āśā hai, kyonki Masīh kā lahū hamāre lie krūs par bahāyā gayā hai (Yaśāyāha 53:5; 2 Kurinthiyon 5:21; Ibrāniyon 9:28).

Masīh viśvasiyon ko mahāmārī sambandhī rogon ke prati kaise pratikriyā vyakt karanī chāhie? pahalā, ghabarāe mat. Sab kuch Parameśvar ke hāth men hai. Bāibal 300 se adhik bār kahatī hai ki "ḍar mat". Dūsarā, buddhimān bane. Bīmārī ke sampark se bachane aur apane parivār ko surakṣā aur poṣaṇ sambandh chījon ke lie uchit kadam uṭhāen. Tīsarā, sevakāī ke lie avasaron kī khoj karen. Aksar jab loga apane jīvan ke lie bhayabhīt hote hain, to ve anant kāl ke bāre men bātachīt karane ke lie taiyār hote hain. Susamāchār ko sunāne men sāhasī aur dayālu bane, sadaiv prem men satya bolen (Iphisiyon 4:15).

English
Hindī ya Roman-Nagari ke mukhya pṛṣṭha par vāpsa jāie
Mahāmārī se sambandhita rogon ke bāre men Bāibal kyā kahatī hai?