Praśn
Yugvād kyā hai, aur kyā yah Bāibal ādhārit hai?
Uttar
Yugvād Masīhī DharmaVigyan kī vah paddhati hai jiskī do prāthamik viśeṣatāen hain. 1) Pavitr Sāstr kī avirodh śābdik vyākhyā, viśeṣ rūp se Bāibal kī bhaviṣy vāṇī kī. 2) Parameśvar kī yojanā men isrāel aur kalīsiyā ke bīch men ek Antar.
Yugvādī yah dāvā karte hain ki vyākhyāśāstra ke lie unakā siddhānt yah hai ki yah śābdik vyākhyā hai, jiskā arth yah hai ki pratyek śabd ko aisā arth denā jo sāmānytaḥ pratidin upayog hotā hai. Pratīk, vyākhyān ke pātr aur sabhī prakār kī pratichāyā is paddhati men spaṣṭ rūp se vyākhyā kī jātī hai, aur yah kisī bhī tarīke se śābdik vyākhyā ke viparīt nahī hai. Yahān tak ki pratīkon aur ālankārik kathaon ke pīche śābdik arth hote hain.
Aise kam se kam tīn kāraṇ hain ki kyon Pavitr Sāstr para dhyān dene ke lie yah sabse sarvottam tarīkā hai. Pahalā, aisā jān paḍtā hai ki dārśanik rūp se, bhāṣā kā uddeśy svayaṃ yah māng kartā hai ki ham ise śābdik rūp se vyākhyā karen. Bhāṣā Parameśvar ke dvārā is uddeśy se dī gaī thī ki vah manuṣy ke sāth Vārtālāap kar sake. Dūsarā kāraṇ Bāibal ādhārit hai. Purāne Niyam men Yīśu Masīh se sambandhit pratyek bhaviṣy dvāṇī śābdik rūp se pūrī huī hain. Yīśu kā janm, Yīśu kī sevakāī, Yīśu kī mṛtyu aur Yīśu kā jī uṭhanā ṭhīk vaise hī aur śābdik rūp se ghaṭit hue jaise Purāne Niyam men bhaviṣdvāṇī kie gae the. Nae Niyam men in bhaviṣy dvāṇiyon kī a-śābdik pūrṇtā hai. Islie yah iskī śābdik paddhati ke lie jordār dalīl detī hai. Yadi Pavitr Sāstr ke adhyayan ke lie śābdik vyākhyā kā upayog nahīn kiyā to, hamāre pāas men aisā koī bhī uddeśyātmak mānak nahīn hogā jiske dvārā Bāibal ko samajhā jā sake. Pratyek aur har koī vyakti jaisā jisko ṭhīk jān paḍtā hai Bāibal kī vyākhyā karegā. Bāibal ādhārit vyākhyā "jaisā Bāibal kahtī hai..." kī apekṣā "jaisā yah sandarbh mujhase bāat kartā hai..." ke rūp men vikasit ho jāegā. Durbhāgya se, bahut adhik yah pahale se hī usmen ghaṭit ho rahā hai jise āja Bāibal ādhārit vyākhyā kahā jātā hai.
Yugvādī DharmaVigyan yah śikṣā detā hai ki Parameśvar ke do bhinn tarah ke log: Isrāel aur Kalīsiyā hain. Yugvādī yah viśvās karte hain ki uddhār sadaiv – Purāne Niyam aur viśeṣkar Nae Niyam men Parameśvar putr men viśvās karne ke dvārā pāyā jātā hai. Yugvādī yah mānate hain ki Kalīsiyā ne Parameśvar kī yojanā men Isrāel kā sthān nahīn liyā hai aur Purāne Niyam kī pratigiyan ko Kalīsiyā men sthānātaraṇ nahīn kiyā gayā hai. Ve yah viśvās karte hain ki Purāne Niyam men jin pratigayaon ko Parameśvar ne Isrāel (jamīn ke lie, kaī santāno aur āśīṣo kī) ke sāth kī thī ant men Prakāśitavāky adhyāya 20 men kahe gae 1000-varṣo kī avadhi men pūrī ho jāegī. Yugvādī viśvās karte hain ki jaise Parameśvar is Yug men Kalīsiyā ke ūpar apane dhyān ko kendrit kie hue, vah ek bār phir se bhaviṣy men Isrāel ke ūpar dhyān kendrit karegā (Romiyon 9-11).
Is paddhati ko ek ādhār ke rūp men upayog karte hue, Yugvādī samajhte hain ki Bāibal Sāt Yugon men sangṭhit hai: Nirdoṣtā kā Yug (Utpatti 1:1-3:7), Vivek kā Yug (Utpatti 3:8-8:22), Mānavīya Sāsan kā Yug (Utpatti 9:1 - 11:32), pratigaya kā Yug (12:1-19:25), Vyavasthā kā Yug (Utpatti 20:1, Prariton ke kām 2:4), Anugrah kā Yug (Preriton ke kām 2:4; Prakāśitavāky 20:3), aur Sahastrābdīkāl kā Yug (Prakāśitavāky 20:4-6). Ek bār phir se, ye Yug uddhār ke lie mārg nahīn hain, apitu vo tarīke hain jinake dvārā Parameśvar svayaṃ ko manuṣy se sambandhit kartā hai. Yugvādī, ek paddhati ke rūp men, Masīh ke dvitīya āgaman ke lie pūrv-sahastrābdī kī vyākhyā ke pariṇām ko aur aksar meghārohaṇ arthāt bādlon par uṭhā lie jāne kī pūrv-kleś vyākhyā ko lekr ātā hai. sanskep men, Yugvād ek aisī Dharmavaigañānik paddhati hai, jo Isrāel aur Kalīsiyā ke madhy men ek spaṣṭ bhinntā ko pahachānatī hai, aur Bāibal ko vibhinn Yugon jise vah prastut kartī hai men sangṭhit kartī hai.
English
Yugvād kyā hai, aur kyā yah Bāibal ādhārit hai?
