Praśn
Kyā Yīśu ko Sukravār ke din krūs par caḍhaāyā gayā thā? Yadi Yīśu ko Sukravār ke din krūs par caḍhaāyā gayā thā aur vah Ravivār ko jī uṭhā, to tīn dinon men kyā huā thā?
Uttar
Bāibal spaṣṭ rūp se nahīn batātī ki saptāha ke kis din Yīśu ko krūs par caḍhaāyā gayā thā. Vyāapk rūp se do vichāron ke anusār Sukravār aur budhavār ke dina ko mānā jātā hai. Parntu phir bhī, kuch log, dono Sukravār aur budhavār ke tark ke samanvay kā upayog karte hue, bṛhaspativār ke dina ke lie tark karte hain.
Yīśu ne Mattī 12:40 men kahā ki, "Yonā tīn dina aur tīn rāta jal-jantu ke peṭ men rahā vaise hī manuṣy kā putr tīn din aur tīn rāta pṛthvī ke bhītar rahegā." Jo Sukravār ke din krūs par caḍhaāye jāne ke lie tark karte hain ve kahte hain ki abhī bhī mānane ke lie yahī ek vaidh tarīkā hai jismen yah mānā jā sakatā hai ki tīn dinon tak vah kabr men rahā. Pahalī śatābdī ke Yahūdiyon ke man men, din ke ek hisse ko bhī sampūrṇ din māna liyā jātā thā. Kyonki Yīśu Sukravār ke din ke ek hisse men kabr men rahā, islie Sanivār ke pūre din ko, aur Ravivār ke din ke ek hisse ko - aisā mānā jā sakatā hai ki vah kabr men tīn dina rahā. Sukravār ke din ke lie pramukh tarko men se ek Marakus 15:42 men pāyā jātā hai, jahāan likhā hai ki Yīśu ‘‘Sabt se ek din pahale’’ krūs par caḍhaāyā gayā. Yadi yah sāptāhik sabt thā arthāt Sanivār kā din, tab yah tathy Sukravār ke din krūs par caḍhāe jāne kī or mārgdarśan kartā hai. Ek aur Sukravār ke dina ke tark ke rūp men Mattī 16:21 aur Lūkā 9:22 jaise pado men yah śikṣā dete hain ki Yīśu tīsare din jī uṭhegā; islie, use pūrī tarah tīn pūrī rāten aur pūre din kabr men rahane kī āvaśyaktā nahīn thī. Parntu jabki kuch anuvād in pado ke lie ‘‘tīsare din’’ kā upayog karte hain, parntu sabhī aisā nahīn karte hain, aur na hī sabhī sahmat hote hain ki ‘‘tīsarā din’’ in pado ko anuvād karnā sarvottam anuvād hai. Iske atirikt, Marakus 8:31 likhā hai ki Yīśu tīn dina ke "bād" jī uṭhegā.
Bṛhaspativār ke dina kā tark Sukravār ke dṛṣṭikoṇ kā vistāra kartā hai aur mukhy rūp se yah tark detā hai ki Masīh ke gāḍae jāne se lekr Ravivār kī subah ke madhy bahut sārī ghaṭanāen (kuch lagabhag bīs ginate hain) ghaṭit huīn. Bṛhaspativār ke dṛṣṭikoṇ ke samarthk yah sanket dete hain ki yahān ek viśeṣ rūp se samasyā hai jab Yahūdiyon kā sabt, Sanivār jo Sukravār aur Ravivār ke bīch men keval ek hī sampūrṇ din hai. Ek atirikt din yā do is samasyā ko haṭā hī detā hai. Bṛhaspativār kī vakālt karne vāle is tarah se tark de sakate hain ki: ‘‘mainne āapko tīn dinon se nahīn dekhā’’ jabki taknīkī rūp se keval 60 ghaṇṭe (2.5 din) hī hue the. Yadi Yīśu ko Bṛhaspativār ko krūs par caḍhaāyā gayā thā, to yah udāharṇ dikhātā hai ki kaise ise tīn dina mānā jā sakatā hai.
Budhavār kā vichār yah kahtā hai ki us saptāha men do sabt the. Pahale ke bād (jo ki krūs par caḍhaāe jāne kī sandhyā ko pragaṭ huā [Marakus 15:42; Lūkā 23:52-54], striyon ne masāle kharīde – dhyān den ki unhon ne apanī kharīdadārī sabt ke bād kī (Marakus 16:1). Budhavār ke din ke dṛṣṭikoṇ kī yah dhārṇā islie hai ki yah "sabt" phasah kā sabt thā (dekhie Laivyavyasthā 16:29-31, 23:24-32, 39, jahāan atipavitr dinon kā ullekh kiyā gayā hai jo ki āvaśyak rūp se sāptāhik sabt nahīn the). Us saptāha kā dūsarā sabt sāmāny sāptāhik sabt thā. dhyān den Lūkā 23:56 men, jina striyon ne pahale sabt ke bād masālon kī kharīdadārī kī thī, vāaps lauṭī aur masālon ko taiyār kiyā, phir ‘‘sabt ke din ārām kiyā.’’ Yah tark yah kahtā hai ki ve sabt ke bād masālon ko nahīn kharīda sakatī thī, taubhī un masālon ko sabt se pahale taiyār kartī hain – aisā tabhī sambhav hai jab vahāan par do sabt hote. Do-sabtoṃ ke dṛṣṭikoṇ ke sāth, yadi Masīh Bṛhaspativār ke din krūs par caḍhaāyā gayā, tab atipavitr sabt (phasah) Bṛhaspativār ko sūrya ḍhalane ke bād ārambh ho gayā hogā aur Sukravār ko sūrya ḍhalane par sāpst arthāt sāptāhik sabt yā Sanivār ke ārambh hone par huā hogā. Pahale sabt (phasah) ke bād masālon ko kharīdane kā arth yah hotā hai ki unhon ne Sanivār ko unhen kharīdā aur sabt kā ullaṃghana kar rahī hotī.
Islie, Budhavār ke dṛṣṭikoṇ ke anusār, yahī Bāibal ādhārit ek vivaraṇ aisā hai jo striyon ke aur masālon ke vivaraṇ kī avahelanā nahīn kartī aur Mattī 12:40 ke anusār akṣaraś samajh ko apane men thāme rakhatī hai ki Yīśu Budhavār ko krūs par caḍhaāyā gayā. Vah sabt jo ati Pavitr dina (phasah) ke rūp men āyā, Bṛhaspativār ko thā, striyon ne Sukravār ko (uske bād) masālon ko kharīdā aur vāaps lauṭī aur usī din masālon ko taiyār kiyā, unhon ne Sanivār jo ki sāptāhik sabt thā ke din ārām kiyā, iske bād, Ravivār kī subah masālon ko kabr par le āī.
Yīśu ko Budhavār ko sūrya ḍhalane ke samay gāḍaā gayā, jo Yahūdī panchāng men Bṛhaspativār ke din ārambh huā. Yahūdī panchāng kā upayog karte hue, āapke pāas Bṛhaspativār rāt (rāt ek), Bṛhaspativār din (din ek), Sukravār rāt (rāt do), Sukravār din (din do), Sanivār rāt (rāt tīn), Sanivār din (din tīn) milate hain. Ham ṭhīk se nahīn jānte ki vah kab jī uṭhā, parntu ham jānte hain ki vah Ravivār sūryoday se pahale jī uṭhā thā. Vah Sanivār sandhyā ko sūrya ast hone ke turant bād jitanā śīghr huā hogā jī uṭhā hogā, jo Yahūdiyon ke lie saptāha ke pahale din kā ārambh thā. Khālī kabr kī khoj sūryoday se ṭhīk pahale kī gaī thī (Marakus 16:2), isse pahale kī pūrā ujālā hotā (Yūhannā 20:1).
Budhavār ke dṛṣṭikoṇ ke sāth ek sambhāvit samasyā yah hai ki jo śiṣya Yīśu ke sāth immāūs ke mārg men ‘‘usī dina’’ chal jis dina vah jī uṭhā thā (Lūkā 24:13). Ve śiṣya, jinhon ne Yīśu ko nahīn pahachānā thā, usse Yīśu ke krūs par caḍhaāe jāne ke viṣy men bāat karte hain (24:21) aur kahte hain ki ‘‘Is ghaṭanā ko hue tīsarā din hai’’ (24:22). Budhavār se lekr Ravivār tak chār din hue. Ek sambhāvit vyākhyā yah hai ki unhon ne Masīh ke kabr men gāḍae jāne ke bād Budhavār kī sandhyā se ginā, jo ki Yahūdiyon ke Bṛhaspativār ko ārambh kartā hai aur Bṛhaspativār se Ravivār tak tīn din gine jā sakate hain.
Ghaṭanāon kī is mahān yojanā men, yah jānkārī itanī mahatvpūrṇ nahīn hai ki saptāha ke kis din Masīh ko krūs par caḍhaāyā gayā thā. Yadi yah mahatvpūrṇ hotā to Parmeśvar kā vachan spaṣṭatā se us din aur us samay ko batā detā. Mahatvpūrṇ bāat yah hai ki vah marā aur vah śārīrik rūp se murdo men se jī uṭhā. Isī ke sāth utanā hī mahatvpūrṇ yah hai ki vah us daṇḍ ko uṭhāne ke lie mara gayā – jise sab pāpiyon ko prāpt karnā thā. Yūhannā 3:16 aur 3:36 dono udaghoṣit karte hain ki us par viśvās karne kā pariṇām anant jīvan hai! Yah bhī utanā hī saty hai chāhe vah Budhavār, Bṛhaspativār yā Sukravār ko krūs par chaḍhaāyā gayā ho.
English
Kyā Yīśu ko Sukravār ke din krūs par caḍhaāyā gayā thā? Yadi Yīśu ko Sukravār ke din krūs par caḍhaāyā gayā thā aur vah Ravivār ko jī uṭhā, to tīn dinon men kyā huā thā?
