Praśn
Kyā ek Masīhī viśvāsī ko vyāyām karnā chāhie? Bāibal svāsthy ke bāre men kyā kahtī hai?
Uttar
Jaisā ki jīvan kī bahut sī bāton ke sāth hotā hai, vyāyām ke ṣetr men bhī charamapanthī hain. Kuch log pūrī tarah se, apane bhautik śarīro ko anadekhā karte hue, ātmiktā ke ūpar hī dhyān kendrit karte hain. Any apane bhautik śarīro ke ḍhāche aur ākār ke ūpar itanā jyādā dhyān dete hain ki apane ātmik vikās aur paripakvatā ko hī anadekhā kar dete hain. Inamen se koī bhī Bāibal ādhārit santulan kī or sanket nahīn kartā hai. Pahalā Timuthiyus 4:8 hame sūchit kartā hai, "Kyonki deh kī sādhanā se kam lābh hotā hai, par bhakti sab bāton ke lie lābhdāyak hai, kyonki is samay ke aur āne vāle jīvan kī bhī pratigyā isī ke liye hai." Dhyān den yah vachan vyāyām arthāt sādhanā kī āvaśyaktā ko nakāratā nahīn hai. Iskī apekṣā, yah kahtā hai ki vyāyām lābh kā hai, parntu yah vyāyām kī prāthamiktā ko yah kahte hue kam lābh kā batātā hai ki bhakti kā mūly jyādā hai.
Prerit Paulus 1 Kurinthiyon 9:24-27 men ātmik saty ke udāharṇ ko dete hue śārīrik vyāyām kā bhī ullekh kartā hai. Vah Masīhī jīvan kī dauḍ kī barābarī jise ham "inām ko pāne" ke lie karte hain, ke sāth kartā hai. Parntu jis inām kī ham khoj kar rahe hain, vah anantkālīn mukuṭ hai, jo murajhāne vālā yā ranghīn hone vālā nahīn hai. 2 Timuthiyus 2:5 men Paulus kahtā hai, "Phir akhāḍae men laḍanevālā yadi vidhi ke anusār na laḍae to mukuṭ nahīn pātā." Paulus ek khilāḍaī ke rūpak ko upayog ek bār phir se 2 Timuthiyus 4:7 men kartā hai: "Main acchī kuśtī laḍ chukā hūn, mainne apanī dauḍ pūrī kar lī hai, mainne viśvās kī rakhavālī kī hai." Jabki Pavitr Sāstr ke in vachano kā dhyānākarṣaṇ śārīrik vyāyām ke or nahīn hai, sacchāī to yah hai ki Paulus khilāḍaiyon vālī śabdāvalī kā upayog un ātmik sacchāīyon ko sikhāne ke lie kartā hai, jinhen Paulus ātmik vyāyām ke rūp men dekhatā hai, aur yahān tak ki, sakārātmak prakāś men pratispardhā ke rūp men. Ham dono hī arthāt ātmik aur ātmik prāṇī hain. Jabki hamāre prāṇ kā ātmik pahalū, Bāibal kī bhāṣā men bolanā, jyādā mahatvpūrṇ hai, hame hamāre svāsthy ke na to ātmik yā na hī śārīrik pahalū ko anadekhā karnā chāhie.
Islie, spaṣṭ rūp se, ismen kuch bhī galat nahīn hai ki ek Masīhī viśvās vyāyām kare. Sacchāī to yah hai ki, Bāibal spaṣṭ hai ki hame hamāre śarīro kī acchī tarah se dekhabhāl karnī chāhie (1 Kurinthiyon 6:19-20). Thīk usī samay, Bāibal hame iskī vyarthtā ke virūddh chetāvanī bhī detī hai (1 Samūel 16:7; Nītivachan 31:30; 1 Pataras 3:3-4). Vyāyām men hamārā lakṣy hamāre śarīr kī guṇvattā ke sudhār men nahīn honā chāhie jisse ke any log ise dekhen aur hamārī praśansā karen. Apitu, Vyāyām men hamārā lakṣy hamāre śārīrik svāsthy men sudhār lānā honā chāhie tāki ham aur jyādā śārīrik urjā ko prāpt karen jiske kāraṇ ham ātmik lakṣyon ke lie samarpit ho saken.
English
Kyā ek Masīhī viśvāsī ko vyāyām karnā chāhie? Bāibal svāsthy ke bāre men kyā kahtī hai?
