Sṛṣṭi ke buddhimānī se sṛje hone kī rūprekhā kā siddhānt kyā hai?



Praśn: Sṛṣṭi ke buddhimānī se sṛje hone kī rūprekhā kā siddhānt kyā hai?

Uttar:
Sṛṣṭi ke buddhimānī se sṛje hone kī rūprekhā kā siddhānt yah kahtā hai ki jīva Vigyan kī jaṭil, gahan-sūchnāo se bhare hue ḍhaāche kā varṇan karne ke lie buddhamttāpūrṇ kāraṇo kī āvaśyaktā hai aur ye kāraṇ anubhavjany rūp men ḍhūnḍhe jā sakate hain. Kuch niśchit Jīv-Vigyan ādhārit guṇ Dārvinavād ke aṭakalo se chune jāne - vāle avasar ke siddhānt kī vyākhyā ke māapdaṇḍ kī avahelanā karte hain, kyonki ve pahale se hī nirmit kie hue ābhāsit pragaṭ hote hain. Kyonki rūprekhā kisī ek buddhimānī se rūprekhākār ke tārkik rūp se hone kī āvaśyaktā par jor detī hai, rūprekhā kā pragaṭ honā hī ek rūprekhākār ke hone ke lie ek pramāṇ diyā gayā hai. Sṛṣṭi ke buddhimānī se sṛje hone kī rūprekhā kī dalīl ke pīche tīn maulik tark die jāte hain: 1) A-laghukarṇīya Jaṭiltā, 2) Nirdiṣṭ Jaṭiltā, aur 3) Mānavīy Siddhānt.

A-laghukarṇīya jaṭiltā kī paribhāṣā..."ek aisī paddhati se dī gaī hai jismen kaī āaps men parspar kriyā karte hue hisse sahī-rūp men milān karke juḍae hue hain jo ki mūl kārypraṇālī ko yogadān dete hain, jabki kisī bhī ek hisse ko haṭāne se pūrī kī pūrī kārypraṇālī prabhāvśālī tarīke se kāry karnā band ho jāegī. Saral rūp men kahnā, jīvan apane āap men ek dūsare ke sāth bune hue hisso se mil kar banā huā hai jo ki phaladāyī hone ke lie ek dūsare ke ūpar nirbhar hote hai. Aṭakalo se chune jāne - vāle parivartan kisī ek nae hisse ke vikās kā kāraṇ ban sakate hain, parntu ye ek kāryrat praṇālī ke lie āvaśyak asankhy hisso ke samavartī vikās kā kāraṇ nahīn ban sakate hain. Udāharṇ ke lie, mānavīy ānkh spaṣṭ rūp se bahut hī upayogī praṇālī hai. Ankh kī putalī ke binā, dṛṣṭi nāḍaī, aur dikhāī dene vālī part, ek aṭakal se chune jāne - vālī parivartit apūrṇ ānkh kā vāstav men vibhinn jātiyon ke prāṇiyo ke jīvan kī saṃbhāvnā men viparīt utpādan hogā aur pariṇāmsvarūp svabhāvik chunāv kī prakriyā ke mādhyam se sāpst ho jāegā. Ek ānkh tab tak upayogī praṇālī nahīn hai jab tak iske sāre hisse prastut na ho aur ek hī samay men uchit tarīke se kāry na kar rahe ho.

Nirdiṣṭ jaṭiltā ek aisī avadhārṇ hai, ki kyonki Nirdiṣṭ jaṭil paddhatiyān jīvo men pāī jātī hain, unakī Utpatti ke lie kisī tarah ke mārgdarśan kī āvaśyaktā paḍaī hogī. Nirdiṣṭ jaṭiltā kī dalīl yah kahtī hai ki jaṭil paddhitayon ko aṭakalo ke dvārā chune jāne kī prakriyā ke dvārā vikasit honā asaṃbhav hai. Udāharṇ ke lie, ek kamrā 100 bandaro aur 100 kampayuṭaro se bharā huā śāyad hī kuch śabdo ko utpann kare, yā ho sakatā hai ki ek hī vākya ko utpann kare, parntu yah kisī bhī tarah se Seksapīyar ke ek nāṭak ko utpann nahīn kar sakatā hai. Aur phir Seksapīyara ke nāṭak se kitanā jyādā mahatvpūrṇ jaivik jīvan jaṭil hotā hai?

Mānavīy siddhānt yah kahtā hai ki yah sanār aur brahmāṇḍ is Pṛthvī par jīvan ke hone kī anumati dene ke lie "Acchī tarah se tālamel" men hain. Yadi is Pṛthvī men havā ke tatvo kī mātrā ke anupāt ko thoḍaā sā bhī badal diyā jāe, to bahut se prajātiyān śīghrtā ke sāth astitv men rahane se sāmapt ho jāegī. Yadi Pṛthvī sūry se thoḍae bhī mīl dūr yā nikaṭ hotī, to bahut se prajātiyān astitv men rahane se sāmapt ho jāegī. Is Pṛthvī par jīvan ke astitv aur vikās ke lie kaī bhinntāo ko pūrṇ rūp se tālamel men bane rahanā hogā jiske lie yah asaṃbhav hai ki sabhī vibhinn bāten aṭakalo ke dvārā chune jāne par aur nirdeśanarhit ghaṭanāon ke dvārā ikṭṭhī ek sāth ā jāe.

Jabki sṛṣṭi ke buddhimānī se sṛje hone kī rūprekhā kā siddhānt buddhimānī ke strot ke rūp men kisī ek (chāhe vah Parmeśvar yā alaulik śakti yā koī or ke hone kī) ke pahachān kā anumān nahīn lagātā hai, tis par bhī sṛṣṭi ke buddhimānī se sṛje hone kī rūprekhā ke siddhāntkār Iśvarvādī hain. Ve ek aisī rūprekhā ko dekhate hain jo ki is jaivik sanār men Parmeśvar ke astitv ke pramāṇ ke vyāpt hone men pragaṭ hotā huā dekhate hain. Parntu phir bhī, kuch Nāstikvādī, jo sṛṣṭi ke buddhimānī se sṛje hone kī rūprekhā ke śaktiśālī pramāṇ ko inkār nahīn kar sakate hain, parntu phir bhī Sṛṣṭikartā Parmeśvar ko svīkār karne kī icchā nahīn rakhate hain. Ve ānkaḍe kī vyākhyā aise pramāṇ ke rūp men karne kī pravṛtti rakhate hain ki yah Pṛthvī kuch atirikt antrikṣavāsī prāṇiyo (gandharvī vyakti) kī viśeṣ jātiyon ke bīj se utpann huī hai. Ismen koī sandeh nahīn hai ki, ve in antrikṣavāsiyon kī utpatti ko bhī sambodhit nahīn karte hain, islie ve vāaps usī vāstavik dalīl kī or binā kisī viśvasanīy uttar ke chale āte hain.

Sṛṣṭi ke buddhimānī se sṛje hone kī rūprekhā kā siddhānt Bāibal ādhārit Sṛṣṭivād nahīn hai. In dono avadhārṇāon ke madhy men mahatvpūrṇ bhinntā hai. Bāibal ādhārit Sṛṣṭivādī is niṣkarṣ ke sāth ārambh karte hain ki Bāibal kā sṛṣṭi sambandhī vivaraṇ viśvasanīy aur sahī hai, yah ki is Pṛthvī par jīvan ek buddhimān madhysth – arthāt Parmeśvar ke dvārā rūprekhita kiyā huā hai. Ve is niṣkarṣ ke sarmathan men prākṛtik lok se pramāṇ ko lete hain. Sṛṣṭi ke buddhimānī se sṛje hone kī rūprekhā kā siddhānt prākṛtik lok se ārambh hotā hai aur is niṣkarṣ par pahunchtā hai ki is Pṛthvī par jīvan kī rūprekhā ek buddhimānī madhysth ne kī thī (vah chāhe koī bhī kyūn na ho).



Hindī ya Roman-Nagari ke mukhya pṛṣṭha par vāpsa jāie



Sṛṣṭi ke buddhimānī se sṛje hone kī rūprekhā kā siddhānt kyā hai?