settings icon
share icon
Praśn

Sāt ghātak pāap kyā hain?

Uttar


Sāt ghātak pāap ek aisī sūchī hai jise ārambhik Masīhī viśvāsiyon ke dvārā patit manuṣy kī pāap karne kī pravṛti ke sambandh men anuyāyiyo ko śikṣā aur nirdeś dene ke lie upayog kiyā jātā thā. Sāt "ghātak" pāpon kī sūchī ke bāre men galat vichārdhārā yah hai ki yah aise pāap hain jinhen Parmeśvar chhamā nahīn karegā. Bāibal spaṣṭ kartī hai ki keval ek hī pāap hai jise Parmeśvar chhamā nahīn kartā nirantar aviśvās kā pāap, kyonki yah chhamā pāne ke tarīke – Yīśu Masīh aur krūs ke ūpar vaikalpik mṛtyu ko hī svīkār karne se inkār kar detā hai.

Kyā Sāt ghātak pāpon kā vichār Bāibal sammat hai? Hāan aur nahīn. Nītivachan 6:16-19 ghoṣit kartā hai, "Chah vastuon se Yahovā bair rakhatā hai, varan Sāt hain jin se usko ghṛṇā hai : 1) Ghamṇḍ se chaḍhī huī ānkhe , 2) Jhūṭh bolane vālī jībh, 3) Nirdoṣ kā lahū bahāne vāle hāth 4) Anarth kalpanā gaḍhanevālā man, 5) Burāī karne ke lie veg dauḍanevāle pānv, 6) Jhūṭh bolanevālā sākṣī, aur 7) Bhāiyon ke bīch men jhagaḍaā karne vālā manuṣy." Hāalāki, is sūchī vah nahīn hai jise adhikānś log Sāt ghātak pāpon ke rūp men samajhte hain.

6Vī sadī men Pop Gregarī Mahān ke anusār, Sāt ghātak pāap is prakār se hain: gdhamṇḍ, īrṣyā, peṭūpan, vāsnā, krodh, lālch, aur ālasapan hai. Hālānki in pāpon se inkār nahīn kiyā jā sakatā hai, parntu inakā kabhī bhī Bāibal men "Sāt ghātak pāpon" ke rūp men vivaraṇ nahīn diyā gayā hai. Sāt ghātak pāpon kī pāraṃparik sūchī kaī alag alag tarah pāpon kī śreṇiyon ko batāne ke lie jo ki āj astitv men hain ek acche tarīke ke rūp men kāry kar sakatī hai. Pāap ke lagabhag prakār ko Sāt śreṇiyon men se kisī ek ke antrgat rakhā jā sakatā hai. Sabse adhik mahatvpūrṇ bāat, hame yah patā honā chāhie ki ye Sāt pāap any pāpon kī apekṣā jyādā "ghātak" nahīn hain. Sabhī pāpon kā pariṇām maut men hai (Romiyon 6:23). Parmeśvar kī stuti ho, Yīśu Masīh ke dvārā, hamāre sāre pāap, jismen "Sāt ghātak" bhī sammilit hain ko chhamā kar diyā jātā hai (Mattī 26:28; Preriton ke kām 10:43; Iphisiyon 1:7).

English



Hindī ya Roman-Nagari ke mukhya pṛṣṭha par vāpsa jāie

Sāt ghātak pāap kyā hain?
Facebook icon Twitter icon Pinterest icon Email icon
© Copyright Got Questions Ministries