settings icon
share icon
Praśn

Main kaise Parmeśvar ke sāth sahī ho sakatā hūm̐?

Uttar


Parmeśvar ke sāth "sahī" hone ke lie, hame sabse pahale yah samajhnā hogā ki "galat" kyā hai. Iskā uttar pāp hai. "koī bhī sukarmī nahīn, ek bhī nahīn" (Bhajan Sahitā 14:3). Hamne Parmeśvar ke ādeśon ke virūddh vidroh kiyā hai; ham "bheḍaon ke samān bhaṭak gaye the" (Yaśāyāha 53:6).

Burā samāchār yah hai ki pāp kī sajā mṛtyu hai. "Jo prāṇī pāp kare vahī mara jāegā" (Yahejakel 18:4). Acchā samāchār yah hai ki ek premī Parmeśvar ne hame prerit kiyā hai tāki hame uddhār tak pahunchā sake. Yīśu ne apane uddeśy kī udaghoṣaṇā aise kī thī ki vah "Khoe huon ko ḍhūnḍhane aur unakā uddhār karne āyā hai" (Lūkā 19:10), aur usne ghoṣaṇā kī ki uskā uddeśy prāpt ho gayā thā jab vah krūs ke ūpar, "pūrā huā!" śabdon ke sāth marā thā (Yūhannā 19:30).

Parmeśvar ke sāth sahī sambandh kā honā apane pāpoṇ ko svīkār karne ke sāth hī ārambh hotā hai. Iske āge Parmeśvar ke sammukh apane pāpoṇ ke lie ek namr angīkār karnā (Yaśāyāha 57:15) aur pāpoṇ ko choḍane kā dṛid saṃkalp ātā hai. "kyonki dhārmikatā ke lie man se viśvās kiyā jātā hai, aur uddhār ke lie munh se angīkār kiyā jātā hai" (Romiyon 10:10).

Yah paśchātāp viśvās ke sāth honā cāhiye – viśeṣakar, aisā viśvās ki Yīśu kī balidānātmak mṛtyu tathā āścharyajanak punarutthān use āpkā uddhārkartā banne ke yogy banātā ho. "Yadi tū apane munh se Yīśu ko Prabhu jānakar angīkār kare, aur apane man se viśvās kare ki Parmeśvar ne use mare huon me se jilāyā, to tū niśchay uddhār pāegā" (Romiyon 10:9). Kaī any sandarbh viśvās ke hone kī āvaśyakatā kī bāt karte hain, jaise (Yūhannā 20:27; Preriton ke kām 16:31; Galātiya 2:16; 3:11; 26; aur Iphisus 2:8).

Parmeśvar ke sāth sahī honā āpkī us pratikriyā kā viṣay hai jisme Parmeśvar ne āpke badale me kyā kuch kiyā hai. Usne uddhārkartā ko bhejā, usne āpke pāpoṇ ko haṭā dene ke lie balidān kā prabndh kiyā (Yūhannā 1:29), aur vah āpko yah pratigayā detā hai: "Jo koī Prabhu kā nām legā, vah uddhār pāegā" (Preriton ke kām 2:21).

Bhaṭke putr kā dṛṣṭānt (Lūkā 15:11-32) paśchātāp tathā kṣamā kā ek sabse sundar udāharaṇ hai. Choṭe putr ne apane pitā dvārā bheṭ me dī gaī sampatti ko kukarmon me udā diyā (āyat 13). Jab usne apane galat kāryon ko pahacānā, tab usne ghar lauṭane kā nirṇaya liyā (āyat 18). Usne yah anumān lagāyā ki vah ab putr kahalāne lāyak nahīn rahā (āyat 19), parntu vah galat thā. Pitā ne jaisā vah pahale prem kartā thā vaise hī us lauṭe hue vidrohī ko prem kiyā (āyat 20). Sab kuch kṣamā kar diyā gayā, aur ek bhoj ko die jāne kā ādeśa diyā gayā (āyat 24). Parmeśvar apanī pratigayāon ko, jisme kṣamā kī pratigayā bhī sammilit hai, ko pūrā karne me bhalā hai. "yahovā ṭūṭe manvālon ke samīp rahatā hai, aur pise huon kā uddhār kartā hai" (Bhajan Sahitā 33:18).

Yadi āp Parmeśvar ke sāth sahī honā cāhate hai, to yahān par ek saral prārthanā hai. Smaraṇ rakhen, is prārthanā yā koī any prārthanā kā bolanā āpko bachā nahīn sakatā hai. Keval Yīśu me viśvās hī hai jo āpko pāp se bachā sakatā hai. Yah prārthanā usme apane viśvās ko vyakt karne aur āpke lie uddhār kā prabndh karne ke lie dhanyvād dene kā ek tarīkā mātr hai. "He, Parmeśvar, main jānatā hūm̐ ki main ne āp ke viruddh pāp kiyā hai, aur main sajā kā pātra hūm̐. Parntu Yīśu Masīh ne us sajā ko svayaṃ par le liyā jiske yogy main thā tāki usme viśvās karne ke dvārā main kṣamā kiyā jā sakūm̐. Main uddhār ke lie āpme apane viśvās ko rakhtā hūm̐. Apke adbhut anugrah tathā kṣamā – jo anant jīvan kā upahār hai, ke lie main āpkā dhanyvād kartā hūm̐! Aamīn."

Jo kuch āpne yahān paḍhaā hai kyā uske kāraṇ āpne Masīh ke pīche chalane ke lie nirṇay liyā hai? Yadi aisā hai to kṛpyā nīche die hue "mainne āja Yīśu ko svīkār kar liyā hai" vāle baṭan ko dabāiye.

English



Hindī ya Roman-Nagari ke mukhya pṛṣṭha par vāpsa jāie

Main kaise Parmeśvar ke sāth sahī ho sakatā hūm̐?
Facebook icon Twitter icon Pinterest icon Email icon
© Copyright Got Questions Ministries