settings icon
share icon
Praśn

Masīhī svapn vyākhyā? Kyā sapane Parmeśvar kī or se hote hain?

Uttar


GotQuestions.org ek Masīhī svapn vyākhyā sevakāī nahīn hai. Ham dṛḍhtā se viśvās karte hain ki ek vyakti ke svapn aur un svapno ke arth ek vyakti aur Parmeśvar ke hī madhy kī bāat hai. Atīt men, Parmeśvar ne kaī bār logon se svapno ke dvārā bāat kī hai. Udāharṇ ke lie, Yākūb kā putr Yūsuph (Utpatti 37:5-10); Mariyam kā pati, Yūsuph (Mattī 2:12-22); Sulemān (1 Rājā 3:5-15); aur kaī anyon ko (Dāniyyel 2:1; 7:1; Mattī 27:19). Isī ke sāth bhaviṣydvaktā Yoel (Yoel 2:28) kī ek bhaviṣydvāṇī bhī hai jiskā uddharṇa Pataras ne Preriton ke kām 2:17 men kiyā hai, jo ullekh kartā hai ki Parmeśvar svapno kā upayog kartā hai. Is tarah se Parmeśvar svapno ke dvārā, yadi vah aisā karnā chāhe, to bol sakatā hai.

Parntu phir bhī, hame apane dhyān men rakhanā chāhie ki Bāibal pūrṇ hai, hamāre jānne ke lie ārambh se lekr anantkāl ke sabhī tarah kī jānkārī ismen prakāśit kar dī gaī hai. Aisā kahne kā yah arth nahīn hai ki Parmeśvar āśchāryakramo ko nahīn kartā yā yahān tak ki svapno ke dvārā nahīn bolatā hai, apitu jo kuch bhī Parmeśvar kahtā hai, chāhe vah ek svapn ho, ek darśan ho, yā ek preraṇā ho, yā "ek choṭī āvāj" hī kyon ne ho, vah pūrī tarah se jo kuch usne pahale se uske vachan men prakāśit kar diyā hai, uske sāth sahmat hogā. Svapn Pavitr Sāstr ke adhikār ko haḍap nahīn sakate hain.

Yadi āapko ek svapn āyā hai aur āap yah mahasūs karte hain ki śāyad Parmeśvar ne ise āapko diyā hai, prārthanāpūrvk iskī jānch Parmeśvar ke vachan ke sāth karen aur suniśchit karen ki āapkā svapn Pavitr Sāstr ke sāth sahamti men hai. Prārthanāpūrvk dhyān den ki Parmeśvar āapse āapke svapn ke prati pratikriyā āapse kyā chāhatā hai (Yākūb 1:5). Pavitr Sāstr men, jahāan kahīn bhī kisī ne Parmeśvar se ek svapn kā anubhav kiyā hai, Parmeśvar ne sadaiv uskā spaṣṭ arth use diyā hai, chāhe us vyakti ko pratyakṣ men, yā ek Svargdūt ke dvārā, yā kisī any sandeśavāhak ke dvārā (Utpatti 40:5-11; Dāniyyel 2:45; 4:19). Jab Parmeśvar hamse bāat kartā hai, to vah suniśchit kartā hai ki uskā sandeś spaṣṭatā se samajh liyā gayā hai.

English



Hindī ya Roman-Nagari ke mukhya pṛṣṭha par vāpsa jāie

Masīhī svapn vyākhyā? Kyā sapane Parmeśvar kī or se hote hain?
Facebook icon Twitter icon Pinterest icon Email icon
© Copyright Got Questions Ministries