Main ēk Hindū hūn, mujhē kyōn ēk Masīhī Viśvāsī bananē kē liē vichār karana chāhiē?



Praśn: Main ēk Hindū hūn, mujhē kyōn ēk Masīhī Viśvāsī bananē kē liē vichār karana chāhiē?

Uttar:
Kaī khandōn mēin, Hindū dharm kī Masīhī Viśvās kē sāth tulana karana atyant kathin hai, Paśchim dēśōn kē lōgōn kē liē Hindū dharm kō ātmasāt karana kathin hai kyōnki yah ēk asthir dharm hai. Yah ēk samrddh itihās, aur vistrt dharmadarśan kī asīm gaharaī ka pratinidhitv karata hai. Is sansār mēin kadāchit aisa kōī dharm hōga jō apanē āp mēin bahut hī adhik vichitr aur alankrt hō. Hindū dharm aur Masīhī Viśvās kī āpasī tulana tulanātmak dharm kē naē vidyārthiyōn kō āsānī sē āśchary mēin dāl sakatī hai. Isaliē prastut praśn kē ūpar badī hī sāvadhānī aur namrata kē sāth vichār karana chāhiē. Yahān par diya hua uttar Hindū dharm kē kisī bhī bindu kē ūpar "gahan-samajh" ya isakī vyāpak jānakārī hōnē ka dāva nahin karata hai. Yah uttar dōnōn dharmōn kī tulana kēval kuch hī bātōn kō lēkar is prayās kī prāpti kē sāth karata hai ki kaisē Masīhī Viśvās kē ūpar viśēś rūp sē vichār kiya jāna chāhiē.

Pratham, Masīhī Viśvās kē ūpar isakī aitihāsik vyāvahārikata kē kāran vichār kiya jāna chāhiē. Masīhī Viśvās kē pātr aur ghatanaēn itihās dhānchē kē bhītar is tarah sē nihit hain jō Vidhi Vhikitsāśāstr sambandhī vigyānōn aur Purātatv vigyān aur tathyātmak ālōchana kē dvāra pahachānē ja sakatē hain. Hindū dharm ka niśchit hī ēk itihās hai, parantu isaka darśanaśāstr, paurānik kathaēn, aur itihās itanē adhik dhundhalē hain ki aksar yah pahachān karana kathin hō jāta hai ki kahān sē ārambh kiya jaē aur kahān par samāpt kiya jaē. Paurānik kathaōn kō khulē taur par Hindū dharm mēin svīkār kiya gaya hai, jisakē kāran yah dēvataōn kē svabhāvōn aur vyaktitvōn ka vivaran dēnē kē liē paurānik kathaōn kī vyāpakata kō upayōg karata hai. Hindū dharm mēin aitihāsik aspaśtata kē kāran niśchit rūp sē lachīlāpan aur anukūlan kī kśamata paī jātī hai. Parantu, jab ēk dharm aitihāsik nahin hōta hai, tō yah kam svād vāla hōta hai. Yah na tō is bindu par jānch kē ūpar khara utarata hai, apitu na hī isaka satyāpan hō sakata hai. Yah Yahūdiyōn ka śābdik itihās hai aur antateh Masīhī Viśvās kī parampara jō Masīhī Viśvās kē dharmavigyān kō satyāpit karatī hai. Yadi Aadam aur Havva astitv mēin nahin thē, yadi Israēl Misr kī bandhuvaī sē bāhar nikat kar nahin āya tha, yadi Yōna mātr ēk rūpak katha hōtī, ya yadi Yīśu is prthvī par chala phira na hōta tab tō pūrē kē pūrē Masīhī Viśvās kō in bātōn kē ūpar tukadōn mēin bikharanē kī sambhāvana hai. Kyōnki Masīhī Viśvās kē liē, ēk galat itihās kē hōnē ka arth hai ki isakē pās ēk khōkhala dharmavigyān hai. Is tarah ka aitihāsik sthāyitv Masīhī Viśvās kī ēk kamajōrī hō sakatī hai parantu un bātōn kō chōdakar jō Masīhī parampara kē aitihāsik rūp sē puśti kiē jānē vālē bhāg hain jinhēn aksar vaidh thaharāya gaya hai jisakē kāran kamajōr ēk sāmarthy ban jātī hai.

Dūsara, jabaki dōnōn arthāt Masīhī Viśvās aur Hindū dharm kē pās mukhy aitihāsik pātr hain, tab kēval Yīśu kō hī śārīrik rūp sē mrtakōn mēin jī utha hua dikhāya gaya hai. Itihās mēin bahut sē lōg buddhimān śikśak rahē hain ya jinhōnnē dhārmik āndōlanōn kō ārambh kiya tha. Hindū dharm kē pās bhī buddhimān śikśak aur pārthiv aguvē rahē hain. Parantu Yīśu unamēn alag hī khada hōta hai. Usakī ātmik śikśaōn kī ēk jānch kē dvāra puśti huī hai jisamēn sē kēval alaukik sāmarthy hī saphal hō sakatī hai: arthāt mrtyu aur śārīrik rūp sē jī uthana, jisakī usanē bhaviśyadvānī kī thī aur svayam mēin pūra kiya tha (Mattī 16:21; 20:18-19; Marakus 8:31, Lūka 9:22; Yūhanna 20-21; 1 Kurinthiyōn 15).

Isakē atirikt, Punarutthān ka Masīhī dharmasiddhānt Hindū dharm kē Punarjanm kē dharmasiddhānt sē bilkul alag hai. Yē dōnōn vichār ēk jaisē nahin hain. Aur yah kēval Punarutthān hī hai jisakē dvāra aitihāsik aur pratyakś adhyayan sē niśchayātmak tarīkē sē niśkarś kō nikāla ja sakata hai. Yīśu Masīh kē Punarutthān mēin viśēś rūp sē laukik aur dhārmik vidvata dōnōn kē dvāra hī vichārayōgy tarkasangatata kō pāya ja sakata hai. Isaka satyāpan Punarjanm kē Hindū dharmasiddhānt kī puśti kē liē kuch bhī nahin karata hai. Nīchē dī huī bhinnataōn kē ūpar dhyān dēn:

Punarutthān mēin ēk mrtyu, ēk jīvan, ēk naśvar śarīr, aur ēk naya aur amar mahimāmayī śarīr sammilit hai. Punarutthān alaukik hastakśēp kē dvāra ghatit hōta hua, EekIśvaravādī, pāp sē chutakāra dēnē vāla, aur ant mēin kēval antim samay mēin hī pragat hōta hai. Punarjanm, isakē viparīt, asankhy bār ghatit hōnē vālī mrtyu, asankhy jīvanōn kō, asankhy naśvar śarīrōn kō, aur amar śarīr kō apanē mēin sammilit karata hai. Isakē atirikt, Punarjanm prākrtik vyavastha kē dvāra ghatit hōtē huē, sāmāny rūp sē Sarvēśvaravādī (Paramēśvar sab kuch hai), karm kē siddhānt par ādhārit hō chalit, aur sadaiv kāryarat rahata hai. Isamēn kōī sandēh nahin hai, vibhinnataōn kī sūchī kō prastut karana kisī bhī tarah sē saty kō pramānit nahin karata hai. tathāpi, yadi Punarutthān kō aitihāsik rūp sē pradarśit kiya jaē, tō in dōnōn mēin mrtyu-uparānt jīvan kē vikalp ka antar nyāyasangat vrtānt kō gair-nyāyasangat vrtānt sē prthak kar dēta hai. Masīh ka Punarutthān aur Punarutthān kē ūpar vistrt Masīhī dharmasiddhānt dōnōn hī vichār kiē jānē kē liē yōgy hain.

Tīsara, Masīhiyat ka pavitraśāstr aitihāsik utkrśt, aur gambhīr rūp sē vichār kiē jānē kē yōgy hai. Kaī jānchōn mēin Baibal Hindū vēd, aur abhī tak kē itihās kī sabhī any prāchīn pustakōn mēin kahīn adhik badhakar paī gaī hai. Eek vyakti yahān tak kah sakata hai ki Baibal ka itihās itana adhik majabūr kar dēta hai ki Baibal kē ūpar sandēh karana svayam itihās kē ūpar hī sandēh karanē jaisa hai, kyōnki yah abhī tak kē itihās kī sabhī prāchīn pustakōn mēin aitihāsik rūp mēin sabasē adhik puśti kī huī pustak hai. Purānē Niyam (Ibrānī Baibal) kī apēkśa kēval ēk hī aisī aur pustak Naya Niyam hai jisakī aitihāsik rūp sē puśti huī hai. Nīcē dī huī in bātōn par dhyān dēn:

1) Abhī tak kē itihās kī kisī bhī prāchīn pustak kī apēkśa Naē Niyam kē adhik mūl pāndulipiyān astitv mēin hain - lagabhag 5,000 prāchīn Yūnānī pāndulipiyān, aur any sabhī bhāśaōn kō milākar 24,000 pāndulipiyān astitv mēin hain. Itanī adhik mātra mēin pāndulipiyōn kī bahulata ēk āścharyajanak śōdh ka ādhār banatī hai jisakē dvāra mūlapāthōn kī jānch ēk dūsarē kē virūddh karatē huē kī jī sakatī hai aur yah pahachāna ja sakata hai ki mūl pāndulipi nē kya kaha hai.

2) Naē Niyam kī pāndulipiyān prāchīn itihās kē kisī bhī dastāvējōn kī apēkśa mūl pāndulipiyōn kē bahut hī nikatata mēin paī gaī hain. Isakī sabhī mūl pāndulipiyān samakālīn lōgōn (ānkhōn dēkhē gavāhōn) kē samayāvadhi mēin, pahalī īsvī san mēin hī likhī gaī thī, aur hamārē pās jaisa ki īsvī san 125 mēin kaha gaya tha, usī tarah kī pāndulipiyōn kē anś paē jātē hain, aur pūra Naya Niyam īsvī san 250 mēin kī tithi ka pāya jāta hai. Naē Niyam kī sārī pustakōn ka ārambh mēin ānkhōn dēkhē huē gavāhōn kī samayāvadhi mēin hī likhē jānē ka arth yah hai ki unakē pās paurānik kathaōn aur lōkasāhity kī rachana karanē kē liē samay nahin tha. Isakē sāth hī, unakē dvāra dāva kī huī sacchaiyōn kī javābadēhī kaī kalīsiyaōn kē sadasyōn kē dvāra lī gaī hai, jō ghatanaōn kē vyaktigat rūp sē ānkhōn dēkhē huē sākśy thē, jō in tathyōn kī puśti kar sakatē thē.

3) Naē Niyam kī pāndulipiyān kisī bhī prāchīn sāhity kī apēkśa sabasē jyāda satīk hain. Jhōn R Rōbinsan nē apanī pustak Paramēśvar kē prati īmānadār mēin aisē lipibaddh kiya hai ki Naē Niyam kī pāndulipiyān 99. 9% satīk (kisī bhī pūrn prāchīn pustak kī apēkśa sabasē adhik satīkata kē sāth)hain. Brūs Mētzaar, Yūnānī Naē Niyam ka ēk viśēśagy vinamrata kē sāth, isakē 99. 5% satīk hōna kahata hai.

Chautha, Masīhī EekIśvaravād kē Sarvēśvaravād aur BahuIśvaravād sē jyāda lābh hain. Hindū dharm kō kēval Sarvēśvaravād ("Paramēśvar sab kuch hai") ya kēval BahuIśvaravād (kaī Iśvarōn ka hōna) kē rūp mēin hī chinhit karana uchit nahin hōga. Hindū dharm kī śākha kē ūpar ādhārit hō, ēk vyakti Sarvēśvaravādī, BahuIśvaravādī, Advaitavādī ("sab kuch ēk hai"), EekIśvaravādī, ya kaī any vikalpōn kē rūp mēin svayam kī vyākhya kar sakata hai. Tathāpi, Hindū dharm mēin dō śākhaēn bahut hī drdhata kē sāth paī jātī hain arthāt BahuIśvaravādī aur Sarvēśvaravādī. Masīhī EekIśvaravādī nē in dōnōn kē ūpar lābh kō chinhit kiya hai. Sthān kī kamī kē kāran, in tīnōn drśtikōnōn kī tulana yahān par unakē kēval ēk tathy, arthāt naitikata kē sāth kī gaī hai.

BahuIśvaravād aur Sarvēśvaravād kē pās unakī naitikata kē liē sandigdh ādhār paē jātē hain. BahuIśvaravād kē sāth, yadi bahut sē Iśvar paē jātē hain, tab kisī Iśvar kē pās antim naitik māpadand hain jinakī naitikata ka pālan manuśy kō karana chāhiē? Jab Bahusankhyak Iśvar hō jātē hain, tab unakē naitik māpadand kī paddhatiyān ya tō āpas mēin sangharśarat nahin hōtī hain, ya sangharśarat hōtī hain, ya phir yah astitv mēin hī nahin hai. Yadi yah astitv mēin hī nahin hai, tab tō naitikata kō āviśkrt kiya gaya hai aur yah ādhārahīn hain. Is dhārana kī kamajōrī svayam-pramānit hō jātī hai. Yadi naitik māpadand kī paddhatiyān āpas mēin sangharśarat nahin hain, tab kis siddhānt kē ūpar vē ēk dūsarē kē sāth panktibaddh hain? Panktibaddh hōnē kē liē unaka jō bhī siddhānt hō yah Iśvarōn sē sarvōcch hī hōga. Is sthiti mēin Iśvar sarvōcch nahin huē kyōnki vē kisī any adhikār kē prati uttaradāyī hain. Isaliē, kōī sarvōcchattam vāstavikata hai jisakē prati unhēn adhīn hōna hōga. Yah sacchaī Bahuiśvaravād kō halka, yadi aisa nahin hai, tō khōkhala pragat kar dēta hai. Tīsarē vikalp kē rūp mēin, yadi Iśvar sahī aur galat kē prati apanī naitikata kē māpadand mēin ēk dūsarē kē sāth sangharśarat hain, tab tō vē ēk Iśvar ka āgyāpālan dūsarē kē sāth svayam kō khatarē mēin dālatē huē karatē hain, jō unakē ūpar usakē dand kō lē āēga. Naitikata sambandhātmak hōtī hai. Eek Iśvar kē liē bhalaī āvaśyak nahin hai ki yah ēk hī uddēśy kī prāpti aur viśvavyāpī arth mēin sabakē liē "bhala" hī hō. Udāharan kē liē, ēk vyakti kē dvāra ēk bacchē ka balidān Dēvī Kālī kō bhēnt svarūp chadhāna Hindū dharm kī kisī ēk śākha kē liē praśansanīy hōga parantu yah anyōn kē liē nindanīy hōga. Parantu niśchit rūp sē, bacchōn ka balidān, apēkśākrt āpattijanak hai. Kuch bātēn chāhē kuch bhī kyōn na sabhī kāranōn aur apanē pragatīkaran kē dvāra sahī ya galat hōtī hain.

Sarvēśvaravād bhī Bahuiśvaravād sē jyāda sarvōttam nahin hai kyōnki yah bhī drdhatāpūrvak yahī kahata hai ki ant mēin kēval ēk hī ēk hī Iśvarīy vāstavikata hai - is prakār yah "bhalaī" aur "buraī" kē madhy antim rūp sē antar kō hōnē dēta hai. Yadi "bhalaī" aur "buraī" vāstav mēin ēk dūsarē sē bhinn hain, tab ēk ēkalautī, adrśy vāstavikata nahin hō sakatī hai. Sarvēśvaravād antateh naitik rūp sē "bhalaī" aur "buraī" kō madhy antarōn kō nahin hōnē dēta hai. Bhalaī aur buraī ēk hī avibhājy vāstavikata sē nikal kar ātī hai. Aur yadi aisē antar jaisē ki "bhalaī" aur "buraī" kō nirmit kiya bhī ja sakata hai, tō bhī karm kē siddhānt ka sandarbh is antar kē naitik sandarbh kō śūny kar dēta hai. Karm ka siddhānt ēk avaiyaktik siddhānt hai jō bahut kuch prākrtik vyavastha kē jaisē hai jaisē Gurutvākarśan ya Niśkriyata kē siddhānt ka hōna. Jab karm kisī pāpī ātma par kāry karata hai, tō yah Iśvarīy nirnay nahin hōta hai jō nyāy kō lāta hai. Isakī apēkśa, yah prakrti kī ēk avaiyaktik pratikriya hai. Parantu naitikata vyaktitv kī māng karatī hai, aisa vyaktitv jisē karm ka siddhānt pradān nahin dē sakata hai. Udāharan kē liē, ham ēk chadī kō pītanē mēin upayōg hōnē kē kāran dōś nahin laga sakatē hain. Chadī tō bina kisī naitik yōgyata ya dāyitv kē sāth mātr ēk vastu hai. Isakī apēkśa, ham us vyakti kō dōś lagātē hain jō is chadī ka upayōg durvyavahār kē liē upayōg kar raha hai. Is vyakti kē pās naitik yōgyata aur naitik dāyitv hai. Thīk isī tarah, yadi karm ka siddhānt kēval ēk avaiyaktik svabhāv hai, tab yah anaitik ("bina kisī naitikata") hai aur naitikata kē liē paryāpt ādhār nahin hai.

Tathāpi, Masīhī Viśvās ka EekIśvaravād, apanī naitikata kō Paramēśvar kē vyaktitv mēin nihit karata hai. Paramēśvar ka charitr bhala hai, aur, isaliē, jō kuch usakī aur usakī iccha kī puśti karata hai, vah bhala hai. Jō kuch Paramēśvar aur usakī iccha sē dūr hō jāta hai, vah buraī hai. Isaliē, ēk Paramēśvar ka hōna naitikata kē pūrn ādhār ka kāry karatē huē, naitikata kē liē vyaktigat ādhār pradān karanē kī anumati dēta aur bhalē aur burē kē liē viśayaniśthak gyān kō tarkasangat thaharāta hai.

Pānchavān, praśn abhī bhī vahīn par hai, "āp apanē pāp kē sāth kya karatē hain?" Masīhī Viśvās is samasya ka uttar badī drdhata kē sāth dēta hai. Bauddh dharm kī tarah, Hindū dharm, kē pās pāp kē liē kam sē kam dō vichār hain. Pāp kō kaī bār agyānata kē rūp mēin samajha gaya hai. Jaisa ki Hindū dharm paribhāśit karata hai, ki yah pāp hai, yadi ēk vyakti vāstavikata kō nahin dēkhata ya nahin samajhata hai. Parantu śabd "pāp" kē liē naitik truti ka vichār bana hī rahata hai. Kuch buraī svēccha sē karana, ēk ādhyātmik ya pārthiv vyavastha kō tōdana, ya galat vastu kī prāpti kī kāmana karana, yah pāp hī hōngē. Parantu pāp kī yah naitik paribhāśa ēk is prakār kī naitik truti kī ōr sankēt karatī hai jisakē liē vāstavik prāyaśchit kī āvaśyakata hai. Prāyaśchit ka vichār kahān sē āta hai? Kya prāyaśchit karmōn kē siddhāntōn kē pālan karanē sē āēga? Karm ka siddhānt avaiyaktik aur anaitik hai. Eek vyakti burē kāmōn kō "santulit karanē" kē liē bhalē kāmōn kō kar sakata hai, parantu ēk vyakti pāp ka nipatāra kabhī bhī nahin kar sakata hai. Karm yahān tak ki aisē sandarbh bhī pradān nahin karatē hain jisakē phalasvarūp ēk vyakti kī naitikata bharī truti galat naitikata mānī jaē. Udāharan kē liē, ham kisī kō thēs pahunchātē hain yadi ham pāp kō akēlē mēin karatē hain? Karm kisī bhī tarah sē isakī kōī chinta nahin karata hai kyōnki karm ēk vyakti nahin hai. Udāharan kē liē, mān lījiē ki ēk vyakti kisī naujavān kō mār dēta hai. Hō sakata hai ki vah us thēs pahunchē huē vyakti kō dhan, jamīn, ya apanē putr kō dē dēnē ka prastāv dē. Parantu vah us vyakti kō na-mara hua naujavān nahin bana sakata hai. Is pāp kī bharapaī tuśtikaran kī kōī bhī mātra pūrī nahin kar sakatī hai. Kya prāyaśchit Shiv ya Viśnu sē prārthana ya manan karanē kē dvāra āta hai? Chāhē yē pātr kśama ka prastāv hī kyōn na dē, taubhī aisa jān padata hai ki pāp phir bhī ēk na ada kiya hua karj hī rahēgī. Vē pāp kō kśama kar sakatē hain yadi yah kśamāyōgy hōta, isamēn kōī badī bāt nahin hai, aur tab ānand kē daravājē mēin sē jātē huē lōgōn kē liē hāth hilātē huē abhivādan dētē.

Tathāpi, Masīhī Viśvāsī, pāp kē sāth ēk, antim, aur vyaktigat Paramēśvar kē virūddh naitik truti kē rūp mēin vyavahār karata hai. Aadam kē samay sē lēkar, manuśy pāp pūrn srśti ban gaya. Pāp vāstav mēin hai, aur yah manuśy aur ānand kē madhy ēk asīmit khaī kō khada kar dēta hai. Pāp nyāy kī māng karata hai. Taubhī yah utanī hī mātra ya adhik mātra mēin kiē huē bhalē kāryōn kē dvāra "santulit" nahin kiya ja sakata hai. Yadi kisī kē bhalē kām usakē burē kāmōn kī tulana mēin das guna adhik hain, tab bhī us vyakti kē vivēk mēin buraī tō hai hī. In burē kāmōn kē sāth kya ghatit hōta hai? Kya unhēn bas kśama kar diya jāta hai jaisa ki mānō vah ārambh mēin hī bada viśay nahin thē? Kya unhēn ānand mēin ānē kē liē anumati dī jātī hai? Kya vē mātr māya hain, is prakār, kisī bhī prakār kī samasya kō chōda nahin jāta hai? Inamēn sē kōī bhī vikalp upayukt nahin hai. Māya kē sambandh mēin, pāp hamārē liē itana adhik vāstavik hai ki ham isakī vyākhya māya kē rūp mēin nahin kar sakatē hain. Pāp sē pūrn hōnē kē sammabandh mēin, jab ham svayan kē sāth niśthāvān hōtē hain tab ham sabhī jānatē hain ki ham sabanē pāp kiya hai. Kśama kē sambandh mēin, bina kisī kīmat kō ada kiē huē pāp kō kśama kar dēnē ka arth hai ki isakē parinām gambhīr nahin hain. Ham jānatē hain ki yah jhūth hai. Aanand kē viśay mēin, ānand tab utana adhik bhala nahin raha jāta, yadi pāp nirantar bhītar kāry karata rahata hai. Aisa jān padata hai ki karm ka paimāna hamēn hamārē hrday mēin pāp aur gupt sandēh kō dēta hai ki hamanē sahī aur galat kē kisī antim vyaktigat māpadand kē virūddh kāry kiya hai. Aur isī kē sāth ānand hamēn sahan bhī nahin kar sakata hai ya sāth hī isē siddh hōna bhī samāpt karana hōga tāki ham isakē sāth chal sakēn.

Tathāpi, Masīhī Viśvās kē sāth, sabhī pāp kō dand diya jāta hai yadyapi yah dand pahalē sē hī krūs kē ūpar Masīh kē vyaktigat balidān kē dvāra santuśt kar dī gaī hai. Paramēśvar manuśy ban gaya, ēk siddh jīvan kō yāpan kiya, aur is mrtyu kō apanē ūpar lē liya jisakē yōgy ham thē. Vah hamārē badalē mēin krūsit hua, hamārē liē ēk vikalp thahara, aur hamārē pāpōn kē liē prayāśchit thahara aur apanē ūpar lē liya. Aur usanē jī uthatē huē yah pramānit kar diya ki yahān tak ki mrtyu bhī usakē ūpar jay kō nahin pa sakatī hai. Isakē atirikt, vahī anant jīvan kē liē un sabhōn kō isī Punarutthān kī pratigya dēta hai jinaka kēval usī mēin usē apana prabhu aur uddhārakarta mānatē huē viśvās hai (Rōmiyōn 3:10, 23, 6:23; 8:12; 10:9-10; Iphisiyōn 2:8-9; Philippiyōn 3:21).

Ant mēin, Masīhī Viśvās mēin ham jānatē hain ki ham bachaē huē hain. Hamēn kuch kśanabhangur anubhav kē ūpar nirbhar rahanē kī āvaśyakata nahin hai, na hī hamēn hamārē svayam kē bhalē kārmōn kē ūpar ya utsāhī chintan kē ūpar, na hī hamēn hamārē viśvās kō jhūthē Iśvar kē ūpar tikānē kī āvaśyakata hai jinhēn ham "astitv mēin hōnē ka viśvās" karanē kē prayās kar rahē hain. Hamārē pās ēk jīvit aur saccha Paramēśvar hai, ēk aitihāsik rūp sē sahāra dēnē vāla viśvās, ēk sthaī aur jāncha hua Paramēśvar ka prakāśan (Pavitraśāstr), naitik jīvan kō yāpan karanē kē liē dharmavaigyānik rūp sē santuśt karanē vālē ādhār aur Paramēśvar kē sāth svarg mēin surakśit ghar hamārē pās hai.

Is kāran, in sab bātōn ka āpakē liē kya arth hai? Yīśu hī antim vāstavikata hai? Yīśu hamārē pāpōn kē liē ēk siddh balidān tha. Paramēśvar ham sabhōn kō kśama aur uddhār tab pradān karata hai jab ham bas kēval usakē varadān kō hamārē liē grahan karatē (Yūhanna 1:12), huē yah viśvās karatē hain ki Yīśu hamārē liē uddhārakarta hai jisanē apanē jīvan kō hamārē arthāt - apanē mitrōn kē liē dē diya. Yadi āp apanē viśvās kō Yīśu kō kēval apana uddhārakarta mānatē huē usamēn rakhēngē, tab āpakē pās svarg kē anantakālīn ānand ka pūrn āśvāsan hōga. Paramēśvar āpakē pāpōn kō kśama karēga, āpakē prān kō śuddh karēga, āpakī ātma kō navīkrt karēga, aur āpakō is sansār mēin bahutāyat aur ānē vālē sansār mēin anant jīvan dē dēga. Ham kaisē is bahumūly varadān kō asvīkār kar sakatē hain? Ham kaisē apanī pīth kō us Paramēśvar sē phēr sakatē hain jisanē ham sē itana adhik prēm kiya hai ki svayam kō hamārē liē balidān dē diya?

Jō kuch āp viśvās karatē hain usamēn yadi āp suniśchit nahin hai, tō ham āpakō is prārthana kō karanē kē liē nimantran dētē hain; "Hē Paramēśvar, jō kuch saty hai usē jānanē mēin mērī sahāyata kar. Jō kuch trutipūrn hai usē samajhanē mēin mērī sahāyata kar. Mujhē yah jānanē mēin sahāyata kar ki uddhār ka sahī mārg kaun sa hai." Paramēśvar sadaiv āpakī is tarah kī gaī ēk prārthana kō sammān dēga.

Yadi āp Yīśu kō apana uddhārakarta karakē grahan karana chāhatē hain, tō bas kēval Paramēśvar sē maukhik rūp sē ya chupachāp mēin bāt karēn, aur usasē kahēn ki āp Yīśu kē dvāra uddhār kē varadān kō grahan karatē hain. Yadi āp ēk prārthana kō karana chāhatē hain, tō yahān par ēk udāharan diya hua hai: "Hē Paramēśvar, mujh sē prēm karanē kē liē tēra dhanyavād. Svayam kō mērē liē balidān karanē kē liē tēra dhanyavād. Mujhē kśama aur uddhār pradān karanē kē liē tēra dhanyavād. Main Yīśu kē dvāra uddhār kē varadān kō grahan karata hūn. Main Yīśu kō apana uddhārakarta karakē grahan karata hūn. Aamīn!"

Jo kuch āpne yahān paḍhaā hai kyā uske kāraṇ āpne Masīh ke pīche chalane ke lie nirṇay liyā hai? Yadi aisā hai to kṛpyā nīche die hue "mainne āja Yīśu ko svīkār kar liyā hai" vāle baṭan ko dabāiye.



Hindī ya Roman-Nagari ke mukhya pṛṣṭha par vāpsa jāie



Main ēk Hindū hūn, mujhē kyōn ēk Masīhī Viśvāsī bananē kē liē vichār karana chāhiē?