Bāibal garbhpāt ke bāre men kyā kahtī hai?



Praśn: Bāibal garbhpāt ke bāre men kyā kahtī hai?

Uttar:
Bāibal garbhpāt yā Bhrūṇ Hatyā ke viṣy ko viśeṣ rūp se kabhī bhī sambodhit nahīn kartī hai. Parntu phir bhī, Pavitr Sāstr men asankhy śikṣāen dī gaī jo ki is viṣy ko bahutāyat ke sāth spaṣṭ kar detī hain ki Parmeśvar garbhpāt ko kis dṛṣṭikoṇ se dekhatā hai. Yirmayāha 1:5 hame kahtā hai ki Parmeśvar hame garbh men rachane se pahale jāntā hai. Bhajan Sanhitā 139:13-16 Parmeśvar ke dvārā hamārī sṛṣṭi aur garbh men hamāre nirmāṇ ke lie sakriy bhūmikā ke bāre men bolatā hai. Nirgaman 21:22-25 iske lie jaise ek vyakti kisī kī hatyā kartā hai use ke lie ṭhaharāī huī sajā – arthāt Mṛtyudaṇḍ – kā vivaraṇ detā hai, jo kisī ek śiśu kī garbh men hī hatyā karne kā kāraṇ banatā hai. Yah spaṣṭ rūp se sanket detā hai ki Parmeśvar garbh men pal rahe ek śiśu ek pūrṇ vikasit manuṣy ke rūp men hī mānatā hai. Masīhiyon ke lie, garbhpāt kā chunāv karnā striyon ke adhikār kā viṣy mātr nahīn hai. Yah ek mānav prāṇī jo ki Parmeśvar ke sparūp men rachā huā hai, ke jīvan aur Mṛtyu kā viṣy hai (Utpatti 1:26-27; 9:6).

Pahalā tark jo sadaiv garbhpāt ke prati Masīhī dṛṣṭikoṇ ke virūddh uṭh khaḍaā hotā hai vah yah hai ki "balātkār aur/yā kauṭuṃbik vyabhichār kī ghaṭanāon ke bāre men kyā kiyā jāe?" Jitanā bhayānak balātkār aur/yā kauṭuṃbik vyabhichār ke pariṇāmsvarūp garbhvatī ban jāna hai utanā hī ek śiśu kī hatyā iskā uttar hai? Do galatiyān ek bāat ko sahī nahīn kar detī hain. Vo bacchā jo balātkār/kauṭuṃbik vyabhichār ke pariṇāmsvarūp utpann huā hai, ko kisī aise premī parivār ko god diyā jā sakatā hai jo ki svayaṃ se bacchā paidā karne men asamarth hain, yā bacche ko uskī mātā svayaṃ pālan poṣaṇ kar sakatī hai. Ek bār phir se śiśu to nirdoṣ hai aur uske pitā ke bure kāryo ke lie daṇḍ nahīn diyā jān chāhie.

Dūsarā tark jo aksar garbhpāt ke prati Masīhī dṛṣṭikoṇ ke virūddh uṭh khaḍaā hotā hai, vah yah hai ki "us samay kyā kiyā jāe jab ek mātā kā jīvan hī khatare men ho?" Imānadārī se kahā jāe to yah garbhpāt ke viṣy par uttar dene ke lie ek sabse kaṭhin praśn hai. Sabse pahale, āie smaraṇ rakhen ki aisī paristhiti ke pīche das men keval ek pratiśat hī garbhpāt kā kāraṇ āj ke sanār men hotā hai. Apane jīvano ko bachāne kī apekṣā abhī tak striyon ne apanī suvidhā ke lie adhikttar garbhpāt kie hain. Dūsarā, āie smaraṇ rakhen ki Parmeśvar āśchāryakramo kā Parmeśvar hai. Vah mātā aur ek bacche ke jīvan ko unake virūddh sabhī tarah ke meḍīkal bādhāo ke viparīt bhī saṃbhāl sakatā hai. Ant men, hāalāki, is praśn ko keval pati aur patnī aur Parmeśvar ke madhy men nirdhārta kiyā jā sakatā hai. Koī bhī joḍaā jo bahut adhik vikaṭ paristhiti kā sāmanā kar rahā hai, ko Prabhu se buddhi ke lie prārthanā karnī chāhie (Yākūb 1:5), ki unhen kyā karnā chāhie.

Aaj ke samay men lagabhag 95 pratiśat garbhpāt men striyā keval islie sammilit hotī hain kyonki ve bas ek śiśu ko nahīn cāhatī hain. Lagabhag 5 pratiśat se bhī kam garbhpāt balātkār, kauṭuṃbik vyabhichār yā mātā ke jīvan ko khatare men hone ke kāraṇo se kiyā jātā hai. Yahān tak kī 5 pratiśat sabse jyādā kaṭhin udāharṇo men bhī, garbhpāt hī sabse pahalā vikalp nahīn honā chāhie. Ek garbh men ek mānav prāṇī kā jīvan yogytā rakhane ke kāraṇ har saṃbhav kośiś ke dvārā janm lene ke lie anumati diyā jān chāhie.

Ve jinhonne garbhpāt kiyā hai, unhen smaraṇ rakhanā chāhie ki garbhpāt kā pāap kisī any pāap se kam chhamā kie jāne yogy nahīn hai. Masīh men viśvās ke dvārā, sabhī pāpon ko chhamā kiyā jā sakatā hai (Yūhannā 3:16; Romiyon 8:1; Kulussiyon 1:14). Ek strī jisne garbhpāt kiyā hai, ek purūṣ jisne garbhpāt ke lie utsāhit kiyā hai, yā yahān tak ki ek ḍakṭar jisne ise karne men sahāyatā kī hai – sabhī Yīśu Masīh men viśvās ke dvārā chhamā kie jā sakate hain.



Hindī ya Roman-Nagari ke mukhya pṛṣṭha par vāpsa jāie



Bāibal garbhpāt ke bāre men kyā kahtī hai?