settings icon
share icon
Praśn

Bāibal ātmik yuddh ke bāre men kyā kahtī hai?

Uttar


Jab bāat ātmik yuddh kī ātī hai to yahān par prāthamik truṭiyān hain – jina par yā to jyādā jor gayā hai yā phir kam. Kuch log yah doṣ lagāte hain ki pratyek pāap, pratyek sangharṣ, aur pratyek samasyā duṣṭatmāon kī hain jinhen bāhar nikāl denā chāhie. Jabki dūsare pūrī tarah se ātmik lok ki upekṣā karte hain aur sacchāī yah hai ki Bāibal hame ātmik śāktiyon ke virūddh laḍaāī ke bāre men batātī hai. Aatmik yuddh men saphaltā kī kunjī Bāibal ādhārit santulan ko prāpt karnā hai. Yīśu ne kaī bār duṣṭatmāon ko logon men se bāhar nikālā aur kaī bār logon ko binā kisī duṣṭatmā ke prabhāv kā ullekh karte hue changā kiyā. Prerit Paulus ne Masīhiyon ko svayaṃ pāap ke viruddh yuddh cheḍane kā (Romiyon 6) aur Saitān ke virūddh yuddh cheḍane (Iphisiyon 6:10-18) kā nirdeś diyā hai.

Iphisiyon 6:10-12 ghoṣaṇā kartā hai ki, "Islie, Prabhu men aur uskī śakti ke prabhāv men balavant bano. Parmeśvar ke sāre hathiyār bāndh lo ki tum Saitān kī yuktiyon ke sāmane khaḍae raha sako. Kyonki hamārā yah mallayuddh lahū aur māss se nahīn parntu pradhānon se aur adhikāriyon se aur is sanār ke andhakār ke hākimo se aur duṣṭatā kī ātmik senāo se hai jo ākāś men hain." Ye mūlpāṭh hame kuch mahatvpūrṇ sacchāīyon kī śikṣā detā hai: ham keval Prabhu kī śakti men hī balavant ho sakate hain, yah Parmeśvar kā hathiyār hai jo hame surakṣā detā hai, aur hamārī yah laḍaāī is sanār ke duṣṭatā kī ātmik senāo ke virūddh hai.

Prabhu kī śakti men koī sāmarthī hai iskā ek sabse śaktiśālī udāharṇ Prakaśitavāky 9 men pradhān Svargdūt Mīkāīla hai, jo ki Parmeśvar ke svargdūto men sabse jyādā śaktiśālī jān paḍtā hai, ne Saitān ko apanā sāmarthy men nahīn jhiḍakā aur keval itanā hī kahā ki, "Prabhu tujhe ḍānṭe!" Prakāśitvāky 12:7-8 vivaraṇ detā hai ki ant ke samay men Mīkāīla Saitān ko harā degā. Parntu phir bhī, jab bāat Saitān ke sāth sangharṣ kī āī to, Mīkāīl ne Saitān ko apanī sāmarthy aur adhikār men nahīn apitu Parmeśvar ke nām aur adhikār men ḍānṭā. Yah keval Yīśu Masīh ke sāth hamāre sambandh ke dvārā hī hotā hai ki Masīhī viśvāsiyon ke pāas Saitān aur uskī duṣṭatmāon ke ūpar adhikār diyā gayā hai. Yah keval uskā nām hī hai jisse hamāre ḍānṭane men koī śakti hotī hai.

Iphisiyon 6:13-18 hame un ātmik hathiyāro kā vivaraṇ detā hai jinhen Parmeśvar ne hame die hain. Ham saty se apanī kamr kas kar, dhārmiktā kī jhilam pahin kar, mel ke Susmāchār, viśvāsī kī ḍhāl, uddhār ke ṭop, Atmā kī talavār ke sāth aur Atmā men prārthanā karte hue dṛḍhtā se khaḍae rahe sakate hain. Aatmik yuddh men ātmik hathiyāro ke ye ṭukaḍae kyā prastut karte hain? Hame Saitān ke jhūṭhon ke viruddh saty kā upayog karnā hai. Ham is sacchāī par nirbhar honā hai ki ham Masīh ke balidān ke kāraṇ dharmī ghoṣit kie gae hain. Hame Susmāchār kī ghoṣaṇā karnī hai chāhe kitanā jyādā bhī virodh hame kyon na sahan karnā paḍae. Hame hamāre viśvās men nahī hilanā hai, chāhe hamāre ūpar kitane adhik śāktiśālī hamlo ko hī kyon na kiyā jāe. Hamārā antim bachāv is niśchay men hai ki hamāre pāas uddhār hai, ek aisā niśchay hai ki koī ātmik śākti ise hamse nahīn chīn sakatī hai. Hamāre lie akramaṇ karne kā hathiyār Parmeśvar kā vachan hai, na ki hamāre vichār aur bhāvnāe hain. Hame Yīśu ke udāharṇ kā anusraṇ is bāat kī pahachān men karnī chāhie ki kuch ātmik vijay keval prārthanā ke dvārā hī saṃbhav hotī hain.

Yīśu hī ātmik laḍaāī ke lie hamārā nirṇāyak udāharṇ hai. Dhyān den ki kaise Yīśu ne Saitān ke sīdhe hamlo kā sāmanā kiyā jab uskī jangl men Saitān ke dvārā parīkṣā kī gaī thī (Mattī 4:1-11). Pratyek parīkṣā kā uttar isī tarah se – vachan ke sāth diyā gayā hai arthāt "aisā likhā huā" hai. Yīśu jīvit Parmeśvar ke vachan ko jāntā thā jo ki sabse duṣṭ kī parīkṣāo ke virūddh sabse śaktiśālī hathiyār hai. Yadi svayaṃ Yīśu ne vachan kā upayog duṣṭ ke virūddh uskā sāmanā karne ke lie kiyā hai, to hame usse kam kā upayog karne kī kaise himmat ho sakatī hai?

Aatmik laḍaāī men kaise yuddhrt honā hai ke lie antim udāharṇ Skkivā ke Sāt putr hain. "Parntu kuch Yahūdī jo jhāḍaā phūnkī karte phirte the, yah kahne lage ki jinamen duṣṭatmā ho un par Prabhu Yīśu kā nām yah kahkar phūnke 'jis Yīśu kā prachār Paulus kartā hai, main tumhe us kī śapath detā hūn' aur Skkivā nām ke Yahūdī pradhān yājk ke Sāt putr the jo aisā hī karte the. Par duṣṭatmā ne unako uttar diyā, 'Yīśu ko main jāntī hūn, aur Paulus ko main pahachānatī hūn, parntu tam kaun ho?' Aur us manuṣy ne jismen duṣṭatmā thī un par lapakakar aur unhen vaś men lākar, un par aisā upadrav kiyā ki ve nange aur ghāyal hokar us ghar se nikal bhāge" (Preriton ke kām 19:13-16). Skkivā ke Sāt putr Yīśu ke nām ko upayog kar rahe the. Aisā karnā uchit nahīn thā. Skkivā ke Sāt putron kā Yīśu ke sāth koī sambandh nahīn thā; islie unake śabdo men koī sāmarthy aur adhikār nahīn thā. Skkivā ke Sāt putr ek paddhati ke ūpar nirbhar the. Ve Yīśu ko apane Prabhu aur uddhārkartā ke rūp men nirbhar nahīn the, aur ve Parmeśvar ke vachan ko apane ātmik yuddh men lāgū nahīn kar rahe the. Pariṇāmsvarūp, unhonne burī tarah se asaphaltā ko prāpt kiyā. Hamārī prārthanā hai ki ham unake bure udāharṇ se sīkh ko prāpt karen aur ātmik laḍaāī ko aise laḍae jaise ki iskā nirdeś Bāibal men diyā gayā hai.

Sārānś men, ātmik laḍaāī men saphaltā kī kunjiyān kyā hain? Pahalā, hame apanī nahīn, apitu Parmeśvar kī sāmarthy ke ūpar nirbhar rahanā chāhie. Dūsarā, hame apane nahīn, apitu Yīśu ke nām men ḍānṭanā chāhie. Tīsarā, hame Parmeśvar ke hathiyāro se svayaṃ kī surakṣā karnī chāhie. Chauthā, hame Atmā kī talavār– jo ki Parmeśvar kā vachan se yuddh ko cheḍanā chāhie. Ant men, hame smaraṇ rakhanā chāhie ki jab ham Saitān aur uskī duṣṭatmāon ke virūddh ātmik yuddh ko cheḍate hain, to pratyek pāap yā samasyā ek duṣṭatmā nahīn hai jise ki ḍānṭe jāne kī āvaśyaktā hai.

English



Hindī ya Roman-Nagari ke mukhya pṛṣṭha par vāpsa jāie

Bāibal ātmik yuddh ke bāre men kyā kahtī hai?
Facebook icon Twitter icon Pinterest icon Email icon
© Copyright Got Questions Ministries