بد روحوں کے بارے بائبل کیا کہتی ہے ؟




سوال: بد روحوں کے بارے بائبل کیا کہتی ہے ؟

جواب:
مکاشفہ 12 : 9 بد روحوں کی شناخت پر ایک واضح کلام ہے ، " اور وہ بڑا اژدہا یعنی وہی پُرانا سانپ جو ابلیس اور شیطان کہلاتا ہے اور سارے جہان کو گمراہ کر دیتا ہے زمین پر گرا دیا گیا اور اُس کے فرشتے بھی اُس کے ساتھ گرا دئے گءے ۔" شیطان کا آسمان پر سے گرایا جانا علامتی طور پر یسعیاہ 14 : 12 ۔ 15 اور حزقی ایل 28: 12 ۔ 15 ، مکاشفہ 12 : 4 میں اشارہ کرتا ہے کہ شیطان کے ساتھ ایک تہائی فرشتے تھے جب اُس نے گناہ کیا ۔ یہوداہ 6 باب اشارہ کرتا ہے کہ فرشتے وہ ہیں جنہوں نے گناہ کیا ۔ بائبل نشاندہی کر تی ہے کہ بد روحیں گرائے جانے والے فرشتے ہیں جنہوں نے شیطان کے ساتھ مل کر خدا کے خلاف بغاوت کی ۔

شیطان اور اُس کی بد روحیں اب اُن سب کو جو خدا کی پیروی اور پرستش کرتے ہیں اُنہیں تباہ اور دھوکہ دینے کے لیے دیکھ رہے ہیں ( 1 پطرس 5 : 8 ، 2 کرنتھیوں 11 : 14 ۔ 15 ) بد روحیں بُری روحوں کے طور پر ( متی 10: 1) پراگندہ روحوں ( مرقس 1 : 27 )اور شیطان کے فرشتوں کے طور پر بیان ہوئی ہیں ۔ شیطان اور بد روحیں دُنیا کو دھوکہ دیتی ہیں ( 2 کرنتھیوں 4 : 4 ) مسیحیوں پر حملہ آور ہوتی ہیں ( 2 کرنتھیوں 12 : 7 ، 1 پطرس 5 : 8 ) اور مقدس فرشتوں کے ساتھ جنگ کر تی ہیں ( مکاشفہ 12 : 4 ۔9 ) بد روحیں روحانی مخلوق ہیں ، لیکن وہ جسمانی شکل میں ظاہر ہو سکتی ہیں ( 2 کرنتھیوں 11 : 14 ۔15 ) بد روحوں / گرے ہوءے فرشتے خدا کے دُشمن ہیں ، لیکن وہ شکست خوردہ دُشمن ہیں۔ اُن سے زیادہ عظیم وہ ہے جو ہم میں ہے اُن سے جو دُنیا میں ہے ( 1 یوحنا 4 : 4 )



واپس اردو زبان کے پہلے صفحے پر



بد روحوں کے بارے بائبل کیا کہتی ہے ؟