Naa ni na Vhutshilo Vhu sa Fheli?




Mbudziso: Naa ni na Vhutshilo Vhu sa Fheli?

Phindulo:
Bivhili i sumbedza nḓila ya u wana vhutshilo vhu sa fheli. Tsha u thomak ri fanela u ṱhogomela uri ro itela Mudzimu tshivhi: "Vho tshinya vhoṱhe, vhoṱhe vho ṱahela vhurena ha Mudzimu" (Vha-Roma 3:23). Roṱhe ro no ita zwithu zwine zwa sa takadze Mudzimu, zwa ita uri ri tewe nga u ṱarafiwa. Samusi zwivhi zwashu zwoṱhe zwi sa tshimbidzani na Muzimu wa nga hu sa fheli, ho tea tshiṱarafo tshi sa fheli. "Mulifho wa zwivhi ndi lufu, tshifhiwa tshine ra ṋewa nga tshilidzi tsha Mudzimu ndi u tshila tshoṱhe kha Kristo Yesu Murena washu" (Vha-Roma 6:23).

Naho zwo ralo, Yesu Kristo ha na tshivhi (1 Petro 2:22), Murwa wa nga hu sa fheli o vha muthu (Yohane 1:1,14) nahone a fa a tshi itela u lifha tshiṱarafo tshatshu. "Lufuno lwawe lwa u ri funa, Mudzimu u lu vhonadza nga nge Kristo a ri fela" (Vha-Roma 5:8). Yesu Kristo o fa kha tshifhambano (Yohane 19:31-42), a tshi tshiṱarafo tsho ri teaho (2 Vha-Korinta 5:21). Nga murahu ha maḓuvha mararu a vuwa vhafuni (1 Vha-Korinta 15:1-4), A sumbedza u kunda hawe tshivhi na lufu. "Nga vhunzhi ha khathutshelo yawe a ri beba-hafhu, uri ri vhe vha na fulufhelo ḽi tshilaho nga u vuwa ha Yesu Kristo vhafuni" (1 Petro 1:3).

Nga lutendo, ri fanela u shandula nḓila in era humbula ngayo nga ha Kristo – nga ha zwine A vha zwone, zwe A zwi ita, nahone ndi ngani – u itela uri ri tshidzwe (Mishumo 3:19). Arali ra vha na lutendo Khae, ra fulufhela lufu lwawe kha tshifhambano a tshi itela zwivhi zwashu, ri ḓo hangwelwa na u wana fulufhedziso ḽa vhutshilo vhu sa fheli ṱaḓulu. "Mudzimu o funa shango zwingafha-ngafha, a vhuya a ṋekedza Murwa wawe mubebwa-eṱhe, uri vhoṱhe vha mu tendaho vha si lovhe, tshavho hu vhe u tshila tshoṱhe" (Yohane 3:16). "Arali u tshi ṱanziela Murena Yesu nga mulomo wau, wa tenda mbiluni yau zwa uri Mudzimu o mu vusa vhafuni, u ḓo tshidzwa" (Vha-Roma 10:9). Lutendo kha tshifhambano sha Kristo ndi lwone fhedzi lune lwa ḓo ita uri ri wane vhutshilo vhu sa fheli! "Ngauri no tshidzwa nga tshilidzi zwi tshi bva u tendani, a no ngo tou ḓi-ita, no tou fhiwa nga Mudzimu. A zwo ngo tou bva kha mishumo yaṋu uri hu sa ḓo vha na ane a ḓo zuwa" (Vha-Efesa 2:8-9).

Arali ni tsho ṱoḓa u ṱanganedza Yesu Kristo sa Mutshidzi waṋu, hafhu hu na thabelo ya tsumbo. Humbulani uri u amba yeneyi thabelo kana thabelo naho i ifhio zwi nga si ḓo ni tshidza. Ndi u fulufhela fhedzi kha Kristo zwino zwa nga ni thusa kha tshivhi. Thabelo heyi i sumbedza fhedzi nḓila ya u sumbedza lutendo lune na vha nalwo kha Mudzimu na u mu livhuha nge a ni tshidza. "Mudzimu, ndi a zwi ḓivha uri ndo ita tshivhi nahone ndo tewa nga u ṱarafiwa. Fhedzi Yesu Kristo o dzhia tshenetsho tshiṱarafo tshe tsha vha tsho ntea u itela uri arali ndi na lutendo ndi kone u hangwelwa. Ndi vhea fulufhelo ḽanga Khavho u itela uri ndi tshidzwe. Ndi Livhuha tshilidzi tshavho tshavhuḓi na u hangwelwa – tshifhiwa tsha vhutshilo vhu sa fheli! Amen!"

Naa no no ita phetho nga ha Kristo nga ṅwambo wa zwe na zwi vhala afha? Arali zwo ralo, nga khumbelo puṱedzani bathini i re afho fhasi ine ya ri "Ndo ṱanganedza Kristo ṋamusi".



Vhuyelelani kha siaṱari ḽa Tshivenḓa



Naa ni na Vhutshilo Vhu sa Fheli?