Ano ba ang sinasabi ng Bibliya tungkol sa tattoo at mga hikaw sa katawan?

Tanong: "Ano ba ang sinasabi ng Bibliya tungkol sa tattoo at mga hikaw sa katawan?"

Sagot: Ipinag-utos ng Lumang Tipan sa mga Israelita na, “Huwag kayong maghihiwa sa katawan dahil sa isang namatay ni maglalagay ng tattoo. Ako si Yahweh” (Levitico 19:28). Totoo, kahit na ang mga mananampalataya sa ngayon ay hindi na nasasailalim sa batas ng Lumang Tipan (Roma 10:4; Galacia 3: 23-25; Efeso 2: 15), ang katotohanang mayroong kautusan laban sa paglalagay ng tattoo ay nararapat lamang na maging dahilan para tayo ay magtanong. Walang anumang sinasabi ang Bagong Tipan kung ang isang mananampalataya ay pwede o hindi pwedeng magpalagay ng tattoo. Bilang relasyon sa tattoo at paglalagay ng mga hikaw sa katawan, isang magandang pagsubok para madetermina kung tapat ba nating mahihingi sa Diyos na biyayaan Niya at gamitin ang naturang partikular na aktibidad para sa Kanyang magandang hangarin. “Kaya nga, kung kayo’y kumakain o umiinom, o ano man ang ginagawa ninyo, gawin ninyo ang lahat sa ikararangal ng Diyos” (1 Corinto 10:31).

Ang Bibliya ay hindi nag-uutos laban sa tattoo o sa paglalagay ng hikaw sa katawan, subalit hindi rin tayo binibigyan ng rason na maniwalang hindi tutol ang Diyos sa paglalagay natin ng tattoo at paghihiwa sa ating mga katawan. Ang isa pang isyu na dapat ikunsidera ay ang kayumian, itinuturo sa atin ng Bibliya na magdamit ng maayos o may kayumian (1 Timoteo 2:9). Ang isang aspeto ng pagdadamit ng maayos ay ang siguruhing ang lahat ng dapat takpan ng damit ay natatakpan. Gayon man, ang pangunahing kahulugan ng pagiging mayumi ay para hindi makakuha ng atensiyon para sa iyong sarili. Ang mga taong nagdadamit ng maayos ay ginagawa ito upang hindi sila makakuha ng atensiyon ng iba tungo sa kanilang sarili. Ang pagkakaroon ng tattoo at mga hikaw sa katawan ay may napakalaking posibilidad na makakakuha ng atensiyon ng iba. Sa ganitong sitwasyon, ang tattoo at mga hikaw sa katawan ay hindi matatawag na kayumian.

Ang pinaka-importanteng prinsipyo ng Bibliya tungkol sa mga isyu na hindi direktang sinasagot nito ay; kung mayroong pagdududa na kung makalulugod ba ito sa Diyos o hindi, ang pinakamabuting gawin ay huwag ituloy ang naturang aktibidad. “Kasalanan ang anumang gawang hindi ayon sa pananalig” (Roma 14:23). Dapat nating malaman na ang ating mga katawan, maging ang ating mga kaluluwa, ay tinubos na at pagmamay-ari na ng Diyos. Kahit na ang 1 Corinto 6: 19-20 ay hindi direktang tumutukoy sa tattoo o paglalagay ng hikaw sa katawan, binibigyan naman tayo ng prinsipyo, “Hindi ba ninyo alam na ang inyong katawan ay templo ng Espiritu Santo na nasa inyo at tinanggap ninyo mula sa Diyos; binili Niya kayo sa malaking halaga. Kaya’t gamitin ninyo ang inyong katawan upang maparangalan ang Diyos.” Kung ang ating katawan ay pagmamay-ari ng Diyos, kailangan nating siguruhin na mayroon tayong malinaw na pahintulot mula sa Kanya bago natin lagyan ng tattoo o hiwain ang ating mga katawan.

Balik sa Tagalog Home Page