Kailan/papaano natin tinatanggap ang Banal na Espiritu?

Tanong: "Kailan/papaano natin tinatanggap ang Banal na Espiritu?"

Sagot: Malinaw na itinuturo sa atin ni Apostol Pablo na tinatanggap natin ang Banal na Espiritu sa panahong nanampalataya tayo kay Hesu Kristo bilang ating tagapagligtas. Idinedeklara ng 1 Corinto 12: 13, “Ito ay sapagkat sa pamamagitan ng iisang Espiritu, tayo rin ngang lahat ay binautismuhan sa iisang katawan kahit tayo ay Hudyo o Griyego, alipin o malaya. At tayo rin ay pinainom sa iisang Espiritu.” Sinasabi din sa atin ng Roma 8: 9 na kung ang isang tao ay walang Banal na Espiritu, siya ay hindi napapabilango nauukol kay Kristo – “Kayo ay wala sa makalamang kalikasan. Kayo ay nasa Espiritu kung ang Espiritu ng Diyos ay tunay na nananahan sa inyo. Ang sinumang walang Espiritu ni Kristo, siya ay hindi sa Kaniya.” Itinuturo din sa atin ng Efeso 1: 13-14 na ang Banal na Espiritu ay ang selyo ng kaligtasan ng lahat ng mga nananampalataya, “Sumampalataya rin kayo kay Kristo, pagkarinig ninyo ng salita ng katotohanan, ang Ebanghelyo ng inyong kaligtasan. Sa Kaniya rin naman, pagkatapos ninyong sumampalataya, ay tinatakan kayo ng Banal na Espiritu na ipinangako. Ang Banal na Espiritu ang katiyakan ng ating mana, hanggang sa pagtubos ng biniling pag-aari para sa kapurihan ng Kaniyang kaluwalhatian.”

Nilinaw ng tatlong Kasulatang ito na ang Banal na Espiritu ay nararapat tanggapin sa panahon ng kaligtasan. Hindi puwedeng sabihin ni Apostol Pablo na ang lahat ay binautismuhan ng iisang Espiritu at ang lahat ay binigyan ng iisang Espiritu para uminom kung hindi lahat ng mga mananampalataya ng Corinto ay mayroong Banal na Espiritu. Sinasabi rin ng aklat ng Roma 8: 9. kung ang isang tao ay walang Banal na Espiritu, hindi siya napapabilang kay Kristo. Samakatuwid, ang pagkakaroon ng Banal na Espiritu ay isang pagkakakilanlan ng pagkakaroon ng kaligtasan. Sa pagpapatuloy, ang Banal na Espiritu ay hindi makokonsiderang “selyo ng kaligtasan” (Efeso 1: 13-14) kung hindi Siya tinanggap sa panahon ng kaligtasan. Nilinaw ng maraming talata sa Bibliya na ang ating kaligtasan ay sigurado na sa panahong tinanggap natin si Kristo bilang tagapagligtas.

Ang diskusyon ay kontrobersiyal sapagkat ang mga ministeryo ng Banal na Espiritu ay madalas nakalilito. Ang pagtanggap/pananahan ng Banal na Espiritu ay nangyayari sa panahon ng kaligtasan. Ang pagpupuno ng Banal na Espiritu ay isang nagpapatuloy na proseso sa buhay ng Kristiyano. Habang pinanghahawakan natin na ang pagbautismo ng Espiritu ay nangyayari sa panahon ng kaligtasan, ang ilang mga Kristiyano ay hindi. Ang ganito kung minsan ay nagreresulta sa kalituhan sa pagitan ng pagbautismo sa Espiritu at “pagtanggap sa Espiritu” bilang isang aksiyon na kasunod ng kaligtasan. Bilang pagtatapos, papaano ba natin tinatanggap ang Banal na Espiritu? Tinatanggap natin ang Banal na Espiritu sa pamamagitan ng ating pananampalataya sa ating Panginoong Hesu Kristo bilang ating tagapagligtas (Juan 3: 5-6). Kailan natin tinatanggap ang Banal na Espiritu? Naging permanente ang Banal na Espiritu sa ating buhay sa panahong tayo’y nanampalataya kay Kristo.

Balik sa Tagalog Home Page