Sino si Satanas?

Tanong: "Sino si Satanas?"

Sagot: Ang paniniwala ng mga tao kay satanas ay naihahanay mula sa pagiging hangal tungo sa hindi mailalarawan: mula sa isang maliit na tao na may sungay at nakaupo sa iyong mga balikat at hinihikayat kang gumawa ng kasalanan, patungo sa ekspresyon na ginamit upang ilarawan ang isang demonyo. Gayon man, ang Bibliya ay nagbibigay sa atin ng malinaw na paglalarawan kung sino nga ba si satanas, at kung papaano niya naaapektuhan ang ating mga buhay. Ipinaliwanag ng Bibliya na si satanas ay isang maka-anghel na nilalang na nahulog mula sa kanyang posisyon sa langit dahil sa kasalanan at ngayon kinakalaban na ang Diyos, ginagawa ang lahat ng makakaya ng kanyang kapangyarihan upang hadlangan ang layunin ng Diyos sa sangkatuhan.

Si satanas ay nilalang bilang isang Banal na anghel. Posibleng ang aklat ng Isaias 14: 12 ay binibigyan ng pangalang Lucifer si satanas bago pa man siya nahulog sa kasalanan. Inilalarawan din sa aklat ng Ezekiel 28: 12-14 na si satanas ay nilalang bilang isang kerubin, at maliwanag na maaaring siya ang pinakamataas na uri ng anghel na nilalang ng Diyos. Naging arogante siya at ninais niyang umupo sa trono na mas mataas pa sa Diyos (Isaias 14:13-14; Ezekiel 28:15; 1 Timoteo 3:6). Ang pagiging mapagmamalaki ni satanas ang siyang nagdala sa kanyang pagbagsak sa kasalanan. Pansinin ang maraming “Nais kong….” Na mga talata sa Isaias 14:12-15. Dahil sa kanyang mga kasalanan, itinapon ng Diyos si satanas palabas ng kalangitan.

Si satanas ay naging puno ng mundong ito na may tungkuling hiwalay sa Diyos, at ang prinsipe at kapangyarihan ng kalawakan (Juan 12:31; 2 Corinto 4:4; Efeso 2:2). Siya ay ang nag-aakusa (Pahayag 12:10), nanunukso (Mateo 4:3; 1 Thessalonica 3:5), at manlilinlang (Genesis 3; 2 Corinto 4:4; Pahayag 20:3). Ang ibig sabihin ng kanyang pangalan mismo ay “kalaban” o “ang sumasalungat.” ang isa pang pangalan na ginagamit kay satanas, ang demonyo, ay maninirang-puri.

Kahit na siya ay itinapon palabas ng langit, nagnanais pa rin siyang itaas ang kanyang trono ng mas mataas pa sa Diyos. Pinepeke niya ang lahat ng mga nilalang ng Diyos, at umaasa siyang makuha ang pagsamba ng mundo at makagawa ng oposisyon sa kaharian ng Diyos. Si satanas ang pinagmumulan ng lahat ng mga kulto at makamundong relihiyon. Gagawin ni satanas ang lahat ng magagawa ng kapangyarihan upang salungatin ang Diyos, at ang lahat ng sumusunod sa Diyos. Gayon man, nakaselyo na ang destinasyon ni satanas-walang hanggang kaparusahan sa lawa ng apoy (Pahayag 20:10).

Balik sa Tagalog Home Page

Sino si Satanas?