Papaano ko mapapatawad ang mga taong nagkasala sa akin?

Tanong: "Papaano ko mapapatawad ang mga taong nagkasala sa akin?"

Sagot: Lahat tayo ay napagkamalian, inapi, at pinagkasalahan sa isang kapanahunan ng ating buhay. Papaano ang isang Kristyano sasagot kung ang nasabing pang-aapi ay nangyari sa atin? Ayon sa Biblya, tayo ay dapat na magpatawad. Ipinahahayag sa Efeso 4:32, “At magmagandang-loob kayo sa isa’t isa, mga mahabagin, na mamangagpatawaran kayo sa isa’t isa, gaya naman ng pagpapatawad sa inyo ng Diyos kay Cristo.” Ganoon din sa sinabi ng Taga Colosas 3:13, “Mangagtiisan kayo sa isa’t isa, at mangaagpatawaran kayo sa isa’t isa, kung ang sinoman ay may sumbong laban sa kanino man; na kung paanong pinatawad kayo ng Panginoon, ay gayon din naman ang inyong gawin.” Ang importante sa dalawang bersikulo ay dapat tayong magpatawad sa isa’t isa katulad din ng pagpapatawad sa atin ng Diyos. Bakit kailangan tayong magpatawad? Dahil tayo ay pinatawad din! Iyong mga hindi Kristyano, samantala, ay hindi pa napatawad ng Diyos at wala silang kapangyarihan o kagustuhan na patawarin ang iba.

Ang kapatawaran ay magaan at madali kung ang kapatawaran ay ating ibibigay doon sa mga taong humihingi ng kapatawaran na may kalungkutan at pagsisisi. Ang Biblya ay nagsasabi sa atin na tayo ay dapat na magpatawad, ng walang kondisyon, doon sa mga tao na nagkasala sa atin. Ang pagtanggi upang magbigay ng tunay na kapatawaran sa kapwa ay nagpapakita ng sama ng loob, kapaitan ng damdamin, at galit, mga katangian na hindi tama sa tunay na Kristyano. Sa Panalangin ng Diyos, ating hinihingi sa Diyos na tayo ay Kanyang patawarin sa ating mga kasalanan, gaya rin naman ng pagpapatawad natin doon sa mga nagkasala sa atin (Mateo 6:12). Sinabi ni Jesus sa Mateo 6:14-15, “Sapagka’t kung apatawad ninyo sa mga tao ang kanilang mga kasalanan, ay patatawarin naman kayo ng inyong Ama sa kalangitan. Datapuwa’t kung hindi ninyo ipatawad sa mga tao and kanilang mga kasalanan, ay hindi rin naman kayo patatawarin ng inyong Ama ng inyong mga kasalanan.” Kung ating ihahambing sa mga ibang Kasulatan na nagsasabi tungkol sa pagpapatawad ng Diyos, ang Kasulatan ayon sa Mateo 6:14-15 ay ating mas lubos na maunawaan na nagsasabi na ang mga tao na tumatangging magpatawad sa kapuwa ay hindi pa nila nararanasan ng totoo sa kanilang sarili ang pagpapatawad ng Diyos.

Kailanma’t tayo ay lumabag sa utos ng Diyos, tayo ay nagkakasala sa Kanya. Kailanma’t tayo ay gumawa ng hindi tama sa ating kapuwa, hindi lamang tayo nagkasala dito sa taong ito, nagkasala rin tayo sa Diyos. Kung ating bibigyan ng halaga ang lawak ng pagpapatawad ng Diyos sa lahat ng ating mga kasalanan sa Kanya, ay ating mauunawaan na tayo ay walang karapatan upang ating ipagkait ang ganitong biyaya sa ating kapuwa. Tayo ay nagkasala sa Diyos ng walang katapusan at mas marami kung ating ihahambing ang mga ito sa mga kasalanan ng ibang tao sa atin. Kung tayo ay pinatatawad ng Diyos na hindi natin masusukat, bakit tayo ay tatangging patawarin ang ating kapuwa ng kakaunti? Ang talinghaga ni Jesus sa Mateo 18:23-35 ay isang makapangyarihang halimbawa ng katotohanan ng ganitong klaseng kapatawaran. Ang Diyos ay nangako na kapag tayo ay lumapit sa Kanya na humihingi ng kapatawaran, ito ay ibibigay Niya sa atin na libre (1 Ni Juan 1:9) And kapatawaran na ating ibibigay sa ating kapuwa ay walang hangganan, katulad din ng kapatawaran na ibinigay ng Diyos sa atin na walang hanggan. (Lucas 17:3-4).

Balik sa Tagalog Home Page

Papaano ko mapapatawad ang mga taong nagkasala sa akin?