Ano ba ang sinasabi ng Bibliya tungkol sa pag-iisang dibdib ng magka-ibang lahi?

Tanong: "Ano ba ang sinasabi ng Bibliya tungkol sa pag-iisang dibdib ng magka-ibang lahi?"

Sagot: Ang Batas ng Lumang Tipan ay nag-uutos sa mga Israelita na huwag makipag-isang dibdib sa ibang lahi ( Deuteronomio 7: 3-4). Ang dahilan nito ay ang mga Israelita ay maaakay palayo sa Diyos at sila ay maliligaw kung makikipag-isang dibdib sila sa ibang lahi na sumasamba sa mga diyus-diyosan, pagano o sa mga hindi kumikilala sa tunay na Diyos. Isang parehong prinsipyo ang inilagay sa Bagong Tipan, subalit nasa ibang antas: “Huwag kayong makisama sa mga di sumasampalataya. Maari bang magsama ang katuwiran at kalikuan? O kaya’y ang liwanag at kadiliman?” (2 Corinto 6: 14). Kagaya ng mga Israelita (nananampalataya sa nag-iisa at totoong Diyos) na inuutusang huwag makipag-isang dibdib sa mga hindi mananampalataya, ang mga Kristiyano (nananampalataya sa nag-iisa at totoong Diyos) ay inuutusan ring huwag makipag-isang dibdib sa mga hindi mananampalataya. Para sagutin ang katanungang ito, Hindi, hindi sinasabi ng Bibliya na ang pag-aasawa ng magkaibang lahi ay mali.

Ang isang tao ay nararapat lang hatulan sa pamamagitan ng kanyang karakter, at hindi sa pamamagitan ng kulay ng kanyang balat. Hindi tayo dapat magpakita ng kinikilingan o di kaya hatulan ang ibang lahi (Santiago 2: 1-10, tingnan lalo na ang talata 1 at 9). Ang pamantayan ng isang Kristiyano sa pagpili ng kanyang asawa ay dapat palaging alamin kung ang taong iyon ay isang Kristiyano (2 Corinto 6: 14), isang taong isinilang na magmuli dahil sa kanyang pananampalataya kay Kristo (Juan 3: 3-5). Pananampalataya kay Kristo at hindi kulay ng balat ay ang Biblikal na pamantayan sa pagpili ng maaasawa. Ang pag-aasawa ng ibang lahi ay hindi usapin ng tama ba o mali, sa halip karunungan, pagdiskubre sa kalooban ng diyos at panalangin.

Ang tanging dahilan kung bakit kinakailangang ikunsidera ng mabuti ang pag-aasawa ng ibang lahi, ay dahil sa problemang maaaring maranasan ng mag-asawa sapagkat nahihirapan ang iba na tanggapin ito. Maraming mga mag-asawa na mula sa magkaibang lahi ang nakakaranas ng diskriminasyon at pagkutya, kung minsan mula mismo sa kanilang sariling pamilya. Ang ilang mag-asawa naman ay nakakaranas ng problema kung ang kanilang mga anak ay iba ang kulay ng balat kumpara sa kanilang mga magulang o kapatid. Ang mag-asawang mula sa iba’t-ibang lahi ay kailangang ikunsidera ng mabuti ang ganitong mga bagay at maging handa dito, kung magdedesisyon man silang mag-isang dibdib. Muli, bagaman, ang tanging Biblikal na pagbabawal na ibinibigay sa isang Kristiyano pagdating sa pag-aasawa ay kung ang taong napili ay kaanib ba sa katawan ni Kristo.

Balik sa Tagalog Home Page