Bakit ako dapat maniwala sa organisadong relihiyon?

Tanong: "Bakit ako dapat maniwala sa organisadong relihiyon?"

Sagot: Ang diksyunaryo ay nagbibigay ng mga sumusunod na kahulugan ng “relihiyon”- “paniniwala sa Diyos o mga diyus-diyosan upang sambahin, kadalasang ipinapakita sa asal at ritwal; anumang sistematikong paniniwala, pagsamba, at iba pa. kadalasan may kaugnayan sa pamantayan ng asal.” Dahil sa ganitong mga kahulugan, totoong may binanggit ang Bibliya tungkol sa organisadong relihiyon at sa maraming sitwasyon ang layunin at resulta ng tinatawag na organisadong relihiyon ay kung minsan hindi nakalulugod sa Diyos. Nakalista sa ibaba ang ilang mga halimbawa kung saan inilalrawan ang organisadong relihiyon.

Ang Genesis 11: 1-9 marahil ang unang halimbawa ng organisadong relihiyon, Nakapagdesisyon sa kanilang mga sarili ang mga ninuno ni Noa na gagawa sila ng tore sa ilalim ng sistemang paniniwala na kung maipapatayo nila ito ng napakataas sila ay maliligtas. Naniniwala sila na ang kanilang pagtutulungan ay mas importante pa kaysa sa kanilang relasyon sa Diyos. Pumasok ang Diyos sa kanilang plano at nagkaroon sila ng iba’t-ibang lingwahe, na naging dahilan para mabuwag ang naturang relihiyon.

Ang Exodo 6 at ang sumusunod: Nagbigay ng mga pangako ang Diyos kay Abraham tungkol sa espesyal na relasyon sa pagitan ng kanyang mga ninuno at sa Diyos. Gayon man, nakikita natin ang tinatawag nating “organisado” sa panimula ng bansa sa exodo at nagtatrabaho sa kabuuan ng kasaysayan ng mga Israelita. Ang Sampung Utos, Tabernakulo, sistemang sakripisyal at iba pa ay lahat inorganisa ng Diyos upang nararapat sundin ng mga Israelita. Ang pagpapatuloy na pag-aaral sa Bagong Tipan ay naglilinaw na ang kahuli-hulihang layunin ng ganitong relihiyon ay upang gabayan ang mga tagasunod kay Kristo (Galacia 3; Roma 7). Gayon man, marami ang hindi nakaunawa nito at kanilang sinamba ang mga elemento sa halip na sambahin ang totoong Diyos.

Ang mga Hukom at mga sumusunod: Karamihan sa mga gulo na naranasan ng mga Israelita ay may kaugnayan sa organisadong relihiyom. Ang mga halimbawa ay katulad nang: Baal (Hukom 6; 1 Hari 18); Dagon (1 Samuel 5); Molech (2 Hari 23:10). Ginamit ng Diyos ang mga relihiyong ito upang ipakita ang Kanyang kapangyarihan sa pamamagitan ng pagtalo sa mga ito.

Ang mga Ebanghelyo: Inirerepresenta ng mga Paraseo at mga Saduceo ang organisadong relihiyon sa panahon ni Kristo. Paulit-ulit na ipinaalala sa kanila ni Hesus ang tungkol sa kanilang maling mga katuruan at ipokritong pamumuhay. Karamihan sa kanila ay nagbago mula sa ganoong organisadong relihiyon-isa na si Apostol Pablo bilang halimbawa.

Mga Sulat: mayroong mga organisadong grupo na inihahalo ang Ebanghelyo sa ilang mga listahan ng mga kinakailangang Gawain. Pinipilit din nila ang ilang mga mananampalataya na palitan at tanggapin ang ganitong bagong relihiyon. Ang Galacia at Colossas ay nagbibigay ng mga babala tungkol sa ganoong mga grupo.

Pahayag: kahit sa katapusan ng panahon, mayroon pa ring dating sa mundo ang mga organisadong relihiyon dahil ang mga anti-Kristo ay magtatayo ng isang relihiyon na sasakop sa buong mundo.

Sa karamihang mga kaso ang kahuli-hulihang resulta ng organisadong relihiyon ay nakakagulo sa hangarin ng Diyos. Gayon man, may sinasabi naman ang Bibliya tungkol sa mga organisadong Kristiyano (mananampalataya) na parte ng kanyang mga plano. Tinawag Niya itong mga simbahan. Ang paglalarawan na mula sa aklat ng mga Gawa at ang mga Sulat ay nagbibigay ng direksiyon na ang mga simbahan kinakailangang organisado at nagtutulungan sa bawat isa. Ang organisasyon ay nagdadala ng proteksiyon, bunga at pagtulong sa kapwa (Mga Gawa 2:41-47).

Sa ganitong kaso mas mainam na tawagin itong “organisadong relasyon.” Walang planong abutin ang Diyos (Siya ang lumapit sa kanila). Walang pagmamalaki (ang lahat ay tinanggap sa pamamagitan ng Grasya). Dapat walang pag-aagawan sa pamumuno (si Kristo ang ulo o pinuno – Colossas 1: 18). Dapat walang kinikilingan (lahat tayo ay iisa kay Kristo – Galacia 3: 28). Ang pagiging organisado ay hindi problema. Ang pagsunod sa relihiyon ang problema.

Balik sa Tagalog Home Page