Mayroon ba tayong dalawa o tatlong bahagi? Tayo ba ay katawan, kaluluwa, at espiritu o katawan, kaluluwa-espiritu?

Tanong: "Mayroon ba tayong dalawa o tatlong bahagi? Tayo ba ay katawan, kaluluwa, at espiritu o katawan, kaluluwa-espiritu?"

Sagot: Idinedeklara ng aklat ng Genesis 1: 26-27 ang, “Sinabi ng Diyos, "Lalangin natin ang tao sa ating larawan, ayon sa ating wangis; at magkaroon sila ng pamamahala sa mga isda sa dagat, sa mga ibon sa himpapawid, sa mga hayop, sa buong lupa, at sa bawat gumagapang sa ibabaw ng lupa. Kaya't nilalang ng Diyos ang tao ayon sa Kanyang sariling larawan, ayon sa larawan ng Diyos siya nilalang. Sila'y Kanyang nilalang na lalaki at babae.”

Ipinapahiwatig lamang ng mga talatang ito na mayroong maliwanag na pagkaka-iba ang sangkatauhan kumpara sa iba pang mga nilalang ng Diyos. Ang sangkatauhan ay nilalang na mayroong hangaring magkaroon ng relasyon sa Diyos, nilalang tayo ng Diyos na may kapwa mayroong mga materyal at hindi materyal na aspeto. Ang mga materyal na aspeto ay yaong mga nahahawakan: ang pisikal na katawan, bahagi ng katawan, at iba pa. at kinukonsiderang iiral lamang habang ang isang tao ay nabubuhay pa. Ang mga hindi naman materyal na aspeto ay yaong mga hindi nahahawakan: tulad ng kaluluwa, espiritu, katalinuhan, kalooban, konsensiya, at iba pa. ang ganitong mga katangian ay kinokonsiderang umiiral pa rin kahit natapos na ang buhay ng isang tao.

Ang lahat ng tao ay kapwa mayroong materyal at hindi materyal na katangian habang sila ay nabubuhay. Maliwanag na ang sangkatauhan ay may pisikal na katawan, na mayroong laman, dugo, buto, at mga bahagi ng katawan. Gayon man, ang kadalasang pinagdedebatehang katangian ng tao ay ang tungkol sa mga katangiang hindi nahahawakan. Ano ba ang sinasabi ng Bibliya tungkol dito? Sinasabi ng Genesis 2: 7 – na ang tao ay nilalang bilang isang buhay na kaluluwa. Mga Bilang 16: 22 – “Sila'y nagpatirapa, at nagsabi, "O Diyos, na Diyos ng mga espiritu ng lahat ng laman, sa pagkakasala ba ng isang tao ay magagalit ka sa buong kapulungan?"

Ang talatang ito ay pinangalanan ang Diyos bilang Diyos ng mga espiritu na pagmamay-ari ng sangkatauhan. Kawikaan 4: 23 – “Ingatan mo ang iyong puso ng buong sikap; Sapagka't dinadaluyan ng buhay.” Sinasabi ng talatang ito na ang puso ay ang siyang sentro ng kalooban at emosyon. Mga Gawa 23: 1- Sinabi ni Pablo, “Mga kapatid na lalake, ako'y nabuhay sa harapan ng Diyos sa buong kabutihan ng budhi hanggang sa mga araw na ito.” Roma 12: 1- “Kaya nga, mga kapatid, ipinamamanhik ko sa inyo, alang-alang sa mga kahabagan ng Diyos, na inyong iharap ang inyong mga katawan na isang haing buhay, banal, na kaayaaya sa Diyos, na siya ninyong katampatang pagsamba.”

Makikita sa mga talatang ito na mayroong ilang hindi materyal na aspeto ang sangkatauhan, at ang lahat ng tao ay mayroong kapwa materyal at hindi materyal na katangian. Ang mga nabanggit na talata ay iilan lamang sa napakarami pang patunay sa pagkakaroon ng tao ng materyal at hindi materyan na aspeto.

Habang ang karamihan sa mga diskusyon tungkol sa hindi materyal na aspeto ng sangkatauhan ay nakatuon sa kaluluwa at espiritu, nagbabalangkas naman ang Kasulatan ng mas marami pa kaysa doon sa dalawa. Sa ilang banda ang mga aspetong binanggit sa itaas (kaluluwa, espiritu, puso, konsensiya, ay kaisipan) ay magkaka-ugnay o mayroong mga relasyon. Ang kaluluwa at ang espiritu, bagaman, ay ang pangunahing hindi materyal na aspeto ng sangkatauhan. Sila ang maaaring nagtataglay ng iba pang mga aspeto. Dahil dito, ang tao ba ay dichotomous (hinati sa dalawa, katawan/kaluluwa-espiritu), o Trichotomous (hinati sa tatlo, katawan/kaluluwa/espiritu). Napaka-imposibleng maging dogmatic, sapagkat mayroong kapwa mabuting argumento sa dalawang pananaw. Ang importanteng talata ay ang aklat ng Hebreo 4: 12, “Sapagka't ang salita ng Diyos ay buhay, at mabisa, at matalas kay sa alin mang tabak na may dalawang talim, at bumabaon hanggang sa paghihiwalay ng kaluluwa at Espiritu, ng mga kasukasuan at ng utak, at madaling kumilala ng mga pag-iisip at mga haka ng puso.”

Sinasabi sa atin ng Kasulatang ito ang dalawang bagay tungkol sa debateng ito. (1) maaaring hatiin ang kaluluwa at Espiritu. (2) ang paghati sa kaluluwa at espiritu ay isang bagay na tanging ang Salita lang ng Diyos ang nakakaalam. Tayo’y nakakasiguro na bilang mga tao, tayo ay nagtataglay ng katawan, kaluluwa, espiritu at marami pang iba! Gayon man, sa halip na ituon natin ang ating pansin sa ganitong mga aspeto, mas mabuti pang ituon natin ang ating atensiyon sa Diyos, dahil Siya ang may lalang sa atin (Awit 139:14).

Balik sa Tagalog Home Page