Papaanong ang Kapangyarihan ng Diyos at ang kalayaan sa pagpili ng sangkatauhan ay magkasabay na nagtatrabaho para sa kaligtasan?

Tanong: "Papaanong ang Kapangyarihan ng Diyos at ang kalayaan sa pagpili ng sangkatauhan ay magkasabay na nagtatrabaho para sa kaligtasan?"

Sagot: Napaka-imposible para sa atin upang lubos na maunawaan ang relasyon ng Kapangyarihan ng Diyos at ang kalayaan sa pagpili ng sangkatauhan. Tanging ang Diyos lamang ang nakakaunawa at nakakaalam kung papaano magkasabay na nagtatrabaho ang dalawang iyon.

Malinaw na isinasaad sa Bibliya na alam ng Diyos kung sino ang maliligtas (Roma 8: 29; 1 Pedro 1:2). Sinasabi sa atin ng Efeso 1: 4 na pinili tayo ng Diyos “bago pa man nilalang ang mundo.” Paulit-ulit na inilarawan ng Bibliya ang mga mananampalataya bilang mga “pinili” (Roma 8:33; 11:5; Efeso 1:11; Colosas 3:12; 1 Tesalonica 1:4; 1 Pedro 1:2; 2:9) ang mga “pinili” (Mateo 24:22, 31; Marcos 13:20, 27; Roma 11:7; 1 Timoteo 5:21; 2 Timoteo 2:10; Tito 1:1; 1 Pedro 1:1). Ang katotohanang ang mga mananampalataya ay pinili na noon pa man (Roma 8:29-30; Efeso 1:5, 11) at napili (Roma 9:11; 11:28; 2 Pedro 1:10) dahil ang kaligtasan ay napakalinaw.

Sinasabi din ng Bibliya na mayroon tayong kalayaang pumili – ang tanging gagawin na lang natin ay manampalataya kay Hesu Kristo at tayo ay maliligtas (Juan 3:16; Roma 10:9-10). Alam ng Diyos kung sino ang maliligtas, pinipili ng Diyos kung sino ang maliligtas, at dapat nating piliin si Kristo upang tayo ay maligtas. Kung papaano ang tatlong katotohanang ito ay magkasabay na nagtatrabaho ay napaka-imposibleng maunawaan ng limitado nating kaisipan (Roma 11:33-36). Ang ating responsibilidad ay ipalaganap ang Ebanghelyo sa buong mundo (Mateo 28:18-20; Mga Gawa 1:8). Hayaan na natin sa Diyos ang kaalaman sa pagpili, at “predestination” at maging tapat na lang tayong tagapagpalaganap ng Ebanghelyo.

Balik sa Tagalog Home Page

Papaanong ang Kapangyarihan ng Diyos at ang kalayaan sa pagpili ng sangkatauhan ay magkasabay na nagtatrabaho para sa kaligtasan?