Ano ba ang Kahariang Mellennial, dapat bang unawain ito ng literal?

Tanong: "Ano ba ang Kahariang Mellennial, dapat bang unawain ito ng literal?"

Sagot: Ang Kahariang Mellennial ay ang titulong ibinigay sa isan-libong taong paghahari ni Hesu Kristo sa mundo. Ang ilan ay nagsasabing ang nais ipakahulugan ng isan-libong taon ay hindi talaga literal na isan-libong taon, sa halip ayon pa sa kanila ito’y isang makahulugang paglalarawan lamang ng “napakahabang yugto ng panahon.” Ito’y nagreresulta sa ilang taong hindi umaasang literal na mumuno ng pisikal si Hesu Kristo sa mundo. Gayon man, anim na beses sa aklat ng Pahayag 20:2-7, ang kahariang millennial ay partikular na tinukoy na may habang isan-libong taon. Kung ang nais ng Diyos na ipahiwatig ay “napakahabang yugto ng panahon,” madali niyang magagawa o masasabi ito at hindi na kailanganang banggitin pa ng ilang beses ang eksaktong panahon.

Sinasabi sa atin ng Bibliya na sa panahong babalik si Kristo sa mundo iluluklok Niya ang Kanyang sarili bilang Hari ng Jerusalem, nakaupo sa trono ni David (Lucas 1:32-33). Ang walang kondisyong mga kasunduan ay nangangailangan ng literal, pisikal na pagbabalik ni Kristo para itatag ang Kaharian. Ang Kasundiang Abrahamic ay nangangakong bibigyan ang Israel ng lupain, susunod na henerasyon at isang pinuno, at espiritwal na pagpapala (Genesis 12:1-3). Ang kasunduang Palestinian ay nangangako ng pagsasauli ng lupain (Deuteronomio 30:1-10). Ang kasunduang Davidic naman ay nangangako ng kapatawaran sa Israel-ang paraan na kung saan ang isang bansa ay mapagpala (Jeremias 31:31-34).

Sa muling pagparito ni Kristo, ang lahat ng mga kasunduang ito ay matutupad habang ang Israel ay magtitipong muli mula sa ibang mga bansa (Mateo 24:31), magbabagong loob (Zacarias 12:10-14), at maibabalik muli sa lupaing nasa ilalim ng pamumuno ng Tagapagligtas na si Hesu Kristo. Binanggit ng Bibliya ang kondisyon sa panahon ng Millenium bilang isang perpekto, pisikal man o espiritwal. Ito’y panahon ng kapayapaan (Mikas 4:2-4; Isaias 32:17-18); kaligayahan (Isaias 61:7,10); kaginhawaan (Isaias 40:1-2); at walang kahirapan (Amos 9:13-15) o karamdaman (Joel 2:28-29). Sinasabi rin sa atin ng Bibliya na tanging ang mga mananampalataya lamang ang siyang makakapasok sa Kahariang Millennial. Dahil dito, ito ay panahon ng kompletong kabanalan (Mateo 25:37; Awit 24:3-4); pagsunod sa Diyos (Jeremias 31:33); pagiging banal (Isaias 35:8); katotohanan (Isaias 65:16); at kabuuan ng ng banal na Espiritu (Joel 2:28-29). Si Kristo ay mamumuno bilang Hari (Isaias 9:3-7; 11:1-10), kasama si David (Jeremias 33:15,17,21; Amos 9:11). Mamumuno rin ang mga maharlika at mga gobernador (Isaias 32:1; Mateo 19:28). Ang Jerusalem ang siyang magiging politikal na sentro ng mundo (Zacarias 8:3).

Binibigay lamang ng aklat ng Pahayag 20:2-7 ang eksaktong kapanahunan ng Kahariang Millennial. Kahit wala ang ganitong mga Kasulatan, mayroon pa ring hindi mabilang na iba pang magtuturo sa literal na pamumuno ng Tagapagligtas sa mundo. Ang katuparan ng maraming mga kasunduan ng Diyos at mga pangako ay nakasalalay sa isang literal, pisikal, at darating pang Kaharian. Walang matibay na basehan upang balewalain ang literal na pagkaunawa sa kahariang Millennial at ang tagal nito na isan-libong taon.

Balik sa Tagalog Home Page