Ano ba ang sinasabi ng Bibliya tungkol sa mga dinosaur? Mayroon bang dinosaur sa Bibliya?

Tanong: "Ano ba ang sinasabi ng Bibliya tungkol sa mga dinosaur? Mayroon bang dinosaur sa Bibliya?"

Sagot: Ang paksang tungkol sa mga dinosaur sa Bibliya ay parte ng nagpapatuloy na debate sa loob ng kumunidad ng mga Kristiyano, tungkol sa kung ano na ba ang edad ng mundo, ang tamang interpretasyon ng aklat ng Genesis, at kung paano ipaliwanag ang mga pisikal na ebidensiya na nakapalibot sa atin. Ang yaong mga naniniwala sa matandang edad ng mundo ay tila sumasang-ayon na hindi binabanggit ng Bibliya ang tungkol sa mga dinosaur, dahil ayon sa kanilang paniniwala namatay na ang mga dinosaur milyong taon na ang nakalipas bago pa man lumakad ang unang tao sa mundo. Ang mga taong sumulat ng Bibliya ay maaring hindi nakakita ng mga buhay na dinosaur.

Ang yaong mga naniniwala sa batang edad ng mundo ay tila sumasang-ayon na ang Bibliya ay hindi bumanggit ng salitang dinosaur, bagaman hindi nito ginamit ang salitang “dinosaur.” Sa halip, ginamit nito ang salitang Hebreo na Tanniyn. Ang salitang Tanniyn ay isinalin sa ilang paraan sa ating mga Bibliya na nakasulat sa wikang ingles; kung minsan ito ay tinawag na “Halimaw sa dagat,’’ kung minsan din ay “Ahas.” Pangkaraniwan din itong isinasalin sa salitang “Dragon.” lumilitaw na ang Tanniyn ay isang higante o dambuhalang reptilya. Ang ganitong mga nilikha ay binanggit ng halos tatlumpung beses sa Lumang Tipan at kapwa matatagpuan sa lupa man o sa tubig.

Bilang karagdagan na ang ganitong mga higanteng hayop o reptilya ay binanggit ng halos tatlumpung beses sa Lumang Tipan, isinalarawan ng Bibliya ang dalawang nilikha sa paraang ang ilan sa mga iskolar ay naniwalang ang sumulat ay maaaring inilalarawan ang mga dinosaur. Ang Behemot ang sinasabing pinakamalakas na hayop na nilikha ng Diyos, isang higante na ang buntot ay inihahalintulad sa puno ng sedro (Job 40: 15). Tinangka ng ilang mga iskolar na kilalanin ang behemot, at sinabing ang behemot ay maaaring alin man sa elepante o hippopotamus. Ipinagdidiinan din ng ilan na ang mga elepante at hippopotamus ay mayroong minipis na buntot, at malayo kung ikukumpara sa puno ng sedra. Ang mga dinosaur na kagaya ng Brachiosaurus at Diplodocus sa ibang banda ay may malalaking buntot na madaling maikumpara sa puno ng sedra.

Halos lahat ng mga sina-unang sibilisasyon ay mayroong sining na naglalarawan sa isang higante o dambuhalang nilikha. Ang mga Petroglyphs o sina-unang kagamitan, kahit na ang mga bagay na gawa sa putik na natagpuan sa hilagang Amerika ay kawangis ng mga makabagong larawan ng mga dinasaur. Ang mga nililok na bato sa Timog Amerika ay nagpapakita ng mga tao na sumasakay sa mga nilikhang kahalintulad ng Diplodocus at nakagugulat, dahil nagdadala ito ng pamilyar na larawan ng mga nilikhang Triceratops, Pterodactyl at Tyrannosaurus Rex. Ang mga disenyo at larawang mosaic ng mga Romano, ang mga paso ng mga Mayan at ang pader ng lungsod ng Babilonia ay lahat nagpapatotoo sa pagkamangha at pagka-akit ng mga tao sa ganitong mga nilikha. Sa ngayong panahon mayroong mga nagsasabing nakakita sila ng ganitong uri ng mga hayop subalit nakagawian nang tinatrato ito ng matinding pagdududa.

Bilang karagdagan sa mga importante at totoong bilang ng mga historikal na ebidensiya sa kapwa pagkabuhay ng mga dinosaur at tao, mayroon ding iba pang ebidensiyang pisikal, katulad ng naimbak na yapak ng tao at dinosaur na kapwa natagpuan sa mga lugar ng hilagang Amerika at kanluran-Gitnang Asya.

Mayroon bang mga dinosaur sa Bibliya? Ang nasabing bagay ay malayo pang malutas. Nakadepende ito kung papaano mo iinterpreta ang mga makukuha mong mga ebidensiya at kung papaano mo tinitingnan ang mundong nakapalibot sa iyo. Dito sa gotquestions.org naniniwala kami sa interpretasyon ng batang mundo at tinatanggap na ang mga dinosaur at ang mga tao ay magkasabay na nabuhay sa mundo. Naniniwala kami na ang mga dinosaur ay namatay matapos ang pagbaha dahil sa kombinasyon ng ilang mga pagpapalit-palit ng paligid at dahil na rin sa katotohanang sila ay walang habas na pinatay ng mga tao hanggang sa maubos.

Balik sa Tagalog Home Page