Ano ba ang sinasabi ng Bibliya tungkol sa diborsiyo at pag-aasawang-muli?

Tanong: "Ano ba ang sinasabi ng Bibliya tungkol sa diborsiyo at pag-aasawang-muli?"

Sagot: Una sa lahat, kahit ano pa man ang pananaw ng isang tao sa isyu ng diborsiyo napakaimportante na maalala ang salita ng Bibliya na mula sa aklat ng Malakias 2: 16a “Nasusuklam Ako sa naghihiwalay, sabi ni Yahweh ang Diyos ng Israel.” Ayon sa Bibliya, ang plano ng Diyos sa pag-aasawa ay buong buhay na pagsasama. “Kaya’t hindi na sila dalawa, ang pinagsama ng Diyos ay huwag paghiwalayin ng tao” (Mateo 19:6). Nauunawaan ng Diyos na dahil ang pag-aasawa ay sa pagitan ng dalawang makasalanang tao, ang diborsiyo ay maaring mangyari. Sa Lumang Tipan, inilatag ng Diyos ang ilang batas upang maprotektahan ang karapatan ng mga taong sumailalim sa diborsiyo, lalong-lalo na ang mga kababaihan (Deuteronomio 24: 1-4). Binigyang-diin ni Hesus na ang naturang mga batas ay ibinigay dahil sa katigasan ng puso ng mga tao, at hindi dahil sa ito ang kagustuhan ng Diyos (Mateo 19: 8).

Ang Kontrobersiya sa kung ang diborsiyo at pag-aasawang-muli ay pinapayagan sa Bibliya ay umiikot sa salita ni Hesus sa aklat ng Mateo 5: 32 at 19: 9. ang talatang “maliban lamang sa pangangalunya” ay ang tanging bagay sa Kasulatan na posibleng binibigay ang pahintulot ng Diyos sa diborsiyo at pag-aasawang-muli. Marami ang nakakaunawa sa nasabing “malibang talata” na tumutukoy sa “pangangalunya” sa panahon pa lamang ng kasunduang magpakasal. Sa ugaling hudyo, ang babae at lalaki ay kinokunsidera nang mag-asawa kahit na sila ay nagkasundo pa lamang na magpakasal. Ang Imoralidad lamang sa panahon ng may “kasunduang magpakasal” ang siyang maaring maging sapat na dahilan para sa diborsiyo. Gayon man, isinalin ng griyegong salita ang “pangangalunya” bilang salita na maaring mangahulugan ng ano mang uri ng sekswal na imoralidad. Maaari itong mangahulugan ng pakikiapid, prostitusyon at iba pa. Posibleng sinasabi ni Hesus na pinapayagan ang diborsyo kung nangyari ang sekswal na imoralidad. Ang relasyong sekswal ay ang kabuuan at importanteng parte ng pag-aasawa “ Ang dalawa ay magiging isa” (Genesis 2: 24; Mateo 19: 5; Efeso 5: 31). Samakatuwid, ang pagsuway o pagbasag sa nasabing parte sa pamamagitan ng pagkaroon ng relasyong sekswal na labas sa kasal ay maaring sapat na dahilan para sa diborsiyo. Nasa isip rin ni Hesus ang isyung pag-aasawa muli sa talatang ito. Ang talatang “at mag-asawa ng iba” (Mateo 19:9) ay nagpapakitang ang diborsiyo at pag-aasawang-muli ay pinapayagan kung nakapailalim ito sa “malibang talata”. Napaka-importanteng itala na tanging ang inosenteng panig lamang ang pinapayagang mag-asawa ng mag-muli. Kahit na hindi ito isinaad sa teksto, ang pahintulot para makapag-asawang muli matapos ang diborsiyo ay dahil sa habag ng Diyos sa taong nagawan ng kasalanan, at hindi sa taong gumawa ng kasalanan sa pamamagitan ng sekswal na imoralidad. Maaaring mayroong mga pagkakataong ang nagkasalang panig ay pinapayagang mag-asawa ng magmuli – subalit ang nasabing konsepto ay hindi itinuturo sa tekstong ito. Nauunawaan ng iba na ang 1 Corinto 7: 15 ay isa pang “eksepsiyon,” na pumapayag na makapag-asawa ng magmuli, kung ang hindi mananampalatayang asawa (lalaki) ay hiniwalayan ang kanyang mananampalatayang asawa (babae). Gayon man, ang nasabing konteksto ay hindi bumanggit ng pag-aasawa ng magmuli, sa halip ito’y nagsasabi lamang na ang isang mananampalataya ay hindi na obligadong ipagpatuloy pa ang kanilang pagiging mag-asawa kung gusto nang umalis ang kanyang hindi mananampalatayang asawa. Sinasabi rin ng iba na ang pang-aabuso (sa asawa man o sa anak) ay isang sapat na dahilan para sa diborsiyo kahit na hindi ito nakalista sa Bibliya. Maaring ganito ang kaso, subalit hindi pa rin kailanman matalinong hakbang ang ipalagay ang salita ng Diyos. Kung minsan ang katotohanan ano man ang ibig sabihin ng “pangangalunya”, ito ay sapat nang dahilan para sa diborsiyo, at hindi pangangailangan para sa diborsiyo. Kahit na ang isang pakikiapid ay nagawa, maaari pa ring matutong magpatawad ang mag-asawa sa pamamagitan ng grasya ng Diyos at muling simulan ang pagtatayo ng kanilang buhay bilang mag-asawa.

Tayo ay pinatawad ng Diyos. Maari nating sundin ang halimbawa ng Diyos at patawarin ang kasalanan na pakikiapid (Efeso 4: 32). Gayon man, sa maraming pagkakataon, hindi nagsisisi ang asawa at patuloy na isinasagawa ang kanyang sekswal na imoralidad. Sa ganoong pagkakataon maaaring magamit ang sinasabi ng aklat ng Mateo 19: 9. Marami din ang nagnanais mag-asawa ng magmuli matapos ang diborsiyo at hindi na nila tinitingnan na maaaring ang kagustuhan ng Diyos sa kanila ay manatiling walang-asawa. Kung minsan tinatawag ng Diyos ang isang tao na manatiling walang-asawa upang hindi mahati ang kanyang atensiyon (1 Corinto 7: 32-35). Ang pag-aasawang-muli matapos ang diborsiyo ay maaring isang opsyon sa ilang pagkakataon, subalit hindi ibig sabihin na iyon na lang ang tanging opsyon.

Balik sa Tagalog Home Page