Ano ba ang sinasabi ng Bibliya tungkol sa mga demonyo?

Tanong: "Ano ba ang sinasabi ng Bibliya tungkol sa mga demonyo?"

Sagot: Ang Pahayag 12: 9 ang pinakamalinaw na Kasulatan tungkol sa katauhan ng mga demonyo, “Itinapon ang dambuhalang dragon---ang matandang ahas na ang pangala'y Diyablo o Satanas, na dumaya sa buong sanlibutan. Itinapon siya sa lupa, pati ang kanyang mga kampon.” Ipinapahiwatig ng Bibliya na ang mga demonyo ay ang mga nahulog na mga anghel-ang mga anghel na nagrebelde sa Diyos kasama ni satanas. Ang pagkahulog ni satanas mula sa langit ay inilarawan sa aklat ng Isaias 14: 12-15 at sa Ezekiel 28: 12-15. Tila ipinapahiwatig rin ng Pahayag 12: 4 na dinala ni satanas ang halos 1/3 ng mga anghel noong siya ay nagkasala. Binanggit rin sa aklat ng Judas talata 6 ang mga anghel na nagkasala. Dahil dito, maaring mangyari na ang mga demonyo ay mga anghel na sumunod kay satanas sa paggawa ng kasalanan laban sa Diyos.

Layunin ngayon ni Satanas at ng kanyang mga demonyo na hanapin, sirain at lokohin ang lahat ng mga sumusunod at sumasamba sa Diyos (1 Pedro 5:8; 2 Corinto 11:14-15). Inilarawan ang mga demonyo bilang mga masamang mga espiritu (Mateo 10:1), maruming mga espiritu (Marcos 1:27), at mga anghel ni satanas (Pahayag 12:9). Niloloko ni satanas at ng kanyang mga demonyo ang mundo (2 Corinto 4:4), inaatake ang mga Kristiyano (2 Corinto 12:7; 1 Pedro 5:8), at nilalabanan ang mga Banal na mga Anghel (Pahayag 12:4-9). Ang mga demonyo ay may espiritwal na katauhan, subalit maaari silang magpakita sa pisikal na katauhan (2 Corinto 11:14-15). Ang mga demonyo ay kalaban ng Diyos-subalit sila ay mga natalo nang kalaban. “sapagkat ang Espiritung nasa inyo ay makapangyarihan kaysa espiritung nasa mga makasanlibutan” (1 Juan 4:4).

Balik sa Tagalog Home Page