Ano ba ang pagbautismo ng Banal na Espiritu?

Tanong: "Ano ba ang pagbautismo ng Banal na Espiritu?"

Sagot: Ang pagbautismo ng Banal na Espiritu ay maaaring mailarawan bilang trabaho na kung saan ang Espiritu ng Diyos ay inilalagay ang isang mananampalataya sa pagkakaisa kay Kristo at sa pagkakaisa sa iba pang mga mananampalataya sa sandaling siya ay naligtas. Ang 1 Corinto 12: 12-13 at ang Roma 6: 1-4 ay ang mga sentrong talata sa Bibliya na kung saan matatagpuan natin ang ganitong doktrina. Sinasabi ng 1 Corinto 12: 13, “Ito ay sapagkat sa pamamagitan ng iisang Espiritu, tayo rin ngang lahat ay binautismuhan sa iisang katawan kahit tayo ay Judio o Griyego, alipin o malaya. At tayo rin ay pinainom sa iisang Espiritu.” Sinasabi naman ng Roma 6: 1-4, “Ano ngayon ang sasabihin natin? Magpapatuloy ba tayo sa kasalanan upang ang biyaya ay sumagana. Huwag nawang mangyari. Papaano nga na tayong mga namatay sa kasalanan ay patuloy na mamumuhay pa roon? Hindi ba ninyo nalalaman na tayong mga nabautismuhan kay Kristo Hesus ay nabautismuhan sa Kaniyang kamatayan? Kaya nga, tayo ay inilibing na kasama Niya sa pamamagitan ng bautismo sa kamatayan. Sa pamamagitan ng kaluwalhatian ng Ama, si Kristo ay ibinangon mula sa mga patay. Sa gayunding paraan dapat tayong lumakad sa panibagong buhay.” kahit na hindi direktang binanggit ng Roma 6 ang Espiritu ng Diyos, inilalarawan naman nito ang katayuan ng mga mananampalataya sa Diyos at ipinapakita naman sa atin ng 1 Corinto 12 kung papaano ito nangyari.

Tatlong katotohanan ang kinakailangang tingnan upang mas lalo pang tumatag ang ating pagkaunawa sa pagbautismo ng Espiritu. Una, maliwanag na sinasabi ng 1 Corinto 12: 13 na ang lahat ay nabautismuhan kagaya lang ang lahat ay uminom (Ang pananahan ng Espiritu). Pangalawa, hindi makikita sa Bibliya na hinihikayat ang mga mananampalataya na mabautismuhan kalukob/sa/sa siping ng Banal na Espiritu. Ito’y nagpapakita na ang lahat ng mga mananampalataya ay pinagdaanan na ang ganitong ministeryo. Panghuli, tila ang tinutukoy ng Efeso 4: 5 ay tungkol sa Pagbautismo ng Espiritu. Kung ganito ang kaso, ang pagbautismo ng Espiritu ay isang katotohanan para sa mga mananampalataya, kagaya na lang ng “isang pananampalataya” at ng “isang Ama”.

Bilang pagtatapos, ang pagbautismo ng Banal na Espiritu ay may ginagawang dalawang bagay, (1) inaanib tayo sa Katawan ni Kristo o sa katawan ng mga mananampalataya, at (2) nagiging tunay ang pagkakapako natin sa krus kasama ni Kristo. Bilang kasama ng Kanyang katawan ito’y nangangahulugang tayo’y nabuhay na magmuli sa panibagong buhay (Roma 6: 4). Dapat nating gamitin ang ating mga erpiritwal na regalo upang mapanatili nating gumagana ng maayos ang ating mga katawan kagaya ng sinasabi sa konstekto ng 1 Corinto 12: 13. Ang pagkakaranas ng pagbautismo ng Espiritu ay nagsisilbing batayan sa pagpapanatili ng katawan ng mga mananampalataya, na isinasaad sa konteksto ng Efeso 4: 5. Ang pagkakasama kay Kristo sa Kanyang pagkamatay, paglibing, at muling pagkabuhay sa pamamagitan ng pagbautismo ng Espiritu ay nagpapatunay sa batayan ng ating pagkakahiwalay kapangyarihan ng kasalanan tungo sa ating paglakad sa panibagong buhay (Roma 6:1-10, Colossas 2:12).

Balik sa Tagalog Home Page