Nararapat bang magsilbi bilang pastor/magbigay ng sermon ang babae?

Tanong: "Nararapat bang magsilbi bilang pastor/magbigay ng sermon ang babae?"

Sagot: Wala na sigurong mas hihigit pa sa mga pinagdedebatihang isyu sa simbahan kaysa sa isyu ng mga babae na nagsisilbi bilang pastor o nagbibigay ng sermon. bilang resulta, napaka-importante na huwag tingnan ang isyung ito na lalaki kontra sa babae. Mayroong mga babae na naniniwalang hindi dapat magsilbi bilang pastor ang mga babae at nagbibigay ng pagtatakda ang Bibliya hinggil sa ministeryo ng mga babae - at mayroon namang mga lalaki na naniniwala na pwedeng magbigay ng sermon ang mga babae at walang pagtatakda para sa mga babae sa ministeryo. Hindi ito isyu ng diskriminasyon. ito'y isyu ng Biblikal na interpretasyon. Sinasabi ng 1 Timoteo 2: 11-12, "Ang babae'y kailangang tumahimik sa panahon ng pag-aaral at lubos na pasakop. Hindi ko pinapayagang ang babae ay magturo o mamahala sa mga lalaki; kailangang tumahimik siya." Sa simbahan, itinalaga ng Diyos ang mga babae at lalaki sa iba't-ibang bahaging gagampanan. Sa ganitong paraan nilalang ng Diyos ang sangkatauhan (1 Timoteo 2:13) at sa ganitong paraan rin pumasok ang kasalanan sa sanlibutan (2 Timoteo 2:14).

Ang Diyos, sa pamamagitan ng mga sulat ni Pablo, ay pinagbawalan ang mga kababaihan na gampanan ang pagtuturong espiritwal na higit pa sa mga kalalakihan. ito'y hindi naglalakip sa mga kababaihan na magsilbi bilang pastor, kalakip na rito ang pagbibigay ng sermon, pagtuturo at pagkakaroon ng mas malaking espiritwal na otoridad sa mga lalaki. Marami ang mga tumututol sa ganitong pananaw sa mga babaeng pastor o mga babaeng nasa ministeryo. Ang isa sa pinaka-pangkaraniwan nito ay ang itinuturo ni Pablo na nagbabawal sa mga babae na magturo dahil noong unang siglo, pangkaraniwan nang walang mga pinag-aralan ang mga kababaihan. Gayon man, hindi sinasabi sa 1 Timoteo 2: 11-14 ang antas ng edukasyon. Kung ang edukasyon ang kwalipikasyon ng ministeryo, karamihan sa mga disupulo ni Hesus ay hindi magiging kwalipikado. Ang pangalawa sa pangkaraniwang pagtutol ay ang pinagbawalan lamang ni Pablo na magturo ay ang mga babae na nagmula sa Efeso( Ang 1 Timoteo ay isinulat para kay Timoteo, na isang pastor sa simbahan ng Efesus).

Ang lungsod ng Efesus ay nakilala dahil sa templo ni Artemis, isang bulaang babaeng diyus-diyosan ng mga griyego. Ang mga babae ang may otoridad sa pagsamba kay Artemis. Gayon man, hindi binanggit sa aklat ng 1 Timoteo o maging si Pablo ay hindi sinabing ang pagsamba kay Artemis ang dahilan kung bakit may pagbabawal sa aklat ng 1 Timoteo 2: 11-12. Ang pangatlong pangakaraniwang pagtutol ay ang tinutukoy lamang ni Pablo ay ang mga mag-asawang lalaki at babae, at hindi ang pangkalahatang babae at lalaki. Ang Griyegong salita sa 1 Timoteo 2: 11-14 ay maaring tumukoy sa mag-asawang babae at lalaki. Gayon man, ang payak na kahulugan ng mga salita ay babae at lalaki.

Sa pagpapatuloy, ang parehong griyegong salita ay ginamit rin sa talata 8-10. Ang mga asawang lalaki lang ba sa lahat ng dako ang manalanging may malinis na kalooban, walang hinanakit o galit sa kapwa (Talata 8)? Ang mga babaeng asawa lang ba ang dapat maging mahinhin, maayos at maingat sa pananamit at ayos ang buhok. Ang pinakahiyas nila ay hindi ang mga palamuting ginto, perlas o mamahaling damit, kundi ang mga mabubuting gawang nararapat sa mga sumasampalataya sa Diyos (Talata 9-10)? Ang talata mula walo hanggang sampu ay malinaw na tumutukoy sa babae at lalaki sa pangkalahatan, at hndi lamang sa mag-asawang babae at lalaki. Hindi makikita sa konteksto na may paglilipat tungo sa mag-asawang babae at lalaki sa mga talatang 11-14. Sa kabila noon, mayroon pang madalas na pagtutol sa ganitong interpretasyon sa mga babaeng pastor o nagbibigay ng sermon kaugnay nina Miriam, Deborah, Huldah, Priscilla, Phoebe at iba pa. – mga babaeng nagkaroon ng tagapangunang posisyon sa Bibliya. Nabigo ang pagtutol na pag-ukulan ng pansin ang ilang importanteng mga aspeto. Kaugnay kay Deborah, siya ay nag-iisang babae sa labintatlong mga lalaking hukom. Tungkol naman kay Huldah, siya ay nag-iisang babaeng propeta sa ilang dosenang mga lalaking propeta na binanggit sa Bibliya. Ang tanging koneksiyon lamang ni Miriam sa pamumuno ay dahil siya ay kapatid na babae ni Moises at Aaron. Ang dalawang pinaka-kilalang mga babae sa panahon ng mga hari ay sina Athaliah at Jezebel – subalit mahirap sila maging halimbawa ng namumunong mga babae na maka-Diyos.

Sa aklat ng Mga Gawa, kabanata 18, ipinakilala sina Priscilla at Aquila na mga matapat na ministro ni Kristo. Ang pangalan ni Priscilla ay nabanggit ng una, marahil nagpapakitang siya ay mas kilala sa ministeryo kumpara sa kanyang asawa (lalaki). Gayon man, hindi isinalarawan saan man si Priscilla na lumalahok sa mga aktibidad sa ministeryo na sumasalungat sa 1 Timoteo 2: 11-14. Dinala ni Priscilla at Aquila si Apollos sa kanilang tahanan at kapwa nila ipinaliwanag ang Salita ng Diyos sa kanya ng wastong-wasto (Mga Gawa 18: 26). Sa aklat ng Roma 16:1, noon pa man kinokonsidera nang diakonesa si Phoebe sa halip na utusan o alila – hindi ito nagpapakitang si Phoebe ay isang guro sa simbahan. “May kakayahang magturo” ay ibinibigay bilang kwalipikasyon sa mga mas nakakatanda, pero hindi sa mga diakonesa (1 Timoteo 3: 1-13; Titus 1: 6-9).

Nakatatanda/ obispo/ at mga diakono sa simbahan ay inilalarawan bilang “Asawang lalaki ng nag-iisang babae,” “Isang taong pinaniniwalaan ng mga bata,” at “lalaking karapat-dapat respetuhin.” Bilang karagdagan, sa 1 Timoteo 3: 1-13 at Titus 1: 6-9, ang panlalaking panghalip ay tanging ginagamit lamang kung ang tinutukoy ay ang mga nakatatanda/obispo/diakono. Ginawa ng 1 Timoteo 2: 11-14 ang “rason” na ganap na malinaw. Nagsisimula ang ang talata 13 sa “dahil sa” at binigay ang “sanhi” ng sinabi ni Pablo sa talata 11-12. bakit ang babae ay hindi dapat magturo o magkaroon ng otoridad na higit pa sa mga lalaki? Sapagkat – “Si Adan muna ang nilalang, bago si Eba. Hindi si Adan kundi si Eba ang nadaya at sumuway. Yan ang dahilan. Nilalang ng Diyos si Adan at pagkatapos si Eba para maging katuwang ni Adan. Ang ganitong kaayusan ng paglalang ay mayroong pandaigdigang aplikasyon sa sangkatauhan sa pamilya (Efeso 5: 22-33) at sa simbahan.

Ang katotohanang nadaya si Eba ay isa ring binibigay na rason para ang mga babae ay hindi dapat magsilbing pastor o magkaroon ng espiritwal na otoridad na mas higit pa sa mga lalaki. Ito’y nagdadala sa iba na maniwala na hindi dapat magturo ang mga babae sapagkat mas madali silang madaya. Ang naturang konsepto ay mapagdidiskusyunan…Kung ang mga babae ay mas madaling madaya, bakit pinapayagan silang magturo ng mga bata (na madaling malinlang) at iba pang mga kababaihan (na ipalagay nating mas madaling malinlang)? Hindi yan ang sinasabi ng teksto. Ang mga babae ay hindi dapat magturo o magkaroon ng espiritwal na otoridad na higit pa sa mga lalaki dahil si Eba ay nalinlang, Bilang resulta, binigay ng Diyos sa mga lalaki ang otoridad na magturo sa mga simbahan. Nangunguna ang mga babae kung ang pag-uusapan ay ang pagtanggap ng malugod sa kapwa, pagkahabag, pagtuturo at pagbibigay ng tulong. Karamihan sa mga ministeryo ng simbahan ay umaasa sa mga kababaihan.

Ang mga babae sa mga simbahan ay hindi pinagbabawalang manalangin sa harap ng publiko o magbigay ng propesiya (1 Corinto 11: 5), sa halip tanging ang pagkakaroon lamang ng espiritwal na otoridad sa pagtuturo na mas higit pa sa mga lalaki ang hindi pinapayagan. Hindi makikita sa Bibliya na pinagbabawalan ang mga babae na gamitin ang mga regalo ng Banal na Espiritu (1 Corinto Kabanata 12). Ang mga babae, kagaya lang din ng mga lalaki, ay tinawag para ministeryohan ang kapwa, ipakita ang bunga ng banal na Espiritu (Galacia 5: 22-23), at ihayag ang Ebanghelyo sa mga nawawala (Mateo 28: 18-20; Mga Gawa 1: 8; 1 Pedro 3: 15). Tanging ang mga lalaki lamang ang inordenahan ng Diyos upang magsilbi bilang may espiritwal na otoridad sa pagtuturo sa simbahan.

Hindi ito dahil sa ang mga lalaki ay mas magaling na guro, o dahil ang mga babae ay mas mababa ang uri o marupok at hindi matalino (hindi naman ganito ang kaso). Ito ang disenyo ng Diyos sa simbahan. Ang mga lalaki ang dapat magpakita ng halimbawa sa pamumunong espiritwal – sa kanilang mga buhay at mga salita. Ang mga kababaihan naman kukuha ng mas mababang tungkulin. Hinihikayat ang mga babae na turuan ang ibang mga kababaihan (Titus 2: 3-5). Hindi rin pinagbabawalan ng Bibliya na magturo ang mga kababaihan sa mga bata. Ang tanging aktibidad na ipinagbabawal sa mga kababaihan ay ang pagtuturo o pagkakaroon ng mas mataas pa na espiritwal na otoridad kaysa sa mga kalalakihan. Ito’y lohikal na naglalakip sa mga babae na nagsisilbi bilang mga pastor at nagbibigay ng sermon. Hindi nito ginagawa ang mga babae na hindi importante, sa lahat ng pagkakataon, sa halip binibigyan sila ng pagkakataon na mapagtuonan ang ministeryo ayon sa biyayang ipinagkaloob ng Diyos sa kanila.

Balik sa Tagalog Home Page