Ang mga alagang hayop ba ay mapupunta sa Langit? Mayroon bang kaluluwa ang mga alagang hayop?

Tanong: "Ang mga alagang hayop ba ay mapupunta sa Langit? Mayroon bang kaluluwa ang mga alagang hayop?"

Sagot: Hindi nagbibigay ng partikular na pagtuturo ang Bibliya tungkol sa kung ang mga alagang hayop ay mayroong “Kaluluwa” o kung mapupunta ba sila sa langit. Gayon man, pwede nating kunin ang ilang pangkalahatang prinsipyo ng Bibliya at bigyan ng konting linaw ang nasabing paksa. Sinasabi ng Bibliya na ang tao (Genesis 2:7) at hayop (Genesis 1:30; 6:17; 7:15, 22) ay mayroong hininga ng buhay. Ang pangunahing pagkakaiba lang ng tao sa hayop ay, ang tao ay nilalang ng naaayon sa larawan o imahe ng Diyos (Genesis 1:26-27). Ang hayop naman ay hindi nilalang na naaayon sa imahe o larawan ng Diyos. Dahil ang tao ay nilalang ng Diyos na naayon sa Kanyang larawan o imahe, ibig sabihin nito ay ang tao ay katulad ng Diyos, may kakayahang magkaroon ng buhay espiritwal, may pag-iisip, damdamin, at kalooban at may aspeto ng pagkatao na magpapatuloy maging pagkatapos ng kamatayan. Kung ang mga hayop ay mayroon mang “kaluluwa”, ito’y kakaiba o mas mababa ang katangian kumpara sa tao. Ang ganitong pagkakaiba ay maaaring nagsasabing ang mga “kaluluwa” ng mga hayop ay hindi nagpapatuloy matapos ang kamatayan.

Ang isa ring Aspeto na dapat tanggapin sa katanungang ito ay nilalang ng Diyos ang mga hayop bilang bahagi ng Kanyang malikhaing proseso sa aklat ng Genesis. Nilalang ng Diyos ang mga hayop at sinabing sila ay mabuti (Genesis 1:25). Samakatuwid, walang dahilan na maaring walang mga hayop sa bagong mundo (Pahayag 21:1). Malaki ang posibilidad na siguradong may mga hayop rin sa panahon ng milenyal na kaharian (Isaiah 11:6; 65:25). Imposible ring sabihin na siguradong ilan sa mga hayop ay maaring alaga natin habang nasa mundo pa tayo. Alam natin na ang Diyos ay tapat at matuwid at kung makakarating na tayo sa langit makikita natin ang ating sarili na ganap na samasang-ayon sa Kanyang desisyon sa ganitong isyu.

Balik sa Tagalog Home Page