Ano ang panalangin ng makasalanan?

Tanong: "Ano ang panalangin ng makasalanan?"

Sagot: Ang panalangin ng makasalanan ay panalangin sa Panginoon kung nauunawaan ng tao na sila ay makasalanan at nangangailangan ng tagapagligtas. Ang pagdasal ng panalangin ng makasalanan ay hindi magliligtas sa iyo ngunit ang iyong pananampalataya ang magliligtas sa iyo. Ang panalangin ng makasalanan ay nagsasabi sa Panginoon kung ano ang nalalaman ng tao, nauunawaan at pinaniniwalaan tungkol sa kanilang pagiging makasalanan at pangangailangan ng kaligtasan.

Ang unang bagay tungkol sa panalangin ng makasalanan ay ang pag-unawa na lahat tayo ay nagkasala. Iprinoklama sa (Romans 3:10), "Gaya ng nasusulat, Walang matuwid, wala, wala kahit isa." Nilinaw ng bibliya na lahat tayo ay nagkasala. Lahat tayo ay makasalanang nangangailangan ng habag at kapatawaran na galing sa Panginoon (Titus 3:5-7). Dahil sa ating kasalanan, nararapat lang na maparusahan ng walang hanggang parusa sa impyerno (Matthew 25:46). Ang panalangin ng makasalanan ay naghahanap ng grasya ng Panginoon sa halip na hatol. Humihingi ito sa Panginoon ng habag sa halip na galit.

Ang pangalawang bagay tungkol sa panalangin ng makasalanan ay upang alamin kung ano ang nagawa ng Panginoon upang mapatawad ang ating makasalanang naturalesa. Ang anak ng Diyos kumuha ng laman upang maging tao sa katauhan ni Hesu Kristo (John 1:1,14). Itinuro niya sa atin ang katotohanan tungkol sa Panginoon at nabuhay ng ganap at walang kasalanan (John 8:46; 2Corinthians 5:21). Namatay si Hesu Kristo sa krus na dapat ay para sa atin dahil sa ating kasalanan at tinanggap ang parusang nararapat para sa atin (Romans 5:8). Nabuhay siyang muli sa ikatlong araw upang patunayan na siya ang Anak ng Diyos at upang ideklara ang kanyang tagumpay laban sa kay Satanas, sa kasalanan, kamatayan at impyerno (Colossians 2:15; 1Corinthians kapitulo 15).

Nang dahil sa lahat ng ito, maaring napatawad ang lahat ng ating kasalanan at napangakuan ng buhay na walang hanggan sa kalangitan - kung kusa nating ilalagay ang ating tunay na pananampalataya kay Hesu Kristo. Ang kailangan lang natin gawin ay maniwala sa Kanya bilang Anak ng Diyos, namatay sa krus at muling nabuhay (Romans 10:9-10). Kailangan nating maniwala na tayo ay naligtas dahil sa grasya ng Panginoon, sa pamamagitan lamang ng pananampalataya kay Hesu Kristo (Ephesians 2:8) ay nagdeklarang "Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios;".

Ang pagdasal ng panalangin ng makasalanan ay isang simpleng paraan upang ideklara sa Panginoon na kailangan mo si Hesu Kristo bilang iyong pansariling Tagapagligtas. Walang salitang maaring sabihin ang tao na magliligtas sa kanila, kundi ang tanging pananampalataya lamang kay Hesus na Anak ng Diyos, ang kanyang pagkamatay at muling pagkabuhay. Kung nauunawaan mong ikaw ay makasalanan at nangangailangan ng kaligtasan sa pamamagitan ni Hesu Kristo, narito ang isang panalangin ng makasalanan na maaari mong dasalin sa Panginoon.

"Panginoon, alam ko na ako ay makasalanan. Alam kong hindi ako nararapat sa kalangitan dahil sa aking kasalanan ngunit naniniwala ako at nagtitiwala sa iyong Anak na si Hesu Kristo bilang aking tagapagligtas at Panginoon at upang tumanggap ng regalo ng buhay na walang hanggan. Naniniwala ako na ang kanyang pagkamatay at muling pagkabuhay ay inilaan para sa kapatawaran ng "lahat" ng aking kasalanan. Naniniwala ako kay Hesus at tanging Siya lamang ang aking pansariling Tagapagligtas at Panginoon. Maraming salamat Panginoon, sa pagpapatawad at pagbigay sa akin ng regalo mong buhay na walang hanggan sa pamamagitan ng iyong Anak na si Hesu Kristo! Amen!

Ikaw ba ay gumawa ng desisyon para kay Kristo dahil sa iyong mga nabasa dito? Kung Oo, I-Klick ang “Tinanggap ko si Kristo ngayon” sa ibabang kahon

Balik sa Tagalog Home Page