Kristyanong Pag-aayuno – ano ang sinasabi ng Biblya?

Tanong: "Kristyanong Pag-aayuno – ano ang sinasabi ng Biblya?"

Sagot: And Biblya ay hindi nag-uutos na ang mga Kristyano ay mag-ayuno. Hindi ito hinihingi o kinakailanganin ng Diyos sa mga Kristyano. Ganoon pa man, ang Biblya ay naglalahad na ang pag-aayuno ay isang bagay na mabuti, kapaki-pakinabang, at mabiyaya. Ang libro ng Ang Mga Gawa ay nagtatala ng mga pagkakataon na ang mga Kristyano ay nag-ayuno bago sila ay gumawa ng mga mahahalagang desisyon. (And Mga Gawa 13:2, 14:23). Ang pag-aayuno at pagdadasal ay palaging magkadugtong o magkasama (Lucas 2:37; 5:33). Masyadong madalas, and tampulan ng pag-aayuno ay sa hindi pagkain o kakulangan ng pagkain. Sa halip, ang layunin ng pag-aayuno ay dapat na tanggalin and ating mga atensyon o pokus sa mga bagay na makamundo at ibuhos ng maiigi ang pokus sa Diyos. Ang pag-aayuno ay isang paraan na nagpapatunay sa Diyos, at sa ating sarili, na ang ating relasyon sa Kanya ay dibdiban. Ang pag-aayuno ay tumutulong sa atin upang makamit natin ang bagong perspektibo at panibagong pananalig sa Diyos.

Bagama’t ang pag-aayuno sa Biblya ay palaging pag-aayuno sa pagkain, mayroon pang ibang paraan para mag-ayuno. Kahit ano pa mang isusuko ng pansamantala upang ang ating atensyon ay para lamang mapapunta sa Diyos ay maituturing na pag-aayuno (1 Mga Taga Corinto 7:1-5). Ang pag-aayuno ay dapat na limitado sa takdang oras, lalo na ang pag-aayuno sa pagkain. Ang mahabang panahon na walang pagkain ay makakapinsala sa ating katawan. Ang pag-aayuno ay hindi nilalayon upang parasuhan ang ating katawan, sa halip ito ay ating ginagawa upang ilipat ang ating atensyon sa Diyos. Ang pag-aayuno ay hindi rin dapat ituring na “pagdidiyeta.” Ang layunin ng pag-aayuno na makabiblya ay hindi upang mangayayat, kundi upang makamit ang mas malalim na relasyon sa Diyos. Kahit sino ay puwedeng mag-ayuno, pero mayroong iba na hindi puwedeng mag-ayuno sa pagkain (halimbawa, mga taong mayroong dyabetis). Lahat ay puwedeng pansamantalang isuko ang isang bagay upang mas mapalapit sa Diyos.

Sa pamamagitan na alising natin ang ating atensyon sa mga bagay na makamundo, mas magtatagumpay tayo na ipokus ang ating atensyon sa Diyos. Ang pag-aayuno ay hindi paraan upang makuha natin ang ating kagustuhan sa Diyos. Babaguhin tayo ng pag-aayuno, hindi ang Diyos. Ang pag-aayuno ay hindi paraan upang ipakita sa ibang tao na tayo ay mas banal kaysa sa kanila. Ang pag-aayuno ay dapat gawain ng may diwa na mapagpakumbaba at masayang saloobin. Sa libro ni Mateo 6:16-18 ay sinasabi, “Pagka kayo ay nag-aayuno, ay huwag kayong gaya ng mga mapagpaimbabaw, na may mapapanglaw na mukha; sapagka’t kanilang pinasasama ang mga mukha nila, upang makita ng mga tao na sila’y nag-aayuno. Katotohanang sinasabi ko sa inyo, Tinangap na nila ang kanilang gantimpala. Datapuwa’t ikaw, sa pag-aayuno mo, ay langisan mo ang iyong ulo, at hilamusan mo ang iyong mukha; upang huwag kang makita ng mga tao na ikaw ay nag-aayuno, kundi ng Ama mo na nasa lihim: at ang Ama mo, na nakakakita sa lihim, ay gagantimpalaan ka.”

Balik sa Tagalog Home Page