Ako ay isang Muslim, bakit ko pa kailangang maging kristyano?

Tanong: "Ako ay isang Muslim, bakit ko pa kailangang maging kristyano?"

Sagot: Marahil ang pinakamahalagang kaugnayan ng Islam at Kristianismo ay ang sabi ng Qur’an tungkol kay Jesus. Ayon sa Qur’an, ipinadala ni Allah si Jesus at tinulungan sa pamamagitan ng Espiritu Santo (Sura 2:87), itinaas ni Allah si Jesus (Sura 2:253), si Jesus ay matuwid at walang kasalanan (Sura 3:46; 6:85; 19:19), si Jesus ay muling binuhay mula sa mga patay (Sura 19:33-34), inutusan ni Allah si Jesus na magtatag ng relihiyon (Sura 42:13), at si Jesus ay bumalik sa langit (Sura 4:157-158). Dahil dito, dapat alamin at sundin ng mga tapat na Muslim ang mga turo ni Jesus (Sura 3:48-49; 5:46).

Isinulat ng buong detalye ang mga turo ni Jesus ng kanyang mga alagad sa unang apat na aklat ng Bagong Tipan. Ayon sa Sura 5:111, ang mga alagad ni Jesus ay tinulungan ni Allah na maniwala kay Jesus at sa kanyang mensahe. Ayon naman sa Sura 61:6, 14, si Jesus at ang kanyang mga alagad ay mga katulong ni Allah. At bilang mga katulong ni Allah, siguradong tama ang pagkakasulat nila sa mga turo ni Jesus. Inuutos ng Koran sa mga Muslim na paniwalaan at sundin ang Torah at ang unang apat na aklat sa Bagong Tipan (Sura 5:44-48). Dahil walang kasalanan si Jesus, totoo ang lahat ng kanyang itinuro. At dahil ang mga alagad ni Jesus ay mga katulong ni Allah, tama ang kanilang mga isinulat na turo ni Jesus.

Itinuturo ng Qur’an na dapat pag-aralan ng mga Muslim ang mga aklat sa Bagong Tipan tungkol kay Jesus. Hindi ito iuutos ni Allah kung hindi mapagkatiwalaan ang mga aklat na iyon. May mga bahagi ng Biblia tungkol kay Jesus na isinulat 450 taon bago pa isulat ang Qur’an. Napakaraming kopya ang ginawa ng apat na aklat ng Bagong Tipan. Kung ikukumpara ang lumang kopya sa mga kopya sa panahon ni Mohammed at sa mga kopyang ginawa pagkatapos ng panahon Mohammed ay makikita natin na halos walang pagkakaiba ang mga sinasabi nila tungkol kay Jesus at sa kanyang mga turo. Walang anumang patunay na may pinalitan o idinagdag sa mga aklat. Dahil dito, nakakatiyak tayo na totoo ang lahat ng turo ni Jesus at walang mali sa pagkasulat ng unang apat na aklat ng Bagong Tipan. Patunay ito na iningatan ni Allah ang tamang pagkasulat ng mga aklat na naglalaman ng Mabuting Balita tungkol kay Jesus.

Ano nga ba ang mga bagay tungkol kay Jesus na nakasulat sa unang apat na aklat ng Bagong Tipan? Sinasabi sa Juan 14:6, “Sumagot si Jesus, ‘Ako ang daan, ang katotohanan, at ang buhay. Walang makalalapit sa Ama kundi sa pamamagitan ko.’ ” Itinuturo dito ni Jesus na siya lang ang tanging daan patungo sa Diyos. Sa Mateo 20:19, sinabi ni Jesus na ipapako siya sa krus, papatayin at muling mabubuhay mula sa mga patay pagkatapos ng tatlong araw. Nangyari ang mga pangyayaring ito ayon mismo sa sinabi ni Jesus bago pa nila mangyari. Maliwanag na nakasulat ang mga ito sa Mateo 27-28, Marcos 15-16, Lukas 23-24, at Juan 19-21. Pero bakit pumayag si Jesus, na isang dakilang propeta ni Allah, na patayin siya? At bakit pinayagan din ito ni Allah? Ayon kay Jesus, wala nang[wrong ‘ng/nang’] mas dakila pang pag-ibig kaysa sa paghandog ng iyong buhay para sa iyong kaibigan (Juan 15:13). At sinasabi rin sa Juan 3:16 na dahil sa laki ng pag-ibig ng Diyos sa atin, isinugo niya si Jesus upang maging handog para sa ating mga kasalanan.

Bakit kailangang ihandog ni Jesus ang kanyang buhay para sa atin? Ito ang pinakamalaking ng kaibahan ng Islam at Kristianismo. Ayon sa turo ng Islam, hahatulan ni Allah ang mga tao batay sa kanilang mga gawa. Ayon naman sa turo ng Kristianismo, walang sinumang tao ang makakagawa nito. At kahit magawa pa ito ng tao, hindi maaaring payagan ni Allah na pumasok sa langit ang sinumang nakagawa ng kahit isang kasalanan, sapagkat siya ay banal, perpekto at matuwid. Kung ganoon, patungo tayong lahat sa impyerno. Dahil sa kabanalan ni Allah, kailangang patawan niya ng hatol na parusa ang nagkasala. Iyon ang dahilan kung bakit kailangang ihandog ni Jesus ang kanyang buhay para sa atin.

Ayon sa turo ng Qur’an, walang kasalanan si Jesus. Pero paano mabubuhay ang isang tao sa buong buhay niya sa mundo na hindi man lamang nagkakasala kahit minsan? Imposible. Paano iyon nagawa ni Jesus? Si Jesus ay hindi isang karaniwang tao. Ayon sa kanya, Siya at ang Ama ay iisa (Juan 10:30). Sinabi niya na siya ang Diyos na binabanggit sa Torah o aklat ng kautusan (Juan 8:58). Itinuro ng Juan 1:1, 14 na siya ang Diyos na naging tao. Alam ng Diyos na nagkasala tayong lahat kaya hindi tayo makakapasok [you can say ‘makakapasok’ or ‘pwedeng pumasok’, but not usually ‘pwedeng makapasok’]sa langit. Alam din niya na ang tanging paraan para mapatawad tayo ay bayaran ang parusa para sa ating mga kasalanan. Alam din ng Diyos na Siya lamang ang may kakayahang magbayad sa malaking pagkakautang na ito. Kaya nagkatawang tao ang Diyos sa pamamagitan ni Jesu-Cristo. Namuhay siya sa mundo ng matuwid at walang kasalanan (Sura 3:46; 6:85; 19:19), itinuro niya ang totoong mensahe, at namatay siya para sa atin, upang bayaran ang kaparusahan ng kasalanan. Ginawa ito ng Diyos dahil mahal niya tayo, at dahil nais niya tayong makasama sa Langit.

Ano ngayon ang ibig sabihin nito? Si Jesus ang naging ganap na handog para sa ating mga kasalanan. Iniaalok ng Diyos ng kapatawaran at ang kaligtasan ang lahat. Ang tanging kailangan nating gawin ay tanggapin ang kanyang alok sa atin (Juan 1:12). Sumampalataya tayo kay Jesus bilang sariling tagapagligtas, sapagkat inialay niya ang kanyang buhay alang-alang sa atin. Kung mananalig tayo kay Jesus bilang ating Tagapagligtas, mayroon tayong katiyakan na may buhay tayong walang hanggan sa piling ng Diyos sa langit. Patatawarin tayo ng Diyos sa ating mga kasalanan, lilinisin, at babaguhin niya ang ating espiritu. Paano natin matatangihan ang ganyang kagandang kaloob? Paano natin matatalikuran ang Diyos na nagmahal sa atin at ibibinigay ang kanyang sarili bilang kaloob na pambayad sa ating mga kasalanan.

Kung hindi ka pa sigurado sa iyong pananampalataya, inaanyayahan ka naming bigkasin ang dalanging ito: “O Diyos, tulungan mo akong malaman ang katotohanan. Tulungan mo rin akong makita ang mali. Gabayan mo po ako para malaman ko ang tunay na daan patungo sa kaligtasan. Amen!” Hindi naman importante na ganito ang sabihin mo. Kung taos puso kang mananalangin sa Diyos, diringgin niya ang iyong panalangin.

Kung nais mo namang tanggapin si Jesus bilang sarili mong Tagapagligtas, sabihin mo ito sa Diyos. Tandaan mo lang na hindi ang panalanging ito ang makakapagligtas sa iyo. Tanging ang pananampalataya ang makakagawa noon. “O Diyos, salamat po sapagkat mahal mo ako. Salamat Jesus sa iyong paghihirap ng dahil sa akin upang mapatawad mo ako sa aking mga kasalanan at matanggap ko ang kaligtasan. Sumasampalataya ako ngayon at nagtitiwala sa iyo bilang sarili kong Tagapagligtas. Susunod at magpapasakop ako sa iyo. Amen!”

Ikaw ba ay gumawa ng desisyon para kay Kristo dahil sa iyong mga nabasa dito? Kung Oo, I-Klick ang “Tinanggap ko si Kristo ngayon” sa ibabang kahon

Balik sa Tagalog Home Page