Ano ang ibig sabihin ng si Hesus ay Anak ng Diyos?

Tanong: "Ano ang ibig sabihin ng si Hesus ay Anak ng Diyos?"

Sagot: Si Hesus ay hindi anak ng Diyos sa paraang iniisip natin tulad ng pantaong relasyon ng Ama at ng Anak. Hindi nag-asawa ang Diyos at nagkaroon ng anak. Si Hesus ay Anak ng Diyos sa paraang Siya ay Diyos na nagkatawang tao (Juan 1: 1, 14). Si Hesus ay Anak ng Diyos at Siya ay binuo ng Banal na Espiritu. Idinedeklara ng Lucas 1: 35, “Sumagot ang anghel at sinabi sa kaniya: Darating sa iyo ang Banal na Espiritu, at ang kapangyarihan ng Kataas-taasan ang lililim sa iyo. Dahil dito, ang banal na ito na iyong ipapanganak ay tatawaging Anak ng Diyos.” Sa panahon ng Bibliya, ang katagang “anak ng tao” ay ginagamit upang ipaliwanag ang isang tao. Ang anak ng isang tao ay tao.

Sa panahon ng paglilitis kay Kristo sa harap ng mga pinuno ng mga Hudyo, Sinabi ng pinakapunong-saserdote sa Kaniya: Inuutusan kita sa pamamagitan ng buhay na Diyos. Sabihin mo sa amin kung ikaw ang Mesiyas, ang Anak ng Diyos? (Mateo 26:63) Sinabi ni Hesus sa kaniya: Tama ang iyong sinabi. Gayunman, sinasabi Ko sa iyo: Mula ngayon ay makikita mo ang Anak ng Tao na nakaupo, Siya ay makikita mo sa kanang kamay ng Makapangyarihan at dumarating sa mga ulap ng langit. (Mateo 26:64) Pinunit ng pinakapunong-saserdote ang kaniyang damit. Sinabi niya: Siya ay namusong. Bakit kailangan pa natin ang mga saksi? Narito, narinig ninyo ang kaniyang pamumusong. Ano ang palagay ninyo? Sumagot sila: Siya ay nararapat na mamatay!(Mateo 26:65-66). makalipas ang ilang sandali sinabi ng mga Hudyo kay Pilato, Kami ay may kautusan. Ayon sa aming kautusan, dapat Siyang mamatay sapagkat ginawa Niya ang Kaniyang sarili na Anak ng Diyos. (Juan 19:7). Bakit ang pag-angking "Anak ng Diyos" ay makokonsiderang pagkutya sa Diyos at nararapat lamang na mamatay? nauunawaan ng mga pinuno ng mga Hudyo ang sinabi ni Hesus na "Anak ng Diyos." Ang pagiging "Anak ng Diyos" ay nangangahulugan lamang na magkapareho sila ng katangian ng Ama, ang katotohanan ang pag-angkin ng sinuman na sila ay Diyos ay isang pagkutya sa Ama ayon pa sa mga pinuno ng mga Hudyo. Dahil dito nais nilang mamatay si Hesus. Malinaw na ipinahayag ito ng aklat ng Hebreo 1: 3, "Siya ang kaliwanagan ng kaluwalhatian ng Ama at ang ganap na kapahayagan ng pagka-Diyos ng Ama. Siya ang humahawak ng lahat ng bagay sa pamamagitan ng salita ng Kaniyang kapangyarihan. Pagkatapos Niyang gawin ang paglilinis sa ating mga kasalanan, umupo Siya sa kanan ng Kamahalan sa kaitaasang dako."

Ang isa pang halimbawa ay matatagpuan sa aklat ng Juan 17: 12 kung saan inilarawan si Hudas bilang “anak ng kapahamakan.” Sinasabi rin ng Juan 6: 71 na si Hudas ay anak ni Simon. Ano ba ang ibig sabihin ng Juan 17: 12 noong inilarawan nito si Hudas na “anak ng kapahamakan”? ang salitang kapahamakan ay nangangahulugang " pagkasira, wasakin, basura." Si Hudas ay hindi literal na anak ng "pagkawasak, pagkasira, at basura" – subalit ang mga bagay na iyon ay ang makikita sa buhay ni Hudas. Si Hudas ay pagpapakita ng kapahamakan. Sa kaparehong aspeto, si Hesus ay Anak ng Diyos. Ang Anak ng Diyos ay Diyos. Si Hesus ay Diyos na nagkatawang tao (Juan 1: 1, 14).

Balik sa Tagalog Home Page