Nakikipag-usap pa ba ang Diyos sa atin ngayon?

Tanong: "Nakikipag-usap pa ba ang Diyos sa atin ngayon?"

Sagot: Naitala ng Bibliya na malinaw na nakikipag-usap ang Diyos sa mga tao ng maraming beses (Exodo 3:14; Joshue 1:1; Hukom 6:18; 1 Samuel 3:11; 2 Samuel 2:1; Job 40:1; Isaias 7:3; Jeremias 1:7; Mga Gawa 8:26; 9:15 – ito’y konting halimbawa lamang). Walang Biblikal na dahilan upang ang Diyos ay hindi na maaaring malinaw na makipag-usap sa isang tao sa ngayong panahon. Sa daan-daang beses na naitala ng Bibliya na nagsalita ang Diyos, dapat nating tandaan na nangyari ang naturang aktibidad sa loob ng apat na libong taong kasaysayan ng tao. Ang Malinaw na pagsasalita ng Diyos ay isang eksepsiyon, at hindi alituntunin. Kahit na ang mga Biblikal na naitalang pangyayari na nagsasalita ang Diyos, ay hindi palaging malinaw na kung ito ba ay maliwanag na isang boses, o boses mula sa loob, o impresyon ng isip.

Talagang nakikipag-usap ang Diyos sa mga tao sa kasalukuyan. Una, Nakikipag-usap ang Diyos sa atin sa pamamagitan ng Kanyang salita (1 Timoteo 3: 16-17). Sinasabi rin aklat ng Isaias 55: 11 ang, “Ganyan din ang Aking mga salita, magaganap nito ang lahat Kong nasa.” Naitala ng Bibliya ang Mga salita ng Diyos para sa atin sa lahat ng kinakailangan nating malaman upang tayo’y maligtas at mamuhay ng Kristiyanong pamumuhay. Idinedeklara din ng 2 Pedro 1:3-4 ang, “Ayon sa kaniyang kapangyarihan, ipinagkaloob sa atin ng Diyos ang lahat ng bagay na nauukol sa buhay at sa pagkamaka-Diyos sa pamamagitan ng pagkakilala sa Kaniya na tumawag sa atin sa pamamagitan ng kaluwalhatian at kapangyarihan. Sa pamamagitan nito, ibinigay Niya sa atin ang kaniyang mga mahalaga at dakilang pangako upang sa pamamagitan ng mga ito ay makabahagi kayo sa banal na kalikasan ng Diyos. Yamang nakaiwas na kayo sa kabulukan na nasa sanlibutan dahil sa masamang pagnanasa, nakabahagi kayo sa banal na kabanalan ng Diyos.”

Pangalawa, nakikipag-usap sa atin ang Diyos sa pamamagitan ng impresyon, mga pangyayari at iniisip. Tinutulungan tayo ng Diyos na malaman ang tama at mali sa pamamagitan ng ating mga konsensiya (1 Timoteo 1:5; 1 Pedro 3:16). Ang Diyos ay nasa proseso ng paghubog sa ating mga isipan na naaayon sa Kanyang iniisip (Roma 12: 2). Pinapahintulutan ng Diyos ang mga pangyayari sa ating mga buhay upang gabayan tayo, baguhin tayo, at tulungan tayong lumago sa ating buhay espiritwal (Santiago 1: 2-5; Hebreo 12: 5-11). Pinapaalala din sa atin ng 1 Pedro 1: 6-7 ang, “Ito ang inyong ikinagagalak bagamat, ngayon sa sandaling panahon kung kinakailangan, ay pinalulumbay kayo sa iba't ibang pagsubok. Ito ay upang ang pagsubok sa inyong pananampalataya, na lalong higit na mahalaga kaysa ginto na nasisira, bagaman sinusubok sa pamamagitan ng apoy, ay masumpungan sa ikapupuri, ikararangal at ikaluluwalhati ni Hesu Kristo sa kaniyang kapahayagan.”

Sa kahuli-hulihan, Totoo, Maaring mangyari na minsan malinaw na makikipag-usap ang Diyos sa mga tao. Bagaman, nakakapagduda din kung palagi itong nangyayari kagaya ng inaangkin ng ilang tao. Muli, kahit na sa Bibliya, ang malinaw na pagsasalita ng Diyos ay isang eksepsiyon, at hindi ordinaryo. Kung ang sinuman ay umaangking nakipag-usap ang Diyos sa kanya, laging ikumpara ang kung ano ang sinabi sa kanya sa sinasabi ng Bibliya. Kung magsasalita man ang Diyos ngayon, ang Kanyang sasabihin ay lubos na sumasang-ayon sa sa Kanyang sinasabi sa Bibliya. Hindi sinasalungat ng Diyos ang Kanyang sarili. Ipinoproklama ng 2 Timoteo 3: 16-17 ang, “Kinasihan ng Diyos ang bawat kasulatan. Ang mga ito ay mapakikinabangan sa pagtuturo, sa pagsaway, sa pagtutuwid, sa pagsasanay sa katuwiran. Ito ay upang ang tao ng Diyos ay maging ganap, na naihandang lubos sa mga mabubuting gawa.”

Balik sa Tagalog Home Page