Bakit kailangang manalangin?

Tanong: "Bakit kailangang manalangin? Ano and kabuluhan ng pananalangin kung alam na naman ng Diyos ang ating kinabukasan at Siya rin naman ang may kontrol ng lahat? Kung hindi mababago ang pag- iisip ng Diyos, bakit dapat tayong manalangin?"

Sagot: Para sa isang Kristyano, ang pananalangin ay maaaring ihambing sa ating paghinga. Mas madali itong gawin kaysa hindi ito gawin. Maraming dahilan para tayo ay manalangin. Para sa isang bagay, ang pananalangin ay isang pamamaraan ng paglilingkod sa Diyos (Lucas 2:36-38) at pagsunod sa Kanya. Tayo ay nanalangin dahil ito ay utos sa atin ng Diyos (Mga Taga Filipos 4:6-7). Si Kristo at ang naunang simbahan ang nagbigay sa atin ng halimbawa kung papaano tayo mananalangin (Marcos 1:35; Ang Mga Gawa 1:14; 2:42; 3:1; 4:23-31; 6:4; 13:1-3). Kung ito ay kapaki-pakinabang kay Jesus, nararapat lamang na gawin din natin ito. Kung kailangan Niya na magdasal upang manatili sa kalooban ng Ama, mas lalo pang kailangan natin na tayo ay manalangin din?

Ang isa pang dahilan kung bakit tayo ay dapat manalangin ay dahil hangad ng Diyos na ang pananalangin ay isang pamamaraan upang kuhanin ang Kanyang solusyon sa mga bagay-bagay. Tayo ay nananalangin bago tayo ay gumawa ng importanteng desisyon (Lucas 6:12-13); para pagtagumpayan ang mga hadlang na makademonyo (Mateo 17:14-21); upang ipagtipun-tipon and mga manggagawa para sa espirituwal na pag-aani (Lucas 10:2); upang maging matatag para mapagtagumpayan ang anumang tukso (Mateo 26:41); at upang magkaroon ng pamamaraan upang bigyan ng katiyagaan ang ibang mga banal.

Inilalapit natin sa Diyos ang ating mga tiyak na kahilingan, at ibinigay sa atin ng Diyos ang kanyang pangako na ang ating mga panalangin ay hindi makabuluhan, kahit hindi natin natanggap ang mismong hiningi natin sa Kanya (Mateo 6:6; Mga Taga Roma 8:26-27). Ipinangako Niya sa atin na kapag ang hinihingi natin ay sang-ayon sa Kaniyang kalooban, ito ay ibibigay Niya sa atin. Kapag minsan, inaantala Niya ang pagsagot sa ating panalangin ayon sa Kaniyang karunungan at para rin sa ating kabutihan. Sa mga ganitong pangyayari, tayo ay dapat na lalong maging masigasig at mapilit sa ating pananalangin Mateo 7:7; Lucas 18:1-8. Ang pananalangin ay hindi nating dapat makita na paraan upang makuha natin sa Diyos ang ating kagustuhan dito sa lupa, subali’t upang makita natin ito na paraan upang gawin ng Diyos ang Kanyang kagustuhan dito sa lupa. Ang karunungan ng Diyos ay lampas sa ating karunungan.

Sa mga pagkakataon na hindi natin alam ang kalooban ng Diyos, ang pananalangin ay isang paraan upang malaman natin ang Kanyang kalooban. Kung hindi nanalangin ang babaing Sirofenisa na may anak na babae na may demonyo sa katawan, ang demonyo sa kanyang anak ay hindi maaalis (Marcos 7:26-30). Kung hindi rin nagsisigaw kay Jesus ang bulag sa labas ng Jerico, ay mananatili siyang bulag (Lucas 18:35-43). Sinabi ng Diyos na tayo ay wala dahil hindi tayo humihingi (Santiago 4:2). Sa isang katinuan, ang pananalangin ay katulad ng pagbabahagi ng Ebanghelyo sa ibang tao. Hindi natin alam ang mga tao na sasagot sa mensahe ng Ebanghelyo hangga’t hindi natin ito ipinamamahagi. Sa kaparehong pamamaraan, hindi natin makikita ang mga resulta ng ating mga panalangin na sinagot ng Diyos kung hindi tayo mananalangin.

Ang kakulangan ng pananalangin ay nagpapakita ng kakulangan ng pananampalataya at pagtitiwala sa Salita ng Diyos. Tayo ay nanalangin upang ating ipakita ang ating pananampalataya sa Diyos, na Kaniyang gagawin ang Kaniyang ipinangako sa Kaniyang Salita at biyayaan Niya ang ating buhay ng kasaganaan mas mahigit pa ating hiningi o inaasahan (Efeso 3:20). Ang pananalangin ay pangunahing pamamaraan na makikita natin ang ginagawa ng Diyos sa buhay ng ibang tao. Dahil ito ay isang pamamaraan para tayo ay “kumabit” sa kapangyarihan ng Diyos, ito ay isang paraan upang taluhin si Satanas at ang kaniyang hukbo na tayo ay walang kapangyarihan na matalo ng ating sarili lamang. Kaya, harinawa ay makita tayo ng Diyos sa harapan ng Kaniyang luklukan, dahil tayo ay mayroong Dakilang Saserdote sa langit na nakakaunawa ng ating mga kahinaan (Sa Mga Hebreo 4:15-16. Binigyan Niya tayo ng pangako na ang maningas na pananalangin ng isang matuwid ay marami ang magaganap (Santiago 5:16-18. Harinawa ay luwalhatiin ng Diyos ang Kaniyang pangalan sa ating mga buhay samantalang pinaniniwalaan natin Siya nang sapat na tayo ay pumunta sa Kanya ng madalas sa pamamagitan ng pananalangin.

Balik sa Tagalog Home Page