Ano ang Kristiyano?

Tanong: "Ano ang Kristiyano?"

Sagot: Ang diksyunaryo na isinulat ni Webster ay nagsasabing ang Kristiyano ay "taong naghahayag ng kanyang paniniwala kay Hesus na Kristo o kaya sa relihiyong batay sa itinuro ni Jesus. " Samantalang ito ang mabuting punto ng pag-uumpisa sa pag-unawa kung ano ang Kristiyano, hindi ito ang kabuuan sa paghahatid ng balita tungkol sa katotohanan ng bibliya, kung ano ang kahulugan ng pagiging totoong Kristiyano.

Ang salitang Kristiyano ay tatlong beses ginamit sa Bagong Tipan (Acts 11:26; Acts 26:28; 1 Peter 4:16). Ang mga alagad ni Hesukristo ay unang tinawag na Kristiyano "sa Antioquia (Acts 11:26) dahilan sa kanilang ikinikilos, gawain at pananalita na katulad kay Kristo. Ito ay orihinal na ginamit ng hindi pa ligtas na mga tao sa Antioquia bilang "contemptuous" na palayaw na ginamit upang pagtawanan ang mga Kristiyano. Ang literal na kahulugan nito ay "pag-aari ng panig ni Kristo" o alagad ni Kristo" na katulad sa paraang pagkakahayag sa diksyunaryong isinulat ni Webster.

Sa kasamaang palad sa paglipas ng panahon, ang salitang "Kristiyano" ay nawalan ng kabuluhan at karaniwang ginagamit ng taong relihiyoso o kaya may mataas na moral sa halip na totoong nabuhay na muli na alagad ni Hesu Kristo. Maraming tao ang hindi naniniwala at nagtitiwala kay Hesu Kristo ang nag aakalang sila ay Kristiyano dahil nagpupunta sila sa simbahan o kaya nakatira sa "Kristiyanong" nasyon. Ngunit ang pagpunta sa simbahan, ang pagsilbi doon sa mga taong kapus- palad kaysa sa iyo, o ang pagiging mabuting tao ay hindi makakatulong sa iyo upang maging Kristiyano. Ayon sa isang "Evangelist", "ang pagpunta sa simbahan ay hindi makakagawa sa isang tao na maging Kristiyano na higit pa sa pagpunta mo sa garahe, ikaw ay magiging isang automobil". Bilang miyembro ng isang simbahan, regular na dumadalo sa serbisyo ng simbahan at nagbibigay para sa mga gawain ng simbahan ay hindi makakagawa sa tao na maging Kristiyano.

Ang bibliya ay nagtuturo sa atin na ang mabuting gawain natin ay hindi makakatulong sa atin upang tanggapin tayo ng Diyos. Titus 3:5 ay nagsasabing, "Na hindi dahil sa mga gawa sa katuwiran na ginawa nating sarili, kundi ayon sa kaniyang kaawaan ay kaniyang iniligtas tayo, sa pamamagitan ng paghuhugas sa muling kapanganakan at ng pagbabago sa Espiritu Santo." Ang Kristiyano ay isang taong ipinanganak na muli sa Espiritu Santo (John 3:3; John 3:7; 1 Peter 1:23) at inilagay ang kanilang pananampalataya at tiwala kay Hesu Kristo. Mga taga Ephesians 2:8 ay nagsasabing, "Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios. " Ang totoong Kristiyano ay yaong nagsisi ng kanyang kasalanan at inilagay ang pananampalataya at tiwala kay Hesu Kristo lamang. Ang kanilang tiwala ay hindi sa pagsunod sa relihiyon, listahan ng kodigo moral o listahan ng mga bawal at di-bawal.

Ang totoong Kristiyano ay isang taong inilagay ang kanyang pananampalataya at tiwala sa katauhan ni Hesu Kristo at sa katotohanang Siya ay namatay sa krus bilang kabayaran ng mga kasalanan at nabuhay na muli sa ikatlong araw upang makamit ang tagumpay laban sa kamatayan at ipagkaloob ang buhay na walang hanggan sa lahat ng naniniwala sa kanya. John 1:12 ay nagsasabing, "Datapuwa't ang lahat ng sa kaniya'y nagsitanggap, ay pinagkalooban niya sila ng karapatang maging mga anak ng Dios, sa makatuwid baga'y ang mga nagsisisampalataya sa kaniyang pangalan: " Ang totoong Kristiyano ay talagang anak ng Diyos, bahagi ng totoong pamilya ng Diyos, at isang ipinagkaloob ang bagong buhay kay Cristo. Ang tatak ng bagong Kristiyano ay pag-ibig sa kapwa at pagiging masunurin sa salita ng Diyos (1 John 2:4; 1 John 2:10).

Ikaw ba ay gumawa ng desisyon para kay Kristo dahil sa iyong mga nabasa dito? Kung Oo, I-Klick ang “Tinanggap ko si Kristo ngayon” sa ibabang kahon

Balik sa Tagalog Home Page

Ano ang Kristiyano?