settings icon
share icon
Dumanna

Soccu è un Cristianu?

Resposta


U dizionariu rici ca un Cristianu avissi a iessiri cchiù o menu “na pirsuna ca cridi a Cristu oppuri a riliggiuni ca si basa supra li nzignamenti di Cristu”. Stu cuncettu è un buon puntu di partenza, comu tanti definizioni di li dizionari, ma un comunica completamente a virità ra a Bibbia di soccu voli diri essiri un Cristianu. Nno Novu Tistamentu putiti truvari a palora “Cristianu” tri bbuoti (Atti 11:26; 26:28; 1 Petru 4:16). N prima chiddi ca ievanu appressu a Cristu i chiamavanu “Cristiani” ad Antiochia (Atti 11:26) picchi si cumpurtavanu, campàvanu i parravanu comu ci ava ‘nzignatu Cristu. A la littra a palora “Cristianu” voli diri “appartèniri o partitu ri Cristu” oppuri “iessiri un discèpulu i Cristu”.

Purtroppu cu l’anni, a palora “Cristianu” pirdiu quasi tutta a so mpurtanza, i tanti vuoti si usa pi parrari di quarcunu ca è riliggiusu o avi auti valori murali, ma chi poti o non poti essiri un vero discèpulu di Cristu. Tanti pirsuni ca un criunu o unn’anu firucia in Cristu ricinu ca sunnu Cristiani sulu picchì vanu a chiesa o stanu nto ‘n paisi “Cristianu”. Ma iri a chiesa, aiutari a chiddi ca su menu furtunati i tia, o essiri na brava pirsona un significa ca sì un Cristianu. Iri a chiesa un ti faci addivintari un Cristianu, unn’è ca si trasi nto ‘n garage addiventi na machina! Essiri un membru di na ghiesa, iri a missa sempri, e fari a limosina un ti faci addivintari un Cristianu.

A Bibbia nni nzigna ca i cosi bbuoni chi facemu nu ‘nni ponu fari addivintari bravi a l’occhi r’u Signuri. Titu 3:5 rici, “Nni sarbò no picchì aviamu fattu cosi giusti, ma picchì è misericurdiusu. Nni sarbò pi menzu ru Spiritu Santu, ca nni purificò, nni rinnovò i nni fici rinàsciri”. Un Cristianu è quarcunu ca rinasciu grazie o Signuri (Giuvanni 3:3; Giuvanni 3:7; 1 Petru 1:23) e chi avi fedi e firucia ‘n Cristu. Gli Efesini 2:8 nni ricinu ca “…nni sarbamu picchì nni ficinu a razia, pi menzu r’a fedi – e un fu meritu nostru, fu un rialo r’u Signuri.”

Un veru Cristianu è quarcunu ca cridìu i appi firucia ‘n soccu fici Cristu e nna pirsona ri Cristu, i ppuru nna so morti n cruci pi ppaiari i so piccati, i nna so risurrizzioni u terzu iornu. Giuvanni 1:12 nni rici, “A tutti chiddi ca u riciveru, a chiddi ca crieru nto so nomi, Iddu i fici addivintari figghi ri Ddiu”. Un veru Cristianu ama l’autri cristiani i rispetta i palori r’u Signuruzzu (1 Giuvanni 2:4, 10). Un veru Cristianu è un figghiu ri Ddiu, un membru ra so vera famigghia, i na pirsuna ca rinasciu grazzi a Cristu.

T’addicidisti su Cristu pì cchiddu ca liggisti cà? Sì successi accussì, pi ffauri clicca u buttuni “Accittai Cristu oggi” ccà ssutta.

English



Torna à prima paggina n sicilianu

Soccu è un Cristianu?
© Copyright Got Questions Ministries